И шефовите имаат свој ден – средината на октомври е резервирана да уживаат во зголемена наклонетост на своите вработени.

Овој специфичен ден првпат беше воведен во 1958 година за да се воспостави подобар однос меѓу вработените и нивните надредени. И денес оваа проблематика е актуелна – затоа и се истакнува како преку соработка и тимска работа на шефовите и вработените создаваме пријатна работна атмосфера.

Ако не го правиме тоа во текот на годината, Меѓународниот ден на шефовите, 16 октомври, може да биде добра можност да размислите за вашите шефови и можеби да ги наградите – со симболичен подарок или само ракување.

Бидејќи Денот на шефот оваа година паѓа в сабота, идеално време е да размислите како утре да го изненадите вашиот шеф или ако сте самовработени – самите себе.

Денот беше инициран од секретарката Патриша Бајс Хароски, која го регистрира во американската стопанска комора во 1958 година.

Гвинет Палтроу го привлече вниманието како актерка, но тоа ѝ успева и како претприемач. Нејзината лајфстајл-компанија Goop често предизвикува интерес кај јавноста поради интересните совети за велнес и животен стил, а понекогаш и крајно невообичаени производи.

Таа изненади многумина со презентацијата на нов вибратор во морнарски стил, кој гарантира полесен и многу повозбудлив начин да се стигне до целта.

Новата секс-играчка што ја лансира компанијата на Гвинет Палтроу им ветува на жените лесен пат до задоволство до кое може да отпловат со наутичка тематика. Имено, компанијата во голем стил го претстави новиот вибратор специјално дизајниран да ја стимулира Г-точката и да го зголеми задоволството.

На една фотографија може да се види монтажа, на која предимензиониран вибратор се потпира на ограда на брод, а доаѓа во бела и темносина боја со златен детаљ.

Ваквото претставување на новиот вибратор на инстаграм-профилот на познатата актерка поттикна дискусија, а многу жени следачи ја прифатија играта и продолжија да се шегуваат на сметка на ова помагало.

Некои истакнаа дека играчката личи на анимираниот лик Марџ Симпсон, други ја поврзуваа со филмот „Титаник“, а некои коментираа дека ги потсетува на бумеранг. Имаше и такви што напишаа дека му се восхитуваат на „капетанот“ на бродот.

Бела Хадид оваа есен донесе многу заводлива кампања.

Во четвртокот беше откриено дека Мајкл Корс, кој неодамна лансира ексклузивна капсула-колекција инспирирана од Џејмс Бонд, ја избрал 25-годишната сестра на Џиџи Хадид за заштитно лице на новата колекција костими за капење „Мајкл Корс 007“.

Хадид глуми секси Бонд-девојка додека рекламира едноделни и дводелни костими за капење од новата линија, што се совпаѓа со објавувањето на филмот No Time To Die со Даниел Крег, Леа Сејду и Ана де Армас.

„Ги сакам независноста и повеќестраниот карактер на секоја Бонд-девојка. Таа може да биде сè и сешто. Каде било или никаде. Класична, кул и независна“, рече Бела.

Со Хадид и Синди Бруна видеото од кампањата ги доловува интригата и неодоливоста на Бонд-тематиката. Спотот е снимен во познатиот „Оушн клаб“ на Бахамите.