Американскиот претседател Барак Обама, во неделата вечерта во едно од неговите ретки обраќања од Овалната соба, вети дека САД ќе го надвладеат новиот терор од закани кој настојува кој настојува „да ги отруе умовите“ во Америка и ширум светот.

Обама досега само двапати ѝ се обрати на нацијата од Овалната соба. Последното обраќање беше во 2010 година, кога го најави крајот на борбената мисија во Ирак.

„Знам дека по толку војни многу Американци прашуваат дали сме соочени со рак а кој нема лек. Заканата од тероризмот е реална, но ќе ја надминеме“, порача американскиот претседател Барак Обама.

Неговиот говор доаѓа по вооружениот напад во центарот за лица со ментални проблеми во Сан Бернардино, сојузната држава Калифорнија, во кој беа убиени 14 а ранети 21 човек. Според досегашните резултати од истрагата, нападот го извршила млада брачна двојка која се радикализирала, мажот престојувал во Саудиска Арабија а жената непосредно пред нападот на Facebook изразила верноста на терористичката организација Исламска држава.

Претседателот Обама рече дека, иако нема докази делка сторителите биле водени од терористичка мрежа од странство, или дека се дел од поширок заговор, „тие двајца оделе по мрачниот пат на радикализирањето“. „Тоа е акт на тероризмот пресметан да убива невини луѓе“, рече во 13-минутното обраќање.

„Терористичката закана е реална, но ние ќе се справиме со неа. Ќе ја уништиме Исламската држава и секоја друга организација, којашто ќе се обиде да ни наштети“, вети челникот на Белата куќа.

Обама не најави позначителни промени во стратегијата и не поднесе никакво нов рецепт за политиката на победата над Исламската држава. Истакна дека има доверба во сегашниот пристап, и нагласи дека нема лесно решение за запирање на оваа сунитска екстремистичка група.

Истакна дека американската војска „ќе продолжи да ги гони“ терористите и натаму ќе продолжи со воздушните удари „врз лидерите, тешкото вооружување, нафтените цистерни и инфраструктура“ во Ирак и Сирија заедно со сојузниците Франција, Германија и Велика Британија. Покрај тоа САД ќе продолжат со обуката и вооружувањето на „десетици илјади“ Ирачани и Сиријци кои се борат со Исламската држава.

Според американскиот претседател, по париските терористички напади интензивирана е соработката на Вашингтон со европските сојузници, а земјите со мнозинско муслиманско население, исто како и со локалните муслимански заедници во САД и во Европа, Вашингтон „значително ги зголеми“ размените на разузнавачки податоци, а со Турција заеднички работи за затворање турско-сириската граница.

Другиот важен дел од „стратегијата на САД за уништување на Исламската држава“, додаде Обама, е изнаоѓањето политичко решени за кризата во Сирија.

„Под американско водство меѓународната заедница го започна процесот, а исто така ги означи и временските рамки, во насока на прекин на непријателствата и изнаоѓање политичко решение за војната во Сирија. Тоа ќе им овозможи на сирискиот народ и на секоја земја, и не само на нашите сојузници, туку и на земји како Русија, да се концентрираат на заедничките цели – уништувањето на Исламската држава, којашто нé загрозува сите нас“, порача Обама.

Американскиот претседател притоа истакна дека САД не треба да започнат „долготрајна и скапа копнена кампања“ во Ирак или во Сирија. „Групите како Исламската држава, токму тоа го посакуваат. Тие знаат дека не може да не поразат на бојното поле, но исто така знаат дека доколку војуваме на туѓа територија, тие ќе можат да предизвикуваат немири со години, да убиваат илјадници наши војници“, рече Обама.

Челникот на САД се осврна и на „култот на смртта“ и „идеологијата на омраза“. Според него, Исламската држава сака нејзиното дејствување да биде сфатено како „војна меѓу Америка и исламот“, и се обидува да ги насрчи Американците еден против друг.

„Исламската држава не зборува од името на исламот. Тоа се милитанти и убијци, приврзаници на култот на смртта“, рече американскиот претседател. Обама ги повика светските и американските исламски челници и верски заедници решително да се борат со таа „идеологија на омраза“, која ја промовираат групи како Ал Каеда и Исламската држава, и, исто така, со интерпретациите на исламот кои не се во согласност со „вредностите на верската толеранција, заемното почитување и човечкото достоинство“.

Претседателот повија на ревизијата на програмата за изземање од визи за лица кои бараат да дојдат во САД и рече дека ќе бара од приватните компании и челниците задолжени за спроведување на законите да работат заедно за да се спречат потенцијалните напаѓачи да се кријат со помош на технологијата.

Обама, исто така, го повтори повикот за заострување на законот за набавка и носење оружје, велејќи дека без оглед на тоа колку ефикасно ќе биде спроведувањето на законот, невозможно е да се препознае секој потенцијален убиец. Смета дека прашањето на националната безбедност е да се спречат потенцијалните убијци да земаат оружје. „Она што можеме да го сториме, и мораме да го сториме, е да им ја отежнеме можноста за убивање, порача американскиот претседател./крај/мф/сн

Извор: Макфакс