Забава
Јули им носи судбоносна средба: три знаци ќе бидат лудо заљубени

Три хороскопски знаци конечно ќе ја пронајдат вистинската љубов овој месец, по долго чекање.
Јули 2025 година носи посебна магија. Ѕвездите се усогласуваат со вибрациите на отвореност, емоционална зрелост и автентична поврзаност. Три хороскопски знаци во овој период можат да доживеат нешто што оди подалеку од површна романса – љубов што ја допира душата.
Ако долго време чекавте вистинско време, сега е. Јули носи повторно будење на срцето, потсетувајќи ве дека љубовта не мора да биде борба, туку враќање кон себе – преку средба со некој што ве гледа, ве слуша и ве чувствува.
Близнаци
Вие сте знак што се движи низ зборови, идеи и дијалог. Сепак, во последните месеци, комуникацијата можеби ја изгуби својата леснотија. Можеби сте почувствувале дека другите не ве слушаат или дека самите немате што да кажете.
Во јули, ситуацијата се менува. Меркур, вашиот владетел, влегува во силна интеракција со Венера, создавајќи услови за подлабока и позначајна комуникација. Нема само да зборувате – ќе бидете навистина разбрани. Луѓето околу вас ќе го почувствуваат вашето присуство и топлина на нов начин.
Можно е нова врска да се роди од нешто сосема едноставно – средба во секојдневниот живот, разговор што започнува како шега, но завршува како повик до срцето. Нема да мора да барате љубов – таа ќе ве пронајде кога најмалку ја очекувате.
Љубовта што доаѓа нема да бара совршенство. Ќе бара автентичност. И ќе почувствувате, за прв пат по долго време, дека некој не се обидува да ве промени – туку да ве запознае.
Вага
За вас, љубовта е рамнотежа – помеѓу убавината, чувството и хармоничната размена. Но, зад вашата насмевка можеби се криеше тивок сомнеж во последните месеци. Дадовте многу, но можеби се чувствувавте невидливо, како другите да ве гледаа само преку она што го дадовте.
Во јули, сè се врти. Венера ја враќа вашата моќ на изразување. Вашиот сјај се враќа во живот – не поради напор, туку затоа што престанавте да ја криете сопствената светлина. Луѓето ќе ве забележат на начин на кој не го забележале долго време – не поради улогата што ја играте, туку поради личноста што сте.
Во исто време, Јупитер во хармоничен аспект ја зголемува вашата самодоверба и ја зајакнува вашата интуиција во врските. Ви станува појасно не само што сакате, туку и што заслужувате – и тоа сè менува.
Отворете го вашето срце без маски. Повеќе нема потреба да се преправате дека сте смирени, ако во вас вреска немир.
Љубовта што ви доаѓа нема да бара да се трансформирате. Ќе ве сака точно такви какви што сте – со ранливост, со нежност и со внатрешната убавина што повеќе не мора да ја криете.
Стрелец
Вие сте знак кој живее за движење – физички, ментално и емоционално. Но, во јули, ќе најдете љубов која не ве моли да застанете – туку да продолжите да растете, но заедно.
Во вашиот живот ќе влезе личност која нема да се обидува да ве промени. Наместо тоа, таа ќе донесе свежина, нови идеи и леснотија во секој заеднички момент. Тоа нема да биде врска што задушува – туку врска што го проширува просторот на вашата душа.
Марс ви дава дополнителна енергија и магнетизам. Се чувствувате посигурно, но не и агресивно – туку смирено. Отворени сте за она што можеби не сте го забележале претходно. Емоциите што некогаш ви изгледаа опасни, сега ве привлекуваат како простор на можности.
Оваа љубов нема да дојде со драма. Ќе биде едноставна, топла и искрена.
И најважно – ќе почувствувате дека повеќе не мора да бегате, бидејќи она што ве чека конечно резонира со вашата природа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Објавен трејлерот за новиот филм на Итан Хоук и Ричард Линклејтер „Сина месечина“

Ричард Линклејтер и Итан Хоук се обединуваат за биографскиот филм „Сина месечина“, нивната деветта соработка, која ја раскажува приказната за познатиот текстописец Лоренцо Харт. Биографската музичка драма се одвива ноќта на 31 март 1943 година, кога премиерно се одржа „Оклахома!“, револуционерниот мјузикл на Ричард Роџерс и неговиот нов соработник Оскар Хамерштајн II. Додека Роџерс го слави својот голем успех, Харт, неговиот поранешен креативен партнер, седи сам во барот на легендарниот њујоршки ресторан „Сардис“, доживувајќи криза на идентитет, тага, завист и загуба. Филмот е режиран од Ричард Линклејтер, додека сценариото е на Роберт Каплоу, познат по романот „Јас и Орсон Велс“, кој Линклејтер претходно го адаптираше во филм со исто име. Главната улога на Лоренцо Харт ја игра Итан Хоук, чија изведба веќе е пофалена од многумина како една од неговите најдобри. Други членови на екипата се Маргарет Квејли, Боби Канавале и Ендру Скот, кој ја освои Сребрената мечка за најдобар спореден глумец за улогата на Ричард Роџерс на 75-от Берлински филмски фестивал, каде што „Сина месечина“ ја имаше својата светска премиера во февруари оваа година.
„Сина месечина“ е филм сместен речиси целосно во ресторанот „Сардис“, со минимална сценографија и ограничена временска рамка, што наликува на театарска претстава.
Во овој клаустрофобичен простор се одвива личната драма на Лоренцо Харт – човек кој некогаш напишал некои од најпопуларните американски песни од првата половина на 20 век со својот партнер Ричард Роџерс. На денот кога „Оклахома!“ најавува нова ера на Бродвеј,
Харт е маргинализиран, болен, депресивен и осамен. Неговото бегство од реалноста се манифестира преку сарказам, горчина и признанија што ги споделува со еден шанкер (Боби Канавале) кој, додека се обидува да остане неутрален, не може да остане рамнодушен на нервниот слом на Харт.
Харт се соочува и со прашања за неговата сексуалност, невозвратените љубови и неизбежниот професионален пораз. Филмот ги испреплетува неговите луцидни линии со емоционални распади, додека трагите од кариерата што бледнееше додека Бродвеј отвораше ново поглавје се видливи.
Ендру Скот како Ричард Роџерс дејствува како спротивност на Харт – самоуверен, елегантен, професионално фокусиран. Нивната средба во филмот е полна со напнатост, нерешени врски и тивка тага.
Скот се истакнува како музичар кој знае дека морал да го напушти својот пријател за да продолжи да создава – и сега, на денот на неговиот триумф, мора да се соочи со последиците од таа одлука.
„Сина месечина“ го потврдува статусот на Линклејтер и Хоук како еден од најважните режисерско-актерски парови во современото американско кино. Нивните претходни дела, како што се трилогијата „Пред“ и филмовите „Момчештво“ и „Буден живот“, веќе ја докажаа својата способност да ја истражуваат човечката природа, односите и текот на времето на суптилен и емотивен начин.
Во „Сина месечина“, таа врска достигнува ново ниво на зрелост. Филмот не е класична биографија. Не се обидува целосно да го реконструира животот на Харт, туку се фокусира на клучен момент што го симболизира крајот на една ера и внатрешната експлозија на еден човек.
„Сина месечина“ ја имаше својата светска премиера на 18 февруари 2025 година на Берлиналето, каде што публиката и критичарите веќе ја препознаа неговата емоционална моќ и актерска извонредност.
Филмот ќе се појави во американските кина на 24 октомври. Датумите на премиера во Европа сè уште не се објавени, но интересот од филмските фестивали и дистрибутерите расте.
Забава
Продукти што природно ги избелуваат забите

Блескава насмевка, која ќе ги воодушеви оние околу вас со снежно бели заби, е нешто по кое сите копнееме.
Според некои податоци, речиси секој втор човек не е задоволен од бојата на своите заби, без разлика дали се природно малку потемни или со жолтеникави нијанси или, пак, станале такви со возраста.
А оние заби што некогаш биле навистина убави природно бели, со возраста стануваат жолти, потемнуваат или развиваат дамки. Делумно ова се должи на абењето на емајлот, а дел од чадот од цигарите и од некои прдукти кои може да ги обојат забите.
Мени за избелување
Веројатно, секој барем еднаш во животот пробал паста за заби, гел, вода за уста, маска за заби или некој друг производ за избелување на заби од типот направи сам. Многумина, кои може да си го дозволат тоа, се подложуваат на третмани за избелување кај стоматолог. Но, малкумина знаат дека првиот чекор кон блескава насмевка се прави на маса, со избирање храна што влијае како природно средство за избелување.
Брокула и карфиол
Кога се јадат свежи како салата, нивната груба површина помага во чистењето на забите и непцата. Колку подолго ги џвакате, толку повеќе плунка се лачи, што го подобрува ефектот на избелување.
Јагоди
Нивната киселина помага во разградувањето на дамките на површината на глеѓта. За да го подобрите ефектот на избелување, можете да измешате пире од јагоди со малку сода бикарбона и да ја истриете добиената смеса со четка за заби околу една минута. Потоа исплакнете со млака вода.
Сирење и јогурт
Со стимулирање на лачењето плунка млечните производи имаат ефект на избелување сличен на оној на брокулата. Покрај тоа, млечната киселина помага во разградувањето на површинските дамки на глеѓта.
Семки и суво овошје
Благодарение на нивната абразивна конзистенција, тие дејствуваат како природен ексфолијант за заби отстранувајќи плак и дамки.
Ананас
Покрај намалувањето на воспалението, ензимот бромелаин присутен во ова овошје помага во уништувањето на протеините, кои, кога се таложат на глеѓта, ги прават забите жолтеникави.
Кромид
Сулфурните соединенија спречуваат формирање плак на забите, но и меѓу нив. Трикот е да го јадете свеж.
Целер и моркови
Високата содржина на вода ги зајакнува непцата и помага во отстранувањето на остатоците од храна, а крцкавата текстура дејтсвува како природен ексфолијант.
Јаболка
Со неутрализирање на бактериите што предизвикуваат плак и лош здив јаболката ги зајакнуваат непцата и ги отстрануваат сите дамки.
Продукти што треба да се избегнуваат
Секако, постојат продукти што го прават токму спротивното од она што го сакате, како што се чајот и кафето, црвеното вино, газираните пијалаци, соковите од темно овошје, капините и малините, оцетот балсамико и темните сосови, како соја-сос или доматен сос. Затоа не користете ги секој ден, а кога ќе го направите тоа, веднаш потоа измијте ги забите.
Забава
Дру Баримор повторно предизвика коментари поради однесувањето кон гостинка во нејзината емисија

Глумецата и водителка, Дру Баримор, неколку пати била мета на критики поради начинот на кој се однесува со гостите во нејзината емисија The Drew Barrymore Show. На социјалните мрежи често се коментира како непримерено ги држи познатите личности за рака или седи премногу блиску до нив.
Сега, гостинка ѝ беше славната глумица Кејт Бланшет, а Дру повторно со својот потег предизвика поделени реакции кај гледачите.
Бланшет зборуваше за својата љубов кон периките кои често ги носи во филмовите. Во еден момент стави кафена перика, а кога ја тргна, неколку прамени од нејзината вистинска коса останаа разџвакани. Дру веднаш реагираше – стана, нежно ѝ ја намести косата и со насмевка рече:
„Само сакам сè да биде совршено. Заслужуваш да изгледаш прекрасно.“
Кејт се пошегува и одговори: „О, фала ти, Дру ме погали.“
Тој момент може да се погледне во видеото на четвртата минута.
Оваа сцена не остави многумина рамнодушни.
„Сакам некој да ме гледа како што Дру ја гледа Кејт“,
„Само јас ли чувствувам некоја хемија овде?“,
„Како да влетав среде љубовна сцена“, се редеа коментари на интернет.
Но, имаше и такви што коментираа дека водителката повторно не ги почитува границите на гостите и дека претерува со физичкиот контакт.
„Ова не е соодветно“, напиша некој.
Да потсетиме, Дру еднаш откри зошто е толку блиска со своите гости: „Знаете ли колку ми беше тешко за време на пандемијата? Бев сама во студиото. Ги сакам луѓето“, рече таа, и додаде: „Ќе се обидам да практикувам физичка дистанца, иако тоа не ми е јаката страна.“
Кон крајот на 2023 година наиде на жестоки критики кога во емисијата ѝ гостуваше Опра Винфри. Во снимка споделена на социјалните мрежи, Дру цело време ја држеше Опра за рака. Во еден момент, Опра се придвижуваше на каучот додека зборуваше и изгледаше како да сака да ја тргне раката, но Дру ја држеше цврсто. Дополнително, со другата рака ја милуваше по раката.
Под видеото, но и на Интернет воопшто, се собраа многу коментари – многумина напишаа дека тој момент од емисијата бил прилично непријатен.