Црна хроника
Уапсен локален функционер во Куманово- барал мито
Раководител на Сектор за правни, имотно правни и општи работи во општина Куманово упасен е од страна на полицијата по претходна пријава од страна на граѓанин реализираше случај за коруптивно кривично дело „примање награда за противзаконито влијание“.
При постапка за легализација на дограба на куќа и извршен инспекциски надзор од страна на Секторот за урбанизам и градежништво при Општина Куманово на граѓанинот му било соопштено дека треба да потпише Решение за уривање на доградба за кое граѓанинот не се согласил и не го потпишал.
Под закана дека доградбата од куќата ќе биде срушена од страна на Секторот за урбанизам и градежништво при Општина Куманово, пријавениот од граѓанинот побарал 1.000 евра за да истиот посредува и издејствува да се поништи наводно изготвеното решение за уривање на безправно изградена доградба и да се донесе ново решение за легализација на доградбата.
Од страна на граѓанинот на 17-ти овој месец на В.Б. првично му биле дадени 600 евра, но пријавениот од тогаш до 25-ти, во повеќе наврати телефонски се јавувал и ги барал преостанатите 400 евра за да ја „среди работата“ односно да посредува при легализација на доградбата.
На 25.09 од страна на граѓанинот кривично – правниот настан е пријавен во МВР за што е сочинет Записник за примање на кривична пријава, веднаш потоа известен е надлежен ЈО и превземани се мерки и активности за обезбедување на докази и документирање на кривичното дело.
Вчера, помеѓу пријавителот и В.Б. телефонски била договорена средба во угостителски објект во Куманово каде требало да ги прими преостанатите парични средства. На остварената средба В.Б. ги примил паричните средства во износ од 24.000 денари.
По претходно превземени оперативно тактички мерки и Наредба за вршење на претрес на лице, во 13.45 часот истиот е лишен од слобода. По извршениот претрес над лицето и ПМВ пронајдени и одземени се 24.000 денари, претходно криминалистичко технички обработени парични средствата при што В.Б. е приведен и задржан во ПС за ОН Гази Баба за понатамошна постапка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.