Се прашувате каде исчезнаа веѓите на лицата на познатите дами? Се чини дека светот на убавината пронајде нова опсесија, а таа вклучува речиси невидливи, избелени веѓи.

Некогаш резервиран за андерграунд сцената и авангардните модни писти, овој смел тренд на избелени веѓи се врати со стил и ги зазеде црвените теписи.

Водачи на овој бран се ѕвезди како Џена Ортега, Зендаја и Џулија Фокс, кои со својот изглед потврдија дека избелените веѓи се најпосакуваниот додаток за убавина во сезоната, пишува InStyle.

Трендот од 90-тите се врати

Иако денес изгледа свеж и иновативен, овој изглед има корени во 90-тите. „Белењето на веѓите првпат стана популарно на почетокот на 90-тите откако се појави на пистите на Александар Меквин и Ана Суи“, објасни шминкерката и уметница за веѓи Дани Кимико Винсент за InStyle.

„Тогаш, тоа беше изглед поврзан со клубската сцена, контракултурата.“

Избелените веѓи служат како совршено неутрално платно за експериментирање.

„Избелените веѓи можат да го отворат пределот околу очите и да ви дадат повеќе визуелен простор за играње со шминката за очи“, додаде Винсент. „Тие исто така даваат кул изглед што функционира во секојдневниот живот.“

Фризерите и козметичарите можат да ги избелат веѓите користејќи професионални салонски производи, што е препорачаната опција – експертите знаат како да го направат тоа безбедно и ефикасно. Ако сè уште сте сигурни во своите вештини, можете да ги избелите веѓите дома, но само со докажани производи и со внимателно следење на упатствата.

Познатата актерка Памела Андерсон отворено проговори за врската со нејзиниот колега Лиам Нисон, со кого глуми во филмот „Голиот пиштол“ и хемијата што постои меѓу нив.

Љубовната врска меѓу Памела Андерсон и Лиам Нисон позитивно ги изненади нивните обожаватели, а актерскиот пар е коментиран низ целиот свет како исклучителен спој, особено затоа што љубовта се случи во нејзината седма и неговата осма деценија од животот.

Тие станаа омилени преку ноќ, а поранешната секс бомба отворено проговори за нивната врска и хемијата што ја имаат.

Извори тврдат дека тие се во врска веќе некое време, а се појавија заедно на промоциите на новиот филм „Голиот пиштол“, кога разменија нежности на црвениот тепих пред целиот свет.

Памела во интервју за списанието „OK!“ раскажа како била многу нервозна пред снимањето, а Лиам знаел како да ја смири и ја изненадил со својот грижлив и топол пристап.

„Тој е вистински господин, прекрасен е, несебичен и ме поддржуваше цело време. Толку е внимателен што едноставно не можете, а да не се заљубите во него“, рекла актерката, која тврди дека имаат посебна хемија.

„Зад камерата, тој може да биде вистински шегаџија, го има тој момчешки хумор. На снимањето бевме претежно сериозни, но за време на пробите често се смеевме и се шегувавме“, рекла таа.

Дека Лиам е стар романтичар и господин е потврдено и од медиумските извештаи – дека тој редовно ѝ испраќа цвеќе, дека поминува време со неа, нејзините синови и кучиња, и дека најмногу сака да поминува време со неа во Канада, каде што можат да бидат сосема сами и да уживаат во мирна средина.

„Пем готви и работи во дворот, што е едноставно и не е толку типично за познатите холивудски ѕвезди, а на Лиам навистина му се допаѓа. Дури и самиот ѝ помага со тоа“, открил изворот.

Фото: ЕПА

Дури и ако сега сте млади и здрави, треба однапред да размислите за состојбата на вашето срце. Дали е можно да се смисли попријатна превенција од сервирање слатка сочна лубеница?

И покрај фактот дека тие се достапни во супермаркетите преку целата година, експертите препорачуваат јадење лубеници во сезона.

Природниот процес на зреење на лубениците, за време на кој тие акумулираат хранливи материи, е тесно поврзан со сезоната, температурата, нивото на влажност и нивото на светлина.

Сè уште не е можно да се создадат услови идентични со природните во оранжериите, што нема најдобар ефект врз витаминско-минералниот состав на овошјето.

Општо се верува дека поради содржинаta на вода во него – процентот на вода во лубеницата е 92% – ова летно овошје не нуди многу здравствени придобивки, но ова е сериозна заблуда.

Богатата витаминска композиција на лубеницата ја прави исклучително корисна за многу телесни системи. Плодот е богат со калиум и магнезиум, кои се неопходни за правилно функционирање на нервниот систем, особено на мозокот.

Овие минерали ги зголемуваат перформансите, ја подобруваат меморијата и концентрацијата, па затоа парче лубеница ќе биде одлична слатка закуска во текот на работниот ден.

Антиоксидантната вредност на лубеницата е исто така одлична: таа е богата со витамини А и Ц, како и каротеноиди, кои ѝ ја даваат нејзината светло црвена боја.

Овие супстанции го штитат телото од оштетување од слободните радикали, ги ублажуваат и спречуваат воспалителните процеси, а исто така го забавуваат и процесот на стареење. Редовното консумирање лубеница има најдобар ефект и врз состојбата на кожата: голема количина вода, во комбинација со витамини и минерали, ги хидрира клетките на кожата одвнатре, спречува сушење, лупење и формирање брчки.

Супстанциите содржани во лубеницата имаат корисен ефект врз здравјето на срцето и можат да спречат кардиоваскуларни заболувања, кои со години се на врвот на листата на причини за смрт во светот.

Дури и ако сега сте млади и здрави, треба однапред да размислите за состојбата на вашето срце. Дали е можно да се смисли попријатна превенција од сервирање слатка сочна лубеница?

Ликопенот, со кој е богато овошјето, може да го намали нивото на лош холестерол, да спречи оксидативни реакции во ѕидовите на крвните садови и да ја зголеми нивната цврстина.

Поради изобилството на каротеноиди во својот состав, лубеницата има позитивен ефект врз здравјето на очите. Активните супстанции спречуваат дегенерација на видот поврзана со возраста, го зајакнуваат оптичкиот нерв и го спречуваат формирањето на катаракта.

Добрата вест за спортистите е дека лубеницата не само што ќе ги надополни течностите по тренингот, туку ќе помогне и во закрепнувањето на мускулите. Светлоцрвеното месо од лубеницата е богато со цитрулин (аминокиселина од растително потекло). Цитрулинот ги забрзува процесите на закрепнување на мускулното ткиво и совршено ја ублажува болката по активен физички напор.