Забава
Обдукциите откриле нешто многу чудно за Јапонците

Јапонците се една од најздравите нации во светот, а нивната земја е прва во светот по бројот на стогодишници – имаат рекордни 67.482 во 2017 година, а нивната бројка веќе 47 години по ред се зголемува.
Тие се хранат здраво, не се дебели и, генерално гледано, тие се многу здрав народ. Но, и покрај ова, научниците откриле дека секое осмо лице во Јапонија има хронично заболување на бубрезите, што е една од највисоките стапки на заболување во светот. Во студијата спроведена од австралискиот универзитет „Монаш“ научниците ја анализирале оваа интересна противречност – здравјето и болестите кај Јапонците.
На обдукциите тие анализирале 27 бубрези на Јапонците и откриле дека имаат значително помалку нефрони во нивните органи. Нефроните се клетки на бубрезите, микроскопски филтри кои отстрануваат отпаден материјал од крвта пренесувајќи го во урината. Колку е помал бројот на нефрони, толку полоша улога играат бубрезите како прочистувачи на крвта, што резултира во разни заболувања на бубрезите, но има и пошироко влијание врз целокупното здравје, на пример, со предизвикување висок крвен притисок, пишува „ИФЛ наука“.
На обдукцијата е заклучено дека имало речиси 640.000 нефрони во бубрезите на Јапонците, а кај Европејците, на пример, просечниот број нефрони бил околу 900.000. Постојат неколку објаснувања за ова. Првенствено, помалиот број нефрони може да бидат поврзани со фактот дека тие се помали. Покрај тоа, сите лица чии бубрези биле испитувани се родени во 40-тите и 50-тите, што беше време на голема сиромаштија и лоши услови за живеење во Јапонија. Поради неисхранетост на нивните мајки, можно е уште во матката да се формирале помал број нефрони во нивните бубрези, објаснува одговорниот за студијата, д-р Го Канзаки.
Истражувачите се надеваат дека малиот број нефрони може да им помогне на лекарите да предвидат појава на хипертензија и заболувања на бубрезите, но претходно треба да се најде начин како тие се избројале, без да се прави рез на бубрезите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вистинска дама изгледа како Скарлет Јохансон

Скарлет Јохансон неодамна се појави во The Late Show со Стивен Колбер. Љубопитните фотографи ја фотографираа на улиците на Њујорк, пред студиото, а за таа пригода таа одлучи да облече дамска креација.
Дамската облека се карактеризира со отсуство на кич детали, минималистички крој, црн фустан и високи потпетици. Стилот на познатата русокоса ги содржеше сите горенаведени карактеристики и се квалификува за терминот дамско издание.
Скарлет носеше црн макси фустан со рамен крој, што ја истакнуваше нејзината завидна фигура, а впечатлив беше и преголемиот ремен што ја нагласуваше нејзината половина.
Стилот го надополни со златни додатоци, шминка во земјени тонови и впечатлив црвен кармин, како и рамна коса.
фото: принтскрин
Забава
(Фото) Леонардо ди Каприо, конечно, го покажа лицето и сите се прашуваат – што му се случува?

Леонардо ди Каприо во последните неколку дена работи на промовирање на својот филм One Battle After Another, а неговото неодамнешно појавување во Њујорк го привлече вниманието на јавноста.
Познатиот холивудски шармер одлучи да облече класичен сив двореден костум за таа пригода.
Сепак, најголемо внимание на јавноста привлече неговата фигура бидејќи, според странските медиуми, актерот изгубил многу килограми, како и стомакот, кој му беше заштитен знак со години.
Покрај тоа, неговото лице не остана незабележано. Изгледа многу помладо, веројатно и новата фризура придонесува за тој впечаток, а можеби и врската со 23 години помладата италијанска убавица.
Во секој случај, никој не може да го негира фактот дека нешто се случува во животот на овој згоден маж…
фото: принтскрин
Забава
Џулија Робертс ги потврди преговорите за продолжение на култната романтична комедија

Обожавателите на култната романтична комедија My Best Friend’s Wedding имаат причина за славење. Џулија Робертс потврди дека е во преговори да ја повтори својата улога како Џулс Потер во долгоочекуваното продолжение. Актерката, добитничка на „Оскар“, ја откри веста во интервју за „Варајети“.
Додека дискутира за својот нов филм„After the Hunt, 57-годишната актерка беше прашана дали ќе се појави во продолжението на хитот од 1997 година. „Ми се јавија“, одговори кратко Робертс потврдувајќи дека разговорите се во тек. „Варајети“ објавува дека актерката се насмеала кога режисерот Лука Гвадањино, кој исто така се појави во интервјуто, на шега рекол дека ќе го режира продолжението во секунда.
Веста за продолжението првпат се појави кон крајот на јули кога беше објавено дека режисерката Селин Сонг потпишала договор за сценариото.
Иако 37-годишната Сонг е потпишана за сценариото, режисерот и остатокот од екипата сè уште не се официјално потврдени. Оригиналниот филм е режиран од австралискиот режисер П. Џ. Хоган.
фото: принтскрин