Рита Ора одржа концерт во Јапонија во средата навечер, а во еден момент додека ја пееше песната For You од 2018 година, која ја објави со Лиам Пејн, ја обзедоа емоции и се скрши на сцената.

Музичарот почина во средата откако падна од балкон на хотел во Буенос Аирес. На концертот пејачката почна да го пее нивниот дует, а на екранот на сцената се појави нивната заедничка фотографија.

Rita Ora singing "For You" in Japan last night, her song with Liam Payne

“I can’t even sing this right now ”

She showed a picture of Liam and her in the background 💔

pic.twitter.com/G0aEl5NYqA

— Erin ×͜× ✨LTdefenseless28✨ (@tdefenseless28) October 17, 2024

„Не можам ни да пеам во моментов“, рече таа, а потоа седна на сцената и ја држеше главата додека публиката ја пееше песната.

I’m devastated 💔 He had the kindest soul, I will never forget. I loved working with him so much – he was just such a joy to be around on and off stage. This tragic news breaks my heart. Sending all my love and prayers to his family and loved ones. Our song For You takes on a… pic.twitter.com/VxcwdBoJFm

— Rita Ora (@RitaOra) October 17, 2024

Инаку, Ора на социјалните мрежи се прости од својот колега на кој му посвети трогателна објава заедно со нивната заедничка фотографија.

Лиам Пејн (31), поранешен член на One Direction, почина во средата во Аргентина. Британскиот пејач е пронајден во Буенос Аирес.

Си-Ен-Ен пишува дека пејачот бил пронајден мртов пред хотелот Каса Сур во луксузниот кварт Палермо, откако паднал од третиот кат. Смртта ја констатирала полицијата, а лекарите рекле дека „нема начин да се спаси“. Очевидци за американскиот таблоид ТМЗ изјавија дека несреќата се случила нешто по 17 часот (локално време). Тие тврдат и дека Лиам претходно „чудно се однесувал во лобито на хотелот“. Напоменуваат дека го „скршил лаптопот“.

И во официјалното соопштение се вели дека полицајците биле испратени во хотелот по итен повик „во кој биле информирани за агресивен маж кој можеби бил под дејство на дрога и алкохол“. Кога стигнале, полицаецот, како што вели, слушнал силна бучава во внатрешниот двор на хотелот.

Би-би-си доби извештај од канцеларијата на јавниот обвинител во Буенос Аирес во кој детално е опишано што досега дознале истражителите за смртта на Лиам Пејн. Во извештајот се вели дека смртта на пејачот се истражува како сомнителна поради локалните протоколи, но доказите сугерираат дека тој бил сам во хотелската соба во моментот на инцидентот.

Инспекторите сè уште испрашуваат пет сведоци – тројца вработени во хотелот и две жени кои биле во собата на Лиам ноќта пред неговата смрт. Се наведува дека во собата била пронајдена дрога и алкохол. Првата обдукција покажала дека Лијам се здобил со 25 повреди од падот. Ќе се прават и токсиколошки тестови. Се додава дека пејачот најверојатно паднал додека бил полусвесен или целосно онесвестен.

Полицијата од Буенос Аирес потврди дека истрагата на местото каде што паднал музичарот е завршена, пишува Би-би-си. Додаваат дека во хотелската соба каде што престојувал биле пронајдени запалка, мобилен телефон и шише виски.

„Персоналот пронашол тотален хаос и оштетени предмети во собата“, додаваат тие. Пронајдоа и разни кутии со лекови, тетратка и пасош Полицијата извести дека прелиминарната обдукција покажала дека Пејн претрпел внатрешно и надворешно крварење и починал како последица на падот.

Поранешните членови на One Direction се простија од Лиам Пејн.

Тие во заедничко соопштение објавија дека се целосно уништени од веста за нивниот поранешен колега.

„Во догледно време, кога ќе можеме, ќе кажеме повеќе. Сега ќе одвоиме малку време да тагуваме и да ја преболиме загубата на нашиот брат, кого неизмерно го сакавме. Неговите спомени ќе бидат вредни засекогаш. Нашите мисли се со неговото семејство, пријателите и обожавателите кои го сакаа. Многу ќе ни недостига. Те сакаме Лиам“, се наведува во соопштението.

Лиам објави пет албуми со бендот