Година по неговата смрт, семејството на Метју Пери зборуваше јавно. Очувот на Пери, новинарот Кит Морисон и сестрата Кејтлин дадоа интервју за канадскиот „Хелоу“ и ги открија плановите за Фондацијата Метју Пери во Канада.

Според официјалната веб-страница на организацијата, фондацијата е создадена за да обезбеди „сеопфатна поддршка на поединците кои живеат со нарушувања од зависноста по третманот“.

„Работата што ја работам сега е многу себична затоа што се чувствувам како да седам до Метју и да работам со него секој ден на нешто што му беше важно“, рече Кејтлин (43), која работи како извршен директор на фондацијата.

„Благословена сум што преку оваа фондација секогаш можам да го имам блиску до мене“, додаде таа.

„Би сакал да биде запаметен по тоа што им помага на луѓето кои се борат со зависноста“, додал очувот на актерот. Неговата смрт, велат, била неверојатен шок за нив.

„Кога Метју ненадејно умре, тоа беше неверојатно шокантно… Секој што изгубил дете ќе ви каже дека дури и ако сте некако подготвени за оваа можност, тоа е поразително“, изјави Морисон.

„Она што решивме да го изввлечеме од целата трагедија беше да направиме нешто корисно“, додаде тој.

Пери почина на 54-годишна возраст во октомври минатата година од акутните ефекти на кетаминот и други фактори кои го натераа да ја изгуби свеста и да се удави во џакузи, според обдукцијата во декември. Актерот јавно ја призна децениска употреба на супстанции, вклучително и во годините кога го играше Чендлер Бинг во хит телевизискиот ситком од 1990-тите „Пријатели“.

За потсетување, еден од двајцата лекари од Калифорнија, кои се меѓу петтемината обвинети за неговата смрт од предозирање, во средата се изјасни за виновен за нелегална дистрибуција на кетамин. Марк Чавез се изјасни за виновен пред Окружниот суд на САД во Лос Анџелес. При изрекувањето на пресудата, тој може да добие и до 10 години затвор.

Друг лекар обвинет во случајот, Салвадор Пласенсија, се изјасни за невин, како и кообвинетата Јасвен Санга, позната како „Кралицата на кетаминот“. Личниот асистент на Пери, Кенет Ивамаса, кој призна дека му ја вбризгал дрогата на Пери, и наводниот посредник кој рекол дека набавил кетамин од Санга, веќе се изјаснија за виновни за обвиненијата со кои се соочуваат.

Актерот Харис Дикинсон (28) признал дека му било непријатно да сними непланирана интимна сцена со актерката Никол Кидман (57) во филмот Babygirl. Во таа сцена морал без претходна проба да танцува гол на песната на Џорџ Мајкл, а истакнал дека му е срам, пишува Дејли Мејл.

„Режисерката Халина Рејн ја пушти песната и рече: ‘Само танцувај’. И танцував, претходно испив малку виски, но тоа беше непријатно“, рече актерот, нагласувајќи дека Никол Кидман му била голема поддршка и ја опиша како исклучително срдечна личност.

„Таа создава атмосфера на снимањето и прави сите да се чувствуваат удобно, ранливо и смешно бидејќи е исклучително храбра“, додаде Дикинсон.

И Никол Кидман неодамна проговори за своето искуство со снимањето на овој филм. Таа призна дека сцените со Харисон Дикинсон и Антонио Бандерас, кој го игра нејзиниот сопруг, понекогаш биле премногу напорни. Рекла дека се чувствува фрустрирано и повремено мислела дека повеќе не сака да снима такви сцени.

Вирален математички проблем кој ги подели луѓето кружи на социјалните мрежи. Наизглед едноставна задача која бара од вас да ја препознаете низата математички операции, предизвика илјадници коментари.

Задачата гласи: 3 × 3 – 3 / 3 + 3 = ?

Едноставна задача неколку пати стана вирална на Редит и секој пат имаше илјадници коментари, но и голем број неточни одговори. Проблемот не е во едноставните математички операции, туку во редоследот на пресметките и знаејќи која математичка операција има приоритет.

Токму тука многу луѓе грешат и пишуваат дека резултатот е 5 или 7. Момчето кое ја објави задачата на Редит исто така се сомневаше во неговиот резултат бидејќи беше преплавен со коментари дека тоа не е правилно решение. Ако се уште сте збунети, еве го решението.

(3×3) – (3 / 3) + 3 = 11