Забава
Чадот од цигари и никотинот не секогаш одат заедно

Познат е фактот дека пушењето цигари е штетно и може да предизвика болести поврзани со пушењето. Но не секој разбира зошто е тоа така.
Кога пушачот пали цигара, почнува високотемпературна реакција позната како горење или согорување. При согорувањето на тутунот настанува сложена смеса, која се нарекува чад, што пушачот ја вовлекува и воедно истиот чад се шири во околината.
Чадот од цигарите, покрај неговиот карактеристичен силен мирис и вкус, содржи никотин што постои природно во листовите од тутун, но и многубројни штетни елементи што се создаваат токму при горењето, како јаглероден моноксид, катран, ацеталдехид, формалдехид, 1,3 бутадиен и многу други. Меѓутоа, истиот тој процес на согорување при кој се ослободуваат аромата на тутун и никотинот, што ја задоволуваат потребата за цигари кај пушачите и воедно е причината за зависност, произведува и над 6.000 соединенија, од кои 100-ина се идентификувани како причини или потенцијални причини за болестите поврзани со пушењето, како што се ракот на белите дробови, кардиоваскуларни заболувања и емфизем.
Со оглед на тоа што согорувањето на тутунот создава толку штетни хемикалии, научниците пронајдоа и други помалку штетни начини за испорака на никотин за актуелните пушачи. Во текот на долгогодишните истражување и развој компанијата „Филип Морис интернешнал“ разви нова класа производи што не се потпираат на принципот на согорување и за кои е докажано дека се многу подобар избор од продолжување со пушењето.
Бидејќи ниту еден од овие производи не го согорува тутунот, тие не достигнуваат високи температури над 600 степени целзиусови. Наместо тоа, откриени се неколку начини за производство на аеросол што содржи никотин, кој потрошувачот може да го вдише, но кој има значително пониско ниво штетни хемикалии од цигарите. Ова овозможува возрасните пушачи да ја задоволат потребата за никотин, со слично сензорно искуство како пушењето цигари, но без вдишување на чад кој се јавува кај класичните цигари, кој е докажано штетен и за пушачите и за оние кои се во нивна непосредна близина. Со новите производи кои не испуштаат чад туку аеросол, веќе нема зачадени простории, ниту силна непријатна миризба токму поради самиот недостаток на процесот на согорување и неговиот производ, чадот.
Кога телото е изложено на никотин, индивидуата доживува стимул. Ова делумно е предизвикано од ефектот што никотинот го има на надбубрежните жлезди, што резултира со ослободување на адреналин. Овој наплив на адреналин го стимулира телото. Индиректно, никотинот предизвикува ослободување на допамин во областите за задоволство и мотивација на мозокот. Конзумирањето предизвикува чувство на задоволство што всушност ја предизвикува зависноста од истиот. Се разбира, ова не значи дека пушењето е добро и дека луѓето треба да пушат. Научниците се согласни дека никотинот е високо зависна супстанца и во никој случај не е без ризик, но
дефинитивно не е примарна причина за болести поврзани со пушењето и не е канцероген. Најдобар избор за сите пушачи е целосно да се откажат од употреба на тутун и никотин.
IQOS е иновативно решение во начинот на конзумирање на тутун, развиено врз база на научни докази и е помалку штетна алтернатива на цигарите, што го загрева наместо да го согорува тутунот, која може да игра важна улога во намалување на преваленцата на докажано најштетниот начин за внесување на никотин, пушењето цигари. Досега повеќе од 14 милиони возрасни пушачи ширум светот веќе се откажаа од цигарите и преминаа на новиот производ.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Македонецот Никола Станишиќ победник на „Ѕвездите на Гранд“, во финалето ја запеа „Ако утре ме нема“ од ДНК и им ја посвети на жртвите од „Пулс“

Македонецот Никола Станишиќ е победник на регионалното музичко натпреварување „Ѕвездите на Гранд“, освојувајќи ја титулата со најмногу гласови од публиката – дури 138.714. Големото финале почна во саботата вечер и траеше до раните утрински часови.
Во финалето учествуваа 20 кандидати, а Станишиќ триумфираше пред Елвис Мешиновиќ (второ место) и Зоран Ружиќ Ферари (трето место).
Станишиќ, роден во 2000 година, живее во Скопје и веќе настапува со свој бенд и надвор од Македонија. Вниманието го привлече со интерпретациите на македонски песни.
Во финалната вечер, Никола ја изведе песната „Ако утре ме нема“ од ДНК, која ја посвети на жртвите од трагичниот пожар во дискотеката „Пулс“ во Кочани.
Забава
За 3 хороскопски знаци, јули носи исполнување на најголемите желби: Вселената ќе ја насочи среќата кон нив

Три знаци во јули 2025 доживуваат пробив. Нивните желби влегуваат во фаза на остварување бидејќи претходно биле истрајни, работеле, се преиспитувале и верувале. Вселената сега им нуди платформа, ѕвездена сцена и небесен ветер во грб.
Во моментот кога годината е на својата половина, јули доаѓа како совршена точка за интроспекција и нов почеток. Планетарните аспекти, транзитите и лунарните движења создаваат уникатна астролошка слика, а во продолжение дознајте кои хороскопски знаци најсилно ја чувствуваат таа енергија.
Овен
Овните влегуваат во овој месец со чувство дека конечно се подготвени да го преземат она што им припаѓа. Со Нептун и Сатурн во нивниот знак, балансираат меѓу соништата и реалноста. Ретроградното движење на Сатурн од 13 јули најавува внатрешно преиспитување на одговорностите, но и зајакнување на темелите за идниот раст.
Марс, нивниот владетел, делува без ограничувања и внесува енергија во сите потфати. Околу полната месечина во Јарец на 10 јули, Овните може да дојдат до пресвртница во кариерата, можно признание, промена на работно место или јасност во тоа што ги исполнува.
Благодарение на Јупитер во Рак, куќата на семејството и домот носи експанзија. Тоа може да значи преселување, уредување на домот или поголем мир во семејните односи. Сонцето во Лав од 22 јули ја активира нивната петта куќа на креативност, деца и романтика.
Финансиски, сè се движи. Можно е да се појават понуди, бонуси или долгоочекувани договори. Овните кои вредно работеле сега ги жнеат резултатите. Со Венера во Рак кон крајот на месецот, личните вредности и сигурноста доаѓаат во фокус.
Близнаци
За Близнаците, ова е месец во кој нивната потреба да бидат слушнати, видени и признати го достигнува својот врв. Венера влегува во нивниот знак веќе на 4 јули, засилувајќи го личниот магнетизам и социјалната привлечност. Секој разговор, порака или идеја има потенцијал да отвори врата.
Влезот на Уран во нивниот знак дополнително го забрзува овој процес. Ова е историски астролошки момент кој ветува пресврти во кариерата, иновации и ослободување од ментални обрасци што ги попречувале. Близнаците кои се занимаваат со пишување, говорење, медиуми или дигитални сфери може да добијат неочекувани шанси.
Јупитер, планетата на среќата, која неодамна го напушти нивниот знак, остава „опашки на среќа“ – позитивни влијанија што сè уште се чувствуваат. Близнаците сега имаат можност да ги капитализираат контактите и идеите што се развивале изминатите месеци.
Полната месечина во Јарец ги осветлува нивните финансии, додека ретроградниот Сатурн ги тестира долгорочните планови. Време е да се запрашаат: Што навистина сакам на долг рок? А младата месечина на 24 јули им дава нова платформа за изразување и афирмација.
Водолија
За Водолиите, јули е месец на усогласување со нивната вистинска природа. Уран влегува во пријателскиот знак Близнаци на 7 јули, носејќи ерупција на идеи и неочекувани поместувања во проектите. Сè што досега било во фаза на концепт може да почне да добива форма.
Плутон во Водолија, поддржан од ретроградните налети на јули, помага во отфрлање на старите идентитети и прифаќање на моќта на автентичното „јас“. Водолиите се усогласуваат со колективните ритми, нивните визионерски цели добиваат поддршка, а лидерството природно се наметнува.
На љубовен план, Венера во Близнаци ја активира петтата куќа на забава, страст и романтика. Самците може да доживеат страсни средби, а оние во врска повторно да почувствуваат блискост. Уран носи изненадувања, а младата месечина во Лав отвора нова фаза во партнерските односи.
На општествено ниво, Водолиите може да очекуваат поголемо влијание: да водат група, да започнат колективен проект или да станат инспирација за заедницата. Сатурн им помага да ги структуираат идеите и да ја прифатат одговорноста за својот потенцијал.
Забава
Најмладата ќерка на Доналд Трамп го покажа својот син, реакциите се дека многу личи на дедо му

Тифани Трамп (31), најмладата ќерка на американскиот претседател Доналд Трамп, го доби своето прво дете со својот сопруг Мајкл Булос (27) на 15 мај оваа година. Сега ги објави првите фотографии од својот син на „Инстаграм“.
„Љубовта на нашиот живот, Александар Трамп Булос“, напиша таа во описот. Бројни следбеници ја контактираа и рекоа дека малиот Александар многу личи на својот дедо Доналд Трамп.
View this post on Instagram
„Тој е копија на твојот татко“, „Трамп има силни гени, сите негови деца личат на него“, „Ист дедо му“, продолжија коментарите.
Откако Тифани претходно се пофали со среќната вест на „Инстаграм“, објавувајќи фотографија од стапалото на детето, се огласи и Трамп.
„Ќерка ми роди бебе. Одам дома да го видам тоа бебе“, рече тој потоа, додавајќи: „Таа е одлична и бебето е одлично.“
Доналд беше првиот што ја објави бременоста на Тифани.
View this post on Instagram
Пред две години, Тифани се омажи за милијардерот Мајкл Булос. Нејзиниот сопруг, наследник на нигерискиот бинис вреден милијарди, Булос Ентерпрајзис, е роден во Либан, израснат во Нигерија и се преселил во САД откако ја запознал.
Двојката почнала да се забавува во 2018 година кога се запознала во клубот на Линдзи Лохан во Миконос, Грција. Тие се вериле во јануари 2021 година, на крајот од мандатот на нејзиниот татко како претседател. Булос ѝ предложил брак на тревникот на Белата куќа со дијамантски прстен вреден 1,2 милиони долари.