Забава
Toм Круз на добар пат да стане милијардер на 60 години

Том Круз е една од ретките холивудски ѕвезди кои можат да наполнат киносала само со своето присуство. Филмовите „Топ-ган: Маверик“ и „Невозможна мисија“ се примери за тоа.
Од август 2022 година, нето-вредноста на Круз се проценува на околу 600 милиони долари. Тој е еден од најплатените актери во изминативе две децении.
Американски шоу-биз медиуми се осврнуваат на неговата успешна кариера и предвидуваат дека е на добар пат да стане милијардер, а некои шпекулираат дека тој веќе е во клубот на најбогатите и дека неговата банкарска сметка постојано расте.
Томас Круз Мапотер Четврти всушност е вистинското име на актерот и продуцент роден во Сиракуза. Актерската кариера ја започна на 19 години кога глумеше во „Бескрајна љубов“ (1981) и „Топ ган“ (1986).
Соработуваше со низа славни актери, вклучувајќи ги Џон Војт, Џек Николсон, Бред Пит, Никол Кидман и други.
Пробивот на Круз се случи со „Топ ган“ – акциона драма во која го портретира Пит ‘Маверик“ Мичел. Продолжението со наслов „Топ ган: Маверик“ стигна во 2022 година, 30 години по оригиналниот блокбастер, и веднаш беше прогласен за хит на годината.
Една од неговите најпопуларни улоги е онаа од филмската сага „Невозможна мисија“, каде го глуми главниот лик – Итан Хант. Досега, објавени се шест филмови од серијалот, а уште два се очекува да стигнат во кината во 2023 и 2024 година.
Круз глуми во повеќе успешни филмски продукции, вклучувајќи „Интервју со вампирот“ од култниот серијал „Вампирски хроники“ од 1994 година, „Џери Мегваер“ од 1996 година, „Работ на утрешниот ден“ од 2014 година и многу други.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Илон Маск призна дека има таен профил на Инстаграм: Ми служи само за една работа

Најбогатиот човек на светот откри дека има таен профил на Инстаграм, а го отворил само поради сексуалната жед.
Основачот на „Тесла“ Илон Маск беше гостин во поткастот на популарните јутјубери Нелк бојс, а во интервјуто ги откри своите сознанија за вонземјаните, го предизвика Путин на УФЦ борба и ја предвиде третата светска војна.
Меѓу другото, тој се осврна и на темата социјални мрежи, вклучувајќи ја актуелната сага со „Твитер“ и проблемот со слободата на говорот на социјалните мрежи.
Маск, кој неодамна се најде во центарот на брачна афера, откри дека има таен профил на Инстаграм кој служи како „стапица за жед“, алудирајќи на објавување или пребарување содржини со сексуално привлечни конотации.
Станува збор за терминот „замка за жед“, кој се однесува на еден вид објава на социјалните мрежи наменета за сексуално привлекување на корисници. „Жедта“ на гледачот претставува сексуална фрустрација. Замката се поставува со намерно објавување на провокативна содржина која ја мами реакција на другата, заинтересирана страна. Откако епрвпат ќе реагира, личноста паѓа во стапицата и ја признава својата „жед“, односно својата потреба за вас.
Маск призна дека го отворил профилот за да може да кликне на различни линкови, но искуството не му се допаднало.
„Направив многу селфиња и различни с*ања и си реков: ‘Што е ова, човече? Зошто го правам ова?’. Се работеше за тоа како да добијам повеќе лајкови“, призна милијардерот.
Поткаст-епизодата со Маск беше објавена на „Јутјуб“ на 5 август и собра речиси седум и пол милиони прегледи.
Забава
Бред Пит има листа на актери со кои никогаш повеќе нема да соработува

Бред Пит има список на актери со кои повеќе нема да снима повторно, според неговиот колега од „Експресен воз“ (Bullet Train), Арон Тејлор-Џонсон.
Холивудската легенда (58) чува белешки за актери што ги сака и за оние со кои не сака повторно да биде на снимање, исто како и Арон.
„Тој сака да внесе светлина и радост во светот и да биде со луѓе што се таму за да се забавуваат“, рече Тејлор-Џонсон за „Вараети“.
„Работите со многу актери и по некое време почнувате да забележувате: дефинитивно, никогаш повеќе нема да работам со оваа личност“.
Тејлор-Џонсон исто така откри дека Пит сака да глуми со Сандра Булок и Џои Кинг.
Забава
Ен Хеч останува во критична состојба по сообраќајната несреќа

Американската актерка Ен Хеч сè уште е во кома кога нејзиното возило се запали по сообраќајната несреќа“, потврди нејзиниот претставник.
Ѕвездата на „Дони Браско“ беше пренесена во болница по несреќата што се случи во Лос Анџелес во петокот вечерта.
Портпаролот изјави за медиумите: „Претходните извештаи во медиумите во кои се наведува дека Ен Хеч е стабилна не се точни. По несреќата, Ана остана во несвест, падна во кома и е во критична состојба“.
Во соопштението стои: „Таа има сериозна белодробна повреда, која бара механичка вентилација, и изгореници за кои е потребна хируршка интервенција“.
53-годишната актерка глумеше во „Дони Браско“, „Седар Рапидс“ и римејкот на „Психо“ од 1998 година.
Според Противпожарната служба во Лос Анџелес (LAFD), возилото на Хеч „го зафатило силен оган кога се забило во двокатна куќа“.
Тие потврдија дека жената пронајдена во возилото била пренесена во болница во критична состојба, а станарот на куќата е без повреди.