Регион
Грција до вечер треба да предложи како ќе штеди

Грчката влада до вечер треба на министрите за финансии на еврозоната да им го поднесе својот предлог план за мерките на штедење, кој, доколку биде прифатен, ќе биде основа за четири месеци да продолжи кредитната помош на Грција.
Новата грчка коалициона влада се надева дека ќе ја убеди еврогрупата со ветувањето дека ќе се посвети во борбата против корупцијата и затајувањето на данокот.
Сите 18 држави членки на еврогрупата треба да добијат согласност од своите парламенти до 28 февруари, кога истекува сегашниот план за финансиска помошм на Грција, за да може истиот да се продолжи до крајот на јуни.
Грчкиот премиер Алексис Ципрас сака неговиот парламент последен да гласа за сопствениот предлог пакет мерки.
Германскиот весник Bild пишува дека Грција, доколку Брисел ги одобри нејзините мери, ќе добие седум милијарди евра во рамки на борбата против неколку врсти на илегална трговија.
Повикувајќи се на извори блиску до властите во Атина, Bild пишува дека планот мерки на Ципрас опфаќа борба против шверцот на гориво и цигари, од што грчкиот премиер очекува да добие 1,5 милијарди ерва и околу 800 милиони за двете ставки.
Ципрас планира да добие 2,5 милијарди евра од оданочување на богаташите, а 2,5 милијарди низ отплата на даночни долгови на граѓаните, наведе Bild, додавајќи дека сетоа тоа бо изнесувало вкупно 7,3 милијарди евра.
За сега не постои гаранција дека Ципрас ќе добие зелено светло од еврогрупата за делот мерки со кои се укинуваат строгите мерки на штедење, а тоа се’ ветеното зголемување на минималната плата и малите пензии, заштитата на куќите и становите од заплена поради долгови и стопирање на приватизацијата. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Српската туристка која исчезна додека пливала кај Солун е пронајдена мртва

Жена (76) од Србија, која се водеше како исчезната од синоќа во близина на Солун, е пронајдена мртва утрово кратко по 8 часот, во морскиот регион, јавува „Прототема“, пренесува „Танјуг“.
Грчката крајбрежна стража вчеравечер ја започна потрага по исчезната пливачка во близина на градот Агиа Триада, во близина на Солун.
Порталот „Прототема“ објавија дека жената отишла на пливање со двајца пријатели, а крајбрежната стража била известена за нејзиното исчезнување околу 21:30 часот по локално време.
Во спасувачката операција учествувале два брода на крајбрежната стража, брод во близина и рибарски чамец. На барање на крајбрежната стража беше мобилизиран и грчки спасувачки тим, кој пристигнал за да помогне, заедно со екипаж од четири члена волонтери и спасувачкиот брод „Один“.
Спасувачките екипи продолжуваат со пребарување на околуниот дел од морскиот брег и отвореното море во надеж дека ќе ја најдат исчезнатата туристка жива и здрава.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин