Забава
Џони Деп ќе донира 1 милион долари од спогодбата за клевета во добротворни цели
Џони Деп ќе донира дел од парите од спогодбата со поранешната сопруга Амбер Херд во случајот за клевета на пет одделни добротворни организации.
Минатата година, целиот свет со големо внимание го следеше судскиот спор меѓу поранешната холивудска двојка Џони Деп и Амбер Херд. Деп поднесе тужба против Херд поради текст што таа го напиша за „Вашингтон пост“ во 2018 година, во кој се опиша себеси како жртва на семејно насилство. Иако Деп не се споменува по име во текстот, тој ја тужеше Херд за тврдењето дека е домашен насилник.
Актерот ќе ги донира парите во пет различни добротворни организации и ќе им додели по 200.000 долари на секоја од нив. Тој избрал организации кои им помагаат на болни деца, кои се грижат за животната средина, но и оние кои обезбедуваат безбедно домување на недоволно згрижените заедници.
Фондацијата Make-A-Film, The Painted Turtle, Red Feather, Tetiaroa Society и Amazonia Fund Alliance се петте добротворни организации кои ќе добијат донации од по 200.000 долари, во вкупен износ од 1 милион долари, потврди извор близок на Деп за „Холивуд репортер“.
„Амазонија фанд алијанс“ е група непрофитни организации и компании усмерени на одржливост, а кои се фокусираат на заштита, поддршка и зачувување на домородните заедници во Амазон, додека Red Feather работи на развивање и имплементација на решенија за домување за домородните заедници во Америка.
Фондацијата Make-A-Film соработува со истакнат холивудски талент за да им исполни желби на деца со сериозни или опасни по живот здравствени состојби, а која претходно работеше со Деп на краток филм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Познатите се збогуваат од Кристоферсон: Каква голема загуба, каков одличен писател, каков одличен актер, каков одличен пријател, секогаш ќе те сакам
Крис Кристоферсон, влијателната американски пејач, актер и текстописец, почина во саботата на 88-годишна возраст. Многу ѕвезди сега се збогуваат со него.
Барбра Стрејсенд, која глумеше со Крис во филмот „Звездата е родена“ од 1976 година, рече дека знаела оти Кристоферсон е нешто посебно уште првиот пат кога го видела како настапува.
„Тој изгледаше како совршен избор за сценариото што го развивав, а кое на крајот стана ‘Ѕвездата е родена’“, напиша Барбра на „Инстаграм“.
„Во филмот Крис и јас пеевме песна што ја напишав за главната љубовна тема на филмот. На мојот последен концерт во 2019 година во лондонскиот „Хајд парк“ го замолив Крис да ми се придружи на сцената и да го отпее нашиот дует Lost Inside of You, беше шармантен како и секогаш, а публиката го награди со аплауз.
Меѓу музичарите, кои му оддадоа почит на Кристоферсон, беше неговата колешка, американската кантри-ѕвезда Доли Партон, со која глумеше во филмот „Радосна врева““ во 2012 година.
Таа на „Инстаграм“ напиша: „Каква голема загуба. Каков одличен писател. Каков одличен актер. Каков одличен пријател. Секогаш ќе те сакам, Доли“.
Портпаролот на семејството изјави дека Кристоферсон починал во својот дом во Мауи, Хаваи, опкружен со семејството, но не ја прецизира причината за смртта.
Крис се проби во светот на музиката како текстописец во главниот град на кантри-музиката Нешвил – напиша хитови како наградените со „Греми“ – Help Me Make It Through the Night, For the Good Times и Me and Booby McGee, еден од последните хитови на Џенис Џоплин.
Во раните 70-ти, кога веќе се етаблирал како пејач, почнал и актерска кариера. Една од неговите најпознати улоги е во филмот „Звездата е родена“ заедно со Барбра Стрејсенд.
Забава
Диди повеќе не е под надзор поради опасност од самоубиство, тој се концентрира на одбраната
Шон „Диди“ Комбс, наводно, повеќе не е под надзор поради можноста за самоубиство додека се подготвува да му се суди за трговија со луѓе за сексуална експлоатација, пишува Page Six. „Тој е фокусиран и многу силен“, изјави неговиот адвокат за People во неделата.
„Тој е сконцентриран на својата одбрана и се подготвува за судењето“, додаде тој.
Page Six потврди дека Комбс е во притвор. Раперот беше ставен под надзор поради можно самоубиство, откако судијата му одби кауција по неговото апсење на 16 септември.
Во тоа време, извори за People изјавија дека одлуката е донесена како „превентивна мерка бидејќи Комбс е во шок и неговата психичка состојба е нејасна“.
Медиумот потсетува дека раперот беше уапсен од федерални агенти во Њујорк и обвинет во кривично обвинение по три точки, во кое се наведува дека сексуално злоставувал жени и ги терал да учествуваат во секс забави и да користат дрога користејќи закани и насилство.
Тој ќе остане во притвор откако судијата му одби кауција и ќе се соочи со обвиненија за сексуална трговија и перење пари, заедно со многу други обвиненија засновани на настани од 2009 година наваму.
Комбс се изјасни за невин по обвиненијата и беше задржан во притвор во очекување на судењето.
Забава
Ќерката на Курт Кобејн и синот на Тони Хок станаа родители, бременоста ја криеја од јавноста
Ќерката на починатиот пејач Курт Кобејн, Френсис бин Кобејн, и Рајли Хок, син на познатиот скејтер Тони Хок, станаа родители. Ја изненадија јавноста бидејќи нејзината бременост ја чуваа во тајност.
View this post on Instagram
Френсис сега објави фотографии од новородениот син и напиша: „Добредојде на светот најубав син. Те сакаме повеќе од сè“.
Таа го откри и неговото целосно име – Ронин Вокер Кобејн Хок.
Скејтерот Тони Хок беше меѓу првите што ја коментираа објавата. „Мојот омилен внук“, напиша тој.
Освен него и нејзините пријателки, честитки упатија уште некои познати личности. „Честитки од сè срце“, напиша актерката Зелда Вилијамс, ќерка на починатиот актер Робин Вилијамс. Фронтменот на Р.Е.М., Мајкл Стајп, кој ѝ е кум на Френсис, исто така напиша: „Ви ги испраќам сета љубов и добра енергија на светот“.
Френсис бин Кобејн и Рајли Хок се венчаа на почетокот на октомври 2023 година во Лос Анџелес. Нејзина кума беше познатата актерка Дру Баримор.
View this post on Instagram
Ова е втор брак за 31-годишната Френсис. Таа се омажи за музичарот Исаја Силва во 2014 година, но се разведоа по две години брак.
Кога Курт почина во 1994 година, Френсис имаше само една и пол година, а честопати во медиумите изјавуваше дека не може да прежали што пораснала без татко. Веќе како тинејџерка, Френсис се борела со зависности, а во 2016 година решила да оди на рехабилитација. По ослободувањето од зависноста, таа ја поправила врската со својата мајка Кортни Лав, со која не разговарала со години.