Забава
Џон Малкович морал да работи нонстоп изминативе 10 години откако бил измамен од Берни Мадоф

Актерот Џон Малкович ги загубил своите животни заштеди со шемата на озлогласениот финансиер Мадоф, кој измами илјадници инвеститори за околу 64,8 милијарди американски долари во таканаречената „Понзи“ шема и подоцна беше осуден на 150 години затвор.
Малкович откри дека тој и неговата долгогодишна партнерка Николет Пејран морале да направат големи промени во начинот на живеење, и тој морал да прифати што повеќе улоги во разни филмови за повторно да станат финансиски безбедни.
Во интервју за британски „Гардијан“, актерот вели: Нашиот тогашен бизнис менаџер инвстираше речиси сè што имавме во компанија на некој финансиер Берни Мадоф. Сè што некогаш сум створил го снема.
„Видов слика на Берни Мадоф со лисици на рацете и реков: Одам долу да земам пакет цигари. Мислам дека имаме мал проблем со Мадоф.“
На прашањето колку пари изгубил, тој додаде: „О, не знам. Многу. Го сменивме стилот на живеење и трошење.
„Морав да работам цело време. Престанав да давам пари за многу работи – за бизнис, за забава, за семејството, за пријателите. Претходно трошевме многу пари за продуцирање на филмови. И тоа запре.“
Бернард Лоренс „Берни“ Мадоф е американски финансиер кој ја направи најголема финансиска измама во историјата на САД. Во период од 17 години, можеби и подолго, тој измами илјадници инвеститори за десетици милијарди долари. Исплаќал висока месечна камата на клиентите со нови инвестиции во неговата компанија, користејќи ги парите од другите клиенти. Тој исто така беше и пионер во електронското тргување и претседател на „Насдак“ берзата во раните 90-ти.
Творецот на најголемата финансиска пирамида, позната како „Понзи“ шема, во 2009 година беше осуден на 150 години затвор.
Терминот Понзи стана заштитен знак за измами што подразбираат привлекување нови инвеститори за да го платат профитот на веќе постоечките инвеститори на одреден проект. Оваа пирамидална шема името го доби по италијански имигрант Чарлс Понзи, „татко“ на класичната пирамида-шема. Тој барал од луѓето да инвестираат во неговиот бизнис, ветувајќи им 50 отсто од профитот за 45 дена. Шемата на Понзи почнала да се разоткрива во 1919 година кога “Бостон пост“ започнал истрага за неговиот бизнис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) „Убиствен“ фустан на нејзиното голо тело – спектакл

Дуа Липа денеска полни 30 години, а својот роденден го слави, поминувајќи речиси секоја вечер на Ибица, каде што ужива со својот вереник, актерот Калум Тарнер.
За уште една посебна вечер и луда забава, таа носеше сребрен фустан кој ги воодушеви нејзините следбеници, и кој открива повеќе од сè друго што го крие – без претерување.
Станува збор за металик сребрен фустан кој толку многу светка што „болат очите“, но е исто така толку смел и провокативен што нејзините следбеници ѝ простија сè.
Фустанот е од GCDS и е направен специјално за пејачката, а таа носи сребрени сандали од Pifer и златен и сребрен накит од Schiaparelli, Shay и Tiffany & Co.
Жените се воодушевени од ова парче за вечерно излегување, а следеа низа комплименти за изгледот на пејачката.
Дуа Липа исто така воодушевува со своите модни избори во последните денови, особено во белата тоалета, а обожаваше и да позира во бикини со точки, јасно ставајќи до знаење дека навистина ги следи модните трендови.
Забава
(Видео) Најубавата статуа на Исус Христос е под вода: снимките се нереални

Меѓу приказните што ги поврзуваат морето, верата и уметноста, малкумина се попознати од онаа на Христос од Бездната.
Тоа е бронзена статуа што стои седум децении на дното на морето, во близина на Џенова, со раширени раце и лице свртено кон површината.
Статуата е поставена во 1954 година во заливот Сан Фрутуозо, помеѓу Џенова и Портофино, и е висока 2,5 метри.
Идејата ја дал нуркачот Дулио Марканте, во чест на неговиот пријател Дарио Гонзати, пионер во нуркањето кој починал, пренесува Индекс.
Проектот го реализираше скулпторот Џудо Галети, а уникатноста лежи во материјалот – бронзата е добиена со топење стари бродски ѕвона, делови од подморници и други донирани метали.
Исус Христос стои на пиедестал, со раширени раце и поглед кон површината, што симболизира помирување, надеж и врска помеѓу човекот и морето.
За нуркачите, тоа стана еден вид заштитник, а за аџиите потсетник дека дури и во тишината на морските длабочини има место за духовност.
Христос од бездната се наоѓа на длабочина од 17 метри, што го прави достапен за рекреативни нуркачи. Местото сега е едно од најпосетуваните места за нуркање во Италија, а со текот на времето стана симбол на целиот регион.
Забава
(Фото) Обожавателите и се потсмеваа на прекрасната бринета: „Изгледа како алуминиумска фолија“

Актерката Дакота Џонсон е позната како дама која обожава да се облекува секси, а да не зборуваме за ризични модни комбинации.
Сепак, таа неодамна го шокираше светот избирајќи фустан кој е многу сличен на еден предмет што често го користиме во нашите домови.
Имено, Дакота присуствуваше на премиерата на филмот Splitsville, а фустанот привлече внимание, секако. Познатата убавица одлучи да носи сребрена креација од модната марка „Гучи“.
Макси фустанот има отворени рамена и специфична металик нијанса. Фустанот предизвика поплава од коментари, а многу корисници дури го споредија и со алуминиумска фолија.
Коментари како: „Изгледа како тортиља завиткана во фолија“, „Каква е ова фолија од фустан?“, „Изгледа убаво дури и во фолија“, „Изгледа како алуминиумска фолија“, беа забележливи на социјалните мрежи.
Што се однесува до остатокот од нејзиниот стајлинг, таа се одлучи за природни нијанси на шминка, дискретни додатоци и брановидна фризура што ѝ паѓаше по грбот.
фото: принтскрин