Македонија
Мицкоски до Томан: Мнозинството ја погази демократијата
Претседателот на ВМРО-ДПМНЕ, Христијан Мицкоски, денеска, заедно со потпретседателот Александар Николоски, оствари средба со амбасадорот на Чешка во Република Македонија, Мирослав Томан.
Од партискиот Центар за комуникации соопштија дека на средбата се разговарало за повеќе теми важни за стратешките приоритети на Македонија, актуелните политички случувања, како и за реформските процеси кои се важни за државата.
„Мицкоски го информира амбасадорот за ставот на ВМРО-ДПМНЕ за законот за јазиците истакнувајќи дека парламентарното мнозинство ја погази демократијата и на сила протуркувајќи, го донеле законот, кој е резултат на коалицискиот договор на две страни, внесувајќи уште поголема поделба во општестово. Тој истакна дека неколкупати побарал од Владата на СДСМ да го повлечат овој предлог-закон за употреба на јазиците, со што ќе се формираат работни групи, кои законот ќе го направат уставен и применлив“, соопшти ВМРО-ДПМНЕ.
Мицкоски во рамките на средбата посочил и дека сериозен проблем преставува политичкиот прогон што го врши власта и дека тоа е и пречка за придвижување на општествените процеси кои се во застој.
„Таквите теми ја дефокусираат јавноста од вистинските проблеми на граѓаните. Загрижувачки се загрозената демократија, политичкиот терор спроведуван од власта и стангирачката економија, што се одразува врз стандардот на граѓаните“, посочил Мицкоски, кој додал дека ВМРО-ДПМНЕ ќе ги поддршки реформските процеси што се од интерес на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.