Регион
Србија против формирањето војска на Косово
Српскиот министер за надворешни работи Ивица Дачиќ во вторникот повтори дека Србија се противи на формирањето војска на Косово, истакнувајќи дека тоа не е во согласност со Резолуцијата 1244 на Советот за безбедност при Обединетите нации од 1999 година, како и дека за таа тема би требало да се зборува на ниво на Советот за безбедност на ОН.
Србија не ја признава независноста на својата поранешна јужна автономна покраина Косово и Метохија еднострано прогласена во 2008 година од албанските власти во Приштина со поддршка на САД и водечките земји од ЕУ и повеќепати во минатото предупредуваше дека чекорите што косовските власти ги преземаат ќе ги загрозат преговорите меѓу Белград и Приштина за нормализација на односите кои се водат под покровителство на Брисел.
„Тоа (формирањето на војска на Косово – з.р.) може да има одредени последици по безбедноста во регионот затоа што своевремено, кога беше прекината војната на Косово и Метохија, беше предвидено таму единствени вооружени сили да бидат меѓународните сили, односно КФОР“, изјави шефот на српската дипломатија Ивица Дачиќ пред учесниците на собирот „Србија, Западен Балкан и евроатлантската заедница“, кој го организира Парламентарното собрание на НАТО.
Дачиќ на споменатиот собир потсети дека при потпишувањето на Бриселскиот договор меѓу Белград и Приштина, премиерите Александар Вучиќ и (тогашниот на Косово) Хашим Тачи, тогашната шефица на дипломатијата на ЕЅ, Кетрин Ештон и тој лично престојуваа во седиштето на НАТО, како и дека претставниците на Алијансата им гарантирале дека нема да има распоредување на вооружени формации на Албанците во северниот дел, каде мнозинско е српското население, без согласноста на КФОР.
Истакнувајќи дека Србија е заинтересирана за мир и стабилност на Косово, како и за продолжување на дијалогот со Приштина, Дачиќ рече дека формирањето на косовската војска мора да биде тема „на ниво на Советот за безбедност при ОН“, бидејќи станува збор за „компликувана материја …. околу којашто постојат несогласувања“. Шефот на српската дипломатија го повтори ставот на Белград дека Србија е определена за воена неутралност, дека не тежнее кон членство во НАТО, но е подготвена да ги унапредува односите и соработката во рамките на механизмот Партнерство за мир.
Притоа Дачиќ изјави дека добрата соработка меѓу Србија и Русија не влијае врз определеноста на неговата држава за членство во Европската унија, како и дека Србија „не сака да седи на две столчиња, бидејќи има свое“.
Српскиот вицепремиер оцени дека НАТО ја препознава и почитува специфичноста на Србија во однос на другите земји членки и партнери на оваа војна организација. „Србија сака да биде доверлив, одговорен и предвидлив партнер и соговорник на НАТО со цел заеднички да се придонесе во зачувување на мирот и стабилноста во регионот“, порача Дачиќ, додавајќи дека, иако нема намера да стане членка на Алијансата, Србија „ги почитува аспирациите за членство во НАТО на своите соседи“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.