iQiyi, кинескиот одговор на „Нетфликс“, ќе понуди бесплатни филмови и телевизиски емисии во некои области во текот на новогодишниот празник, откако Пекинг ги повика стриминг-платформите да ги укинат сите претплати имајќи предвид дека многу луѓе се заглавени дома за да помогнат во борбата против пандемијата.

Новата година е најважниот празник во Кина. Тогаш традиционално милиони луѓе се упатуваат кон своите родни места, но властите во последните неколку недели воведоа строги антивирусни мерки откако беа пријавени стотици нови случаи со коронавирус.

Владата ги советуваше луѓето да останат дома или таму каде што се во моментов, стравувајќи дека масовните движења можат дополнително да го шират вирусот.

iQiyi, чиј родител е гигантот пребарувач „Баиду“, соопшти дека ќе овозможи категорија „бесплатно гледање“ што ќе биде достапна во Пекинг и блиската провинција Хебеи, со содржини кои обично се ограничени на членовите.

Американската пејачка Халзи се појави на социјалните мрежи во средата за да открие дека го чека своето прво дете, и сподели фотографија на која се гледт трудничкиот стомак.

„Изненадување!“, напиша таа во својата објава на Инстаграм и додаде неколку емотикони со шише за бебе, виножито и ангел.

Веста навистина ги изненади фановите на Халзи, бидејќи за 26-годишната пејачка се сметаше дека не е во врска со никого пред објавувањето на нејзината бременост.

Сепак, таа во својата објава го означи сценаристот Алев Ајдин, сугерирајќи дека тој е нејзиниот мистериозен партнер и татко на бебето.

Холивудскиот актер Роберт Дауни Џуниор се трансформираше во суперхерој Тони Старк во блокбастерот „Железниот човек“. Сега кандидатот за „Оскар“ презема акција против еколошките закани на планетата.

Дауни Џуниор (55) бара одржлива технологија за решавање проблеми, како уништување на шумите и микропластика.

Ѕвездата на филмовите како „Железниот човек“ (2008) и „Одмаздници“ (2012) во средата објави дека иницира капитални фондови со цел „забрзување на револуционерни технологии кои ги адресираат најголемите светски еколошки предизвици“.

Дауни, алтер егото на Ајронмен, во 2019 година најави дека сака да ја спаси нашата планета од еколошка криза, ветувајќи дека ќе ја исчисти за една деценија.

Дауновата организација FootPrint Coalition („Коалиција на стапалки“), основана во 2019 година и составена од инвеститори, донатори и волонтери посветени на изнаоѓање нови технологии за обновување на планета Земја, веќе инвестираше во компании како Ynsect, кои одгледуваат глисти, и Cloud Paper, која прoизведува бамбусова тоалетна хартија, меѓу другото.

Сега тој сака „брзо да мобилизира повеќе луѓе и да катализира повеќе капитал“.

„Постојат напредни технологии што ќе ги проверуваме… продолжуваме да го правиме она што го правиме, ќе ги бараме најдобрите во класата и ќе го забрзаме процесот на заштита на животната средина“, изјави Дауни за „Ројтерс“.