Контакт

Македонија

Рекорден број патници превезени на македонските аеродроми

Објавено пред

Рекордни 808.888 патници се превезени на двата македонски аеродрома во првите шест месеци од 2016 година, што претставува зголемување за истиот период од минатата 2015 година за околу 27 отсто, кога во првтоо полугодие беа превезени тогаш рекордни 637.683 патници, изјави во саботата владиниот портпарол Александар Ѓорѓиев истакнувајќи дека овиуе податотци покажуваа оти владините проекти и мерки даваат резултати.

dobivaj vesti na viber

На скопскиот аеродромот „Александар Велики“ во периодот од јануари до јуни 2016 година регистрирани се вкупно 759.244 патници, што во споредба со истиот период од минатата година кога биле превезени 610 511 патници, се забележува зголемување од над 24 отсто, додека, пак, на охридскиот аеродром „Свети Апостол Павле“ во првите шест месеци годинава, превезени се 49.644 патници, со што во споредба со истиот период од 2015 година кога биле превезени 27.172 патници, се бележи зголемување од над 82 проценти.

Позитивниот тренд на континуирано зголемување на бројот на патниците на македонските аеродроми и постојаното воспоставување на нови рекорди во овој сегмент во авио сообраќајот, според портпаролот на Владата, се должи на целокупен сет на проекти и мерки кои се превземаа изминатиов период од институциите и кои секоја година резултираат со нови позитивни резултати.

„Зголемениот број патници е добар момент од општествен и од економски аспекти. Тоа е резултат на добро осмислена и реализирана владина стратегија која првенствено се огледа преку изградбата на аеродромската инфраструктура, концесионирањето на македонските аеродроми и стопанисувањето со истите од страна на квалитетен субјект кој има длабок бекграунд во областа во која работи. Секако и на субвенциите кои ги даваме за реализација на евтините авиолетови дп 23 европски дестинации кои обезбедуваат мобилност за македонските граѓани и прилив на гости од страна во Македонија. Тука е и субвенционирање за привлекување на странски туристи во Македонија кои имаат значителен дел во бројот на овие патници кои циркулираат. Зголемиот број патници директно поддржува развој на поголем број сектори како транспортот, угостителството, туризмот и останатите гранки кои имаат корелација со нив. Имајќи предвид дека ние имаме петгодишен договор кој трае до 2018 година со компанијата ‘Виз-ер’ за реализација на евтините авиолинии, како и тоа дека паралелно работиме на воспоставување други комерцијални летови, очекуваме дека овој позитивен тренд ќе продолжи и во иднина“, рече владиниот портпарол Александар Ѓорѓиев.

Позитивниот тренд на раст на бројот превезени патници на скопскиот и охридскиот аеродром изминатите години е многу голем. Во првите шест месеци во 2009 година, пред да се изградат новите аеродроми, бројот на превезени патници изнесувал 270.249, во 2011 – 337.888, во 2012 – 400.188, во 2013 – 469.006, за да во 2015 на двата аеродроми во првите шест месеци бидат превезени 637.683 патници.

Од Владата истакнуваат дека дополнителна важност за туризмот е и фактот што само во јуни годинава вкупниот број патници е зголемен за 22 отсто за разлика од јуни во 2015 година како и тоа што овие шест месеци за околу 20 илјади е зголемен бројот на патници на аеродромот во Охрид споредено со лани.

Паралелно со зголемувањето на бројот на превезените патници континуирано се зголемува и бројот на прелетите. На двата аеродроми во првите шест месеци годинава се реализирани 7.758 прелети што претставува значително зголемување со оглед на фактот што во истиот период лани беа реализирани 6.739 прелети.

Најзастапени дестинации според бројот на патници за првите шест месеци годинава се: Истанбул 12,8 отсто, Цирих – 10,4, Виена – 5,7, Малме – 5,1, Базел – 5,1 и Лондон 4,6 отсто./крај/мф/ст

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Николоски: Во перидот што следува ќе ставиме во функција уште најмалку 10 километри експресни патишта и 40 километри автопат

Објавено пред

Започнавме амбициозна агенда за инфраструктурен развој со цел да ја искористиме стратешката позиција како крстосница на Балканот за да донесеме економски бенефит за државата и регионот, се обрати вицепремиерот и министер за транспорт Александар Николоски на Генералното собрание на Асоцијацијата на Балкански комори што денеска се одржа во Скопје.

dobivaj vesti na viber

На Собранието, тој ја презентираше владината програма за развој на инфраструктуртата во делот на патната и железничката мрежа. Истакна дека Владата засилено работи на изградба и модернизација на двата паневропски коридори 8 и 10 како и на кракот 10 д.

„Само во јануари ставивме во функција 42 км експресни патишта, a очекувам во перидот што следи да ставиме во функција уште најмалку 10 км експресни патишта и 40 км автопат. Исто така очекувам оваа година да отвориме фронт за работа за уште 67 километри автопат. Во месец февруари да започнеме со изградба и на автопатот Тетово – Гостивар, така да целиот западен дел на коридор 8 да се работи. Во делот на коридор 10 д, ставивме во фунција еден дел од експресниот пат Прилеп – Градско, во следните два месеци очекуваме и вториот дел да го ставиме во функција. Минатата есен започнавме со изградба на автопат Прилеп – Битола, а оваа година очекувам да најдеме решение и за обиколница за Битола” истакна вицепремиерот Николоски.

Тој додаде дека се работи и на проектирање за експресен пат Куманово до Страцин, а во делот на кородор 10 се работи на проектирање на нова патна врска од Гевгелија преку Струмица до границата со Бугарија.

„Во делот на коридор 10 работиме на изнаоѓање на финансиски средства за изградба на брза пруга по целиот коридор како дел од европскиот коридор 10 кој оди од Атина до Виена и за брзо време ќе споделиме добри информации за овој проект. Тоа би било решение за брза пруга до 200 км за час за патнички и 120 на час за карго сообраќај. Со ова ќе ги отвориме јужните пристаништа кон Централна Европа” – истакна вицепремиерот Николоски.

Во своето обракање тој потенцира дека политиките во авиосообраќајот донеле нови 9 дестинации, а во однос на брзиот транспорт на граничните премини додаде:

„Веќе постигнавме договор со Грција за сериозно зголемување на граничниот премин Богородица до 12 ленти, исто така со Србија имаме интензивна комуникација да содадеме целосна функционалност со “One Stop Shop”, oчекувам до месец април со Косово да имаме “One Stop Shop”, а во однос на граничните премини Ќафасан и Деве Баир, интенизивно работиме на нивно проширување и модернизацијa”- истакна вицепремиерот Николоски.

Прикажи повеќе...

Економија

Мицкоски: Новиот Институт за извоз е добра можност стопанските комори од регионот заедно да дискутираат за регионално поврзување, вмрежување и настап на нови пазари

Објавено пред

Премиерот Христијан Мицкоски се оврати на одбележувањето на почетокот на работењето на Институтот за извоз.

dobivaj vesti na viber

„Ценам дека како Влада секогаш сме биле, во овие месеци откако сме влада, а и претходно како опозиција, партнер на бизнисот. Така и ќе продолжиме да бидеме и во иднина, мислам дека бизнисот и Владата треба да се партнери и партнерски да соработуваат и да се надополнуваат. И тука нема ништо лошо, нити пак нешто чудно.

Јас мислам дека само на тој начин можеме да бидеме и поконкурентни, добра е оваа можност што денеска најголемите регионални комори се тука, од регионот, заедно со нашата најголема комора, би рекол. На тој начин ќе можат заеднички да дискутираат за иднината и за сето она коешто претставува план, регионално поврзување, вмрежување и настап на нови пазари, бидејќи ценам дека, а и тоа го кажав, во моето обраќање на првиот настан дека, ценам дека полека но сигурно ќе треба заедно да се вмрежуваме и заедно да настапуваме во намерата да бараме нови пазари.

Така што, уште еднаш нека е честит денот, нека е за аирлија овој клуб, овој Институт за извоз и следниот пат кога ќе се собереме да имаме нови бројки кои што ќе бидат многу поголеми во насока на извоз и поголеми проценти раст на македонската економија, генерално“, изјави Мицкоски.

Прикажи повеќе...

Економија

Мицкоски: Ориентирани сме кон поддршка на директните вложувања на странските и македонските компании

Објавено пред

Како Влада сме целосно ориентирани кон поддршка на директните вложувања на странски компании, но и директна поддршка на македонските компании, изјави премиерот, Христијан Мицкоски, одговарајќи на новинарско прашање за очекувањата за странските директни инвестиции оваа година.

dobivaj vesti na viber

„Од бројките којшто јас ги имам на располагање, заклучно со ноември месец, имаме во 2024 година повеќе од една милијарда, мислам околу милијарда и четириесет милиона. Што ако се преведе по глава на жител и процент од бруто домашниот производ е, за нас, најголемиот резултат, историски гледано. Очекувам тој тренд да продолжи и во оваа година, во 2025 година заедно со домашните инвеститори и очекувам тоа да биде драјвер за голем раст на македонската економија и бруто домашниот производ, нешто коешто нас ни е потребно насушно после неколку години стагнација или мачење во развојот“, рече Мицкоски.

Додаде дека Владата е целосно ориентирана кон поддршка на директните вложувања на странски компании, но и директна поддршка на македонските компании.

„Веќе зборувавме и со претседателот на Комората, кажавме дека оние 250 милиони евра коишто беа ветени, конечно од денеска, сите формалности се завршени, ајде би рекол од понеделник веќе ќе може да биде ставен на располагање на стопанството. Така што, еве уште еднашка да кажам дека имаме исклучителна соработка, како Влада сме ориентирани во таа насока да го поддржуваме бизнисот. За нас патриотски чин претставува повеќе вработени, давање повисока плата, инвестиции, луѓето да си ги задржиме дома. Тоа е она коешто претставува наша заедничка цел“, додаде премиерот.

Прикажи повеќе...

Најново

Свет1 час

Американската војска почна да транспортира мигранти во Гвантанамо, објавени фотографии

Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот...

Свет1 час

Трамп: САД сакаат да го преземат Појасот Газа

Американскиот претседател Доналд Трамп изјави дека САД ќе го преземат разурнатиот од војна Појасот Газа и ќе го развијат економски...

Европа1 час

(Видео) Зеленски го изнесе главниот услов за преговори за крајот на војната

Украинскиот претседател Володимир Зеленски изјави дека Украина ќе биде подготвена да се вклучи во преговори за ставање крај на нејзината...

Македонија17 часа

(Видео) Мицкоски: Нови 15 милијарди денари капитални инвестиции за општините, историски најголема инвестиција

Денеска, на редовна седница на Владата практично почнавме со постапката за објавување на вториот повик преку Министерството за локална самоуправа,...

Топ19 часа

Ја затворил поранешната девојка: ја удирал со тупаници и клоци, ја влечел за коса: распишана потерница по 40-годишник

Основното јавно обвинителство Битола поднесе обвинение против 40-годишник кој се товари за – Противправно лишување од слобода од член 140...

Македонија19 часа

Јакимовски: Трн во око им се маркетите, Владата воопшто не зборува за нивните миленичиња

Владата воопшто не зборува за нивните миленичиња, реагира на социјалните мрежи лидерот на ГРОМ и актуелен градоначалник на општина Карпош,...

Македонија20 часа

Момчето на Фросина: Биди ми спокојна горе помеѓу ангелите, не ни дозволија заедно да остариме

Момчето на Фросина Кулакова, која смртно беше прегазена на пешачки премин на „Партизанска“, со потресна објава се огласи на социјалните...

Топ20 часа

Загина 57-годишен маж од Кочанско: со возилото излетал од патот

Вчера во ОВР Кочани било пријавено дека во периодот од 23.00 часот на 02.02.2025 до 16.30 часот на 03.02.2025 на...

Македонија22 часа

Втор земјотрес во Македонија денеска

Телеметриската сеизмолошка мрежа на Република Северна Македонија на сеизмолошките станици инсталирани во нашата територија, одржувани од Сеизмолошката опсерваторија при Природно-математичкиот...

Регион24 часа

Грција не престанува да се тресе: најсилниот земјотрес утрово со јачина од 4,9 степени, десетици семејства чекаат на пристаништето во Санторини

Утрово четири земјотреси се регистрирани во морското подрачје југозападно од Санторини, од кои најсилниот бил со јачина од 4,9 степени...

Македонија1 ден

Почувствуван земјотрес во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...

Европа1 ден

Фон дер Лајен: Ќе ги релаксираме правилата за задолжување доколку земјите членки трошат за одбрана

Европската комисија е подготвена да примени флексибилност во примената на Пактот за стабилност и раст, кој пропишува фискална дисциплина, доколку...

Свет1 ден

(Видео) Ел Салвадор ќе ги прифати депортираните опасни криминалци од САД

Ел Салвадор вчера им понуди на Соединетите Држави да ги прифатат депортираните „опасни криминалци“ во нивните затвори, изјави американскиот државен...

Свет1 ден

Америка има нов министер за енергетика: претходно не се занимавал со политика, туку со нафта

Американскиот сенат синоќа го потврди Крис Рајт, директор на нафтена компанија без политичко искуство, за нов секретар за енергетика во...

Македонија2 дена

Обвинителството тврди дека Палевски го возeл „реното“ на денот на грабнувањето на Вања, одбраната негира

На денешното рочиште за грабнувањето и убиството на 14-годишната, Вања Ѓорчевска и убиството на велешанецот Панче Жежовски, Обвинителството прикажа снимка...

Македонија2 дена

Нема договор за минималната плата, ќе се дефинира официјална потрошувачка кошница, велат од Организацијата на работодавачите

Нема договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика,...

Македонија2 дена

Филков ја разреши судијката Алексовска-Стојановска од работната група за измени на Кривичниот законик: Да се преиспита целиот случај со прерано загинатата Фросина

Министерот за правда Игор Филков ја разреши судијката Даниела Алаксовска-Стојановска од членство во работната група за измени на Кривичниот законик,...

Македонија2 дена

Трајкоска-Стрезоски за случајот со прегазената Фросина: Одговорност на судијката не би требало да има, лично ја познавам

Претседателката на Академијата за судии и обвинители, Ирина Трајкоска-Стрезоски, оценува дека судиите се професионалци, кои работат во согласност со законот,...

Македонија2 дена

Не би сакал во вакви моменти на чувства да се носат избрзани одлуки, вели Камбовски за случајот на смртно прегазената Фросина

Судскиот совет будно го следи случајот со смртно прегазената Фросина Кулакова од Неготино, уверува претседателот на Судскиот совет, Александар Камбовски....

Македонија2 дена

Секоја година од рак на грлото на матката заболуваат речиси 200 жени, Владата итно да ги зголеми средствата, бараат здруженијата

Здружението за еманципација, солидарност и еднаквост на жените (ЕСЕ), по повод Светскиот ден за борба против ракот, ги повикува Владата...