Црна хроника
Кривични пријави против браќата кои пукаа во Кондово
Полицијата поднесе кривични пријави против браќата Незири и Јонуз Јакупи за инцидентот што се случи минатата недела во скопското село Кондово, кога беа повредени три лица.
Браќата Незири на 24-ти октомври дошле во чајџилницата „Њу лајф“ во скопското село Кондово и ги викнале браќата Јакупи кои биле во чајџилницата да излезат и да ги расчистат расправиите кои ги имале и претходно. Кога браќата Јакупи излегле надвор, сите извадиле пиштоли и почнале да пукаат. Во инцидентот браќата Јакупи се здобиле со тешки повреди и биле пренесени во градската болница „8-ми Септември“. Во болница со повреди е пренесен и вработен во чајџилницата кој се обидел да ги смири.Браќата Незири, пак, избегале. Едниот од браќата Јакупи имал рана во стомакот, а другиот повреден брат имал рани во главата, стомакот и бутот. Браќата Незири сами отишле во Клиничкиот центар, но по укажаната помош биле пуштени на домашно лекување. Кенан Назири, кој заедно со Јонуз Јакупи се вработени во АРМ, беше приведен во понеделникот. Ќани Назири, пак, е вработен во МВР и сите поседуваат дозвола за оружје. Полицаецот во престрелката го употребил службениот пиштол за што е информиран Секторот за внатрешна контрола и професионални стандарди за овој случај е отворена истрага.Мотивите за престрелката сé уште не се познати, неофицијално се работи за кавга за избор на претседател на партискиот огранок на ДУИ во Сарај./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.