Забава
Џо Роган вети промени во поткастот што се емитува на „Спотифај“

Џо Роган вети дека ќе се обиде да понуди побалансирани ставови во својот поткаст по критиките од рок-легендите Нил Јанг и Џони Мичел дека помага во ширењето дезинформации во врска со Ковид-19.
Како резултат на ова канадските музичари побараа нивната музика да се повлече од стриминг-платформата „Спотифај“ во знак на протест против поткастот на Роган.
Некои медиуми објавија дека „Спотифај“ наводно загубил 2,1 милијарди долари во период од три дена минатата недела откако рок-легендата Нил Јанг ги тргна своите песни.
„Неодговорните луѓе шират лаги, кои чинат животи. Се солидаризирам со Нил Јанг и глобалните научни и медицински заедници за ова прашање“, напиша Џони Мичел најавувајќи дека нејзината музика повеќе нема да се стримува на „Спотифај“.
Во меѓувреме, гигантот за аудиостриминг соопшти дека работи на додавање советодавни предупредувања на секој поткаст кој се однесува на Ковид-19.
Водителот Роган ѝ се извини на компанијата и вети дека ќе се потруди неговиот поткаст да биде подобар.
Во речиси 10-минутното видео на „Инстаграм“ објавено во понеделникот, Роган вели дека ќе се труди да привлече луѓе со разни мислења во својата емисија, која во просек има 11 милиони слушатели од епизода.
Повечето од контроверзиите се однесуваат на две неодамнешни епизоди, во кои беа претставени кардиологот Питер Мекалоу и имунологот/виролог Роберт Мелоун. И двајцата експерти изразија гледишта што се спротивни на главните информации што ги дава Центарот за контрола и превенција на болестите (CDC).
Роган негира дека шири дезинформации. „Никогаш не се обидувам да постигнам нешто со овој поткаст, освен да разговарам со луѓе. Апсолутно го поддржам планот на ‘Спотифај“ на почетокот на контроверзните епизоди да стои известување, односно изјава за одрекување одговорност за искажаните ставови“.
„Моето ветување до вас е дека ќе дадам сѐ од себе да ги балансирам овие контроверзни гледишта со мислења на други луѓе за да можеме да најдеме подобра точка на гледиште“, рече тој додавајќи дека не му се лути на Нил Јанг, ниту на Џони Мичел. „Напротив, јас сум голем љубител на нивната музика“.
Во неделата, извршниот директор на аудиостриминг-платформата „Спотифај“, Даниел Ек, вети дека нови предупредувања ќе ги пренасочуваат корисниците до центар за податоци и факти за коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Астролозите велат дека ова е најдобриот хороскопски знак: дали е?

Астролозите тврдат дека еден хороскопски знак буквално доминира во сите области.
Кога ќе се појави овој знак, неговата енергија и квалитети ги оставаат другите хороскопски знаци во втор план. Тоа е Вагата.
Најчувствителниот знак
Вагата има срце големо колку универзумот и секогаш е подготвена да му помогне секому кому му е потребна поддршка. Нивната емпатија ги прави исклучително грижливи пријатели и сојузници, а чувството за емоциите на другите луѓе ретко се среќава кај другите знаци.
Непобедлив оптимизам
Без оглед на предизвиците со кои се соочуваат, Вагите одржуваат весел дух и верба дека на крајот сè ќе испадне на подобро. Нивната способност да пронајдат зрно надеж и во најтешките моменти ги инспирира оние околу нив и носи доза позитивна енергија каде и да се појават.
Впиваат знаење
Високо интелигентни, Вагите имаат речиси неверојатна способност бргу да учат нови работи. Тие апсорбираат информации како сунѓери и знаат како да ги применат во вистинскиот момент, што ги прави исклучително успешни во разни области од животот.
Рационални генијалци
Додека многумина се предаваат на емоциите или импулсите, Вагите донесуваат одлуки со ладна глава. Нивниот аналитички пристап и логично размислување им овозможуваат секогаш да бидат еден чекор понапред и да донесуваат добро осмислени одлуки.
Мајстори на дипломатијата
Тие ги решаваат конфликтите на суптилен и ефикасен начин стремејќи се кон компромиси што ги задоволуваат сите страни.
Нивното владеење на уметноста на преговарање и наоѓање балансирани решенија ги издвојува од сите други хороскопски знаци.
фото: принтскрин
Забава
Ако сакате да ослабите, ова е најдобриот додаток на вашиот пијалак

Експертите нагласуваат дека клучот не е само што пиете, туку и како го подготвувате пијалокот ако сакате да ослабете.
Смутијата можат да бидат здрав појадок или ужина, но гладот често се враќа брзо. Според нутриционистите, една од најдобрите состојки што можете да ја додадете во смути за да ви помогне да ослабете е семето од чиа. Тоа е практично без вкус, лесно за додавање во блендер и е полно со здрави масти, влакна и протеини кои ви помагаат да се чувствувате сити подолго време.
Влакна што ве одржуваат сити подолго време
Две лажици семки од чиа содржат огромни 10 грама диететски влакна, што е реткост во толку мала порција. „Влакната го забавуваат варењето и ви помагаат да се чувствувате сити подолго време, што може да го намали грицкањето и вкупниот внес на калории“, вели нутриционистката Елиза Витакер.
Тие се особено богати со растворливи влакна, кои апсорбираат вода и се шират во желудникот, создавајќи чувство на ситост. Нутриционистката Ешли Хоук додава дека ова помага да се намали прејадувањето и безгрижното допирање на храна. Студиите покажаа дека редовната консумација на семки од чиа може да го намали обемот на половината и нивото на Ц-реактивен протеин, маркер на хронично воспаление во телото.
Извор на здрави омега-3 масти
Семето од чиа е одличен растителен извор на омега-3 масни киселини. Една лажица содржи околу 1,3 грама, што е речиси целата дневна потреба за жените и поголемиот дел за мажите. „Омега-3 мастите го забавуваат варењето, го продолжуваат чувството на ситост и можат да го забрзаат метаболизмот“, објаснува Витакер.
Некои истражувања покажуваат дека омега-3 масните киселини можат да ја зголемат вашата базална метаболичка стапка, што значи дека вашето тело согорува повеќе калории дури и кога сте во мирување.
Протеини од растителна основа за стабилна енергија
Две лажици семе од чиа обезбедуваат речиси пет грама протеини. Комбинацијата од влакна, протеини и здрави масти го одржува нивото на шеќер во крвта стабилно, спречувајќи скокови на енергија и напади на глад. „Стабилниот шеќер во крвта е клучен за контролирање на апетитот во текот на денот“, забележува Ховк.
Нискокалорични, богати со хранливи материи
Покрај тоа што се богати со хранливи материи, семето од чиа е исто така нискокалорично – околу 140 калории на две лажици. Тие содржат протеини, омега-3 масти, витамини и минерали, а воедно се достапни и долготрајни. „Една кесичка трае долго време, а поради нивната мала порција, лесно се вклопуваат во вашата исхрана“, додава нутриционистот Рајан Гајгер.
Како да ги додадете во вашето смути?
Семето од чиа е неверојатно лесно за употреба. Препорачливо е да започнете со една до две лажици дневно и постепено да ја зголемувате количината како што вашето тело се навикнува на поголемиот внес на влакна. За покремаста текстура, можете да ги потопите околу десет минути пред блендирање, или за погусто смути, додадете ги непосредно пред тоа и оставете ги да се згуснат. Тие се достапни и во мелена форма за оние кои претпочитаат целосно мазни пијалоци.
фото: принтскрин
Забава
(Фото) Маникирот на Џесика Алба стана опсесија за жените во светот

Познатата актерка Џесика Алба ужива во периодот по разводот од Кеш Ворен, но и во новата љубов со актерот Дени Рамирез, кој е 11 години помлад од неа.
Сето ова ја направи Џесика повторно главна тема каде и да се појави, а едно од нештата за кои е неоспорна, дефинитивно, се модата и чувството за стил.
View this post on Instagram
Таа е поактивна на „Инстаграм“ од кога и да било, а токму таму сподели фотографија која привлече внимание поради нејзиниот модерен маникир.
Популарниот фанцуски маникир никогаш не излегува од мода, а се чини дека оваа година е позастапен од кога било. Ноктите на Џесика имаат облик на бадем и изгледаат повеќе од софистицирано со овој класичен дизајн.
фото: принтскрин