Забава
Обдукциите откриле нешто многу чудно за Јапонците

Јапонците се една од најздравите нации во светот, а нивната земја е прва во светот по бројот на стогодишници – имаат рекордни 67.482 во 2017 година, а нивната бројка веќе 47 години по ред се зголемува.
Тие се хранат здраво, не се дебели и, генерално гледано, тие се многу здрав народ. Но, и покрај ова, научниците откриле дека секое осмо лице во Јапонија има хронично заболување на бубрезите, што е една од највисоките стапки на заболување во светот. Во студијата спроведена од австралискиот универзитет „Монаш“ научниците ја анализирале оваа интересна противречност – здравјето и болестите кај Јапонците.
На обдукциите тие анализирале 27 бубрези на Јапонците и откриле дека имаат значително помалку нефрони во нивните органи. Нефроните се клетки на бубрезите, микроскопски филтри кои отстрануваат отпаден материјал од крвта пренесувајќи го во урината. Колку е помал бројот на нефрони, толку полоша улога играат бубрезите како прочистувачи на крвта, што резултира во разни заболувања на бубрезите, но има и пошироко влијание врз целокупното здравје, на пример, со предизвикување висок крвен притисок, пишува „ИФЛ наука“.
На обдукцијата е заклучено дека имало речиси 640.000 нефрони во бубрезите на Јапонците, а кај Европејците, на пример, просечниот број нефрони бил околу 900.000. Постојат неколку објаснувања за ова. Првенствено, помалиот број нефрони може да бидат поврзани со фактот дека тие се помали. Покрај тоа, сите лица чии бубрези биле испитувани се родени во 40-тите и 50-тите, што беше време на голема сиромаштија и лоши услови за живеење во Јапонија. Поради неисхранетост на нивните мајки, можно е уште во матката да се формирале помал број нефрони во нивните бубрези, објаснува одговорниот за студијата, д-р Го Канзаки.
Истражувачите се надеваат дека малиот број нефрони може да им помогне на лекарите да предвидат појава на хипертензија и заболувања на бубрезите, но претходно треба да се најде начин како тие се избројале, без да се прави рез на бубрезите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џим Кери се збогува со Вал Килмер: Почит кон него како човек и талент

Џим Кери се прости од Вал Килмер, со кого глумеше во филмот „Бетмен засекогаш“ од 1995 година.
„Со голема почит се сеќавам на Вал Килмер, како човек и генерациски талент кој ни остави завидно наследство на извонредни актерски изведби. Неговите брилијантни актерски достигнувања беа конкурентни само со благодатта и храброста со кои се соочи во своите најпредизвикувачки моменти“, рече Кери во соопштението за печатот, изразувајќи сочувство до семејството.
Патем, во филмот „Бетмен засекогаш“, Килмер ги играше Брус Вејн и Бетмен кои се борат за правда во Готам, додека Кери беше негативецот Ридлер.
Вал Килмер почина на 65-годишна возраст. Веста ја потврди неговата ќерка Мерцедес Килмер, која ја доби во бракот со актерката Џоан Вели.
Забава
(Фото) Леонардо ди Каприо ги обои косата и веѓите

Леонардо ди Каприо го привлече вниманието на овогодинешниот CinemaCon во Лас Вегас, каде го претстави својот најнов филм One Battle After Another.
Покрај тоа што е неговиот прв голем филм по Killers of the Flower Moon во 2023 година, Ди Каприо изненади и со својот нов изглед.
50-годишниот актер на црвениот тепих се појави со бојадисана коса и веѓи, што многу медиуми веднаш го окарактеризираа како „средовечна криза“.
На настанот му се придружија и неговите филмски колешки Тејана Тејлор (34) и Реџина Хол (54), кои исто така привлекоа внимание со својот моден избор.
Ди Каприо претходно имаше посветла коса и веѓи.
Забава
(Видео) Луѓето во шок од интимната сцена на Блејк Лајвли: „Жената нема срам“

Среде расправијата помеѓу Блејк Лајвли и Џастин Балдони, се појави видео од сетот на филмот на Лајвли, „A Simple Favor“. Она поради што видеото го привлече вниманието е фактот што во една сцена актерката ја става раката на меѓуножјето на Хенри Голдинг со кого глуми, за што призна дека била импровизација.
Блејк во коментарот на филмот рече дека овој потег изгледа како нешто што нејзиниот лик би го направил. Иако филмот е снимен во 2018 година, снимката од сцената повторно стана актуелна за време на правната битка меѓу Балдони и Лајвли, кој актерката го обвини дека сексуално ја вознемирувал на снимањето на „It Ends With Us“.
Гледачите во коментарите го изразија своето згрозување од потегот на Лајвли. „Ова е неверојатно. Таквото лицемерие е одвратно“, „Кутриот Хенри изгледа како да е навистина засрамен. Оваа жена воопшто не се срами“, „Каде беше координаторот за интимност?“, „Може сексуално да ги вознемирува мажите, а потоа лажно да тврди дека некој ја вознемирувал“, „Таа се однесува несоодветно со сите мажи со кои снима, мора да одговара за своите постапки“, се само некои од реакциите.