Регион
Српската полиција заплени рекордна количина на оружје, уапсени десет лица
Српската полиција заплени рекордна количина на оружје во војводинските населби Сомбор и Апатин, при тоа апсејќи десет лица осомничени за трговија со оружје, изјавил во средата српскиот министер за внатрешни работи Небојша Стефановиќ, пренесуваат тамошните медиуми.
Во акцијата биле пронајдени девет килограми пластичен експлозив, 20,7 килограми ТНТ експлозиви со десетици електрични детонатори, 111 рачни бомби, 12 рачни противтенковски бомби, два ракетни фрлачи „зоља“, 10 тромблонски мини, осум автоматски пушти, две полуавтоматски пушки, шест пиштоли, два карабини, една малокалибарска пушка, шест илјади парчиња муниција, една противтенковска мина, објавуваат белградските медиуми.
Стефановиќ изјавил дека биле уапсени и организаторите на криминалната група и дека „се работи за навистина огромна количина на наоружување со која групата тргувала“. Уапсените се на возраст од 27 до 55 година, а по налот на организаторот, идентификуван како С.К. во текот на 2016-та набавувале се поголема количина на оружје, муниција и експлозивни материјали за кои потоа наоѓале купци, а заработените пари биле делени со соработниците.
„Загрижени сме не само поради употребата на наоружувањето во нашата земја туку и можноста тоа да дојде до некоја друга европска престолнина и со него да се изврши некое казнено дело“, рекол Стефановиќ, наведувајќи ја како пример добрата соработка со Франција, со чија полиција заеднички биле „пресечени шверцерски канали преку кои имало криумчарење на оружје во автобуси кои се движеле кон Париз“.
Стефановиќ нагласил дека истрагата досега не покажала поврзаност помеѓу оружјето кое било запленето во Апатин и Сомбор и оружјето, бомбите и експлозивите кои неодамна беа пронајдени близу семејната куќа на српскиот премиер Александар Вучиќ во белградската населба Јајинци и во една гаража во Нов Белград.
За ова оружје српските медиуми шпекулираа дека било наменето за атентат на српскиот премиер, но Вучиќ рекол дека „немало намери за атентат“ но и дека случајот со откриеното оружје е „посериозен отколку што првично се очекувало“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.