Црна хроника
Откриени 43 илегални мигранти
Министерството за внатрешни работи во два одвоени случаи реализираше акција за спречување на криумчарење и транспорт на над 40 илегални мигранти.
Во првиот случај поднесена е кривична пријава против троцја штипјани кои се осомничени дека имале намера да префрлат поголема група мигранти од Удово до Куманово.
Тие групата мигрнати ја сместиле во еден камион, а пред негона одреденор астојание се движеле две возила во улога на чистачи.
Групата со возилата, од Удово се упатила по магистралниот пат кон Демир Капија и Неготино, по што кај клучката кај Демир Капија од страна на полициски службеници биле запрени ТМВ Застава во кое се наоѓале лицата Д.А. и Ш.М. и ПМВ “тојота“ во кое се наоѓал Р.М., додека возилото “опел омега“ се дало во бегство. При акцијата, од страна на полициските службеници во ТМВ Застава биле пронајдени вкупно 40 илегални мигранти (23 авганистански, 11 сириски и шестмина палестински државјани).
Во вториот случај од страна на полициски службеници на автопатот во правец Гевгелија – Скопје во непосредна близина на Неготино е запрено ПМВ марка VW-Поло управувано од З.Р. (35) и во кое како совозач е затекната Б.Д. (33), инаку и двајцата од Струга.
Во возилото биле пронајдени три лица илегални мигранти од Сирија, коишто илегално влегле во Македонија од Грција, во близина на ПС за ГП и ГН “Богородица“ и имале намера илегално преку Македонија, потоа и Србија да стигнат до земјите од ЕУ.
Според нивното кажување откако влегле на територијата на Македонија се движеле по самиот пат кон Скопје, при што пешачеле неколку часа кога до нив застанало возило во кое биле горепријавените, кои ги прашале дали патуваат кон Скопје.
Кога мигрантите им кажале дека сакаат да стигнат до Скопје, пријавените, за сума од по 100 евра од човек ги качиле во возилото со намера да ги пренесат до Скопје. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.