Свет
Над 60.000 исчезнати во колумбиската граѓанска војна

Во вооружениот судир во Колумбија кој траеше од 1970 до 2015 година кога беше склучено примирјето, исчезнале 60.630 луѓе, што е речиси двојно повеќе отколку во текот на чилеанската и аргентинската диктатура заедно, се истакнува во извештајот на Националниот центар за историско паметење (CNMH).
„Од димензиите на тоа злосторство се наежува кожата“, оценуваат од CNMH во извештајот под наслов „Додека не ги пронајдеме. Трагедијата на присилните исчезнувања во Колумбија“ кој идната седмица ќе ѝ биде претставен на јавноста во Богота и во Меделин, вториот по големина град во Колумбија, кој многу настрада во граѓанската војна која се води речиси половина век.
Не се пронајдени сите виновници за исчезнувањето на овие луѓе чиј број досега се проценуваше на околу 45.000. Меѓутоа, паравоените милиции накрајната десница се одговорни за 13.500 исчезнати, герилата на крајната левица за 5.900, криминалните групи за 2.600 и државата за .2.300 исчезнати, се наведува во извештајот.
Во воената диктатура во Чиле, од 1973 до 1990 година исчезнале 3.200 луѓе, смета тамошната Комисија за вистината, а во текот на аргентиснито воен реѓим, од 1976 до 1983 година, околу 30.000 луѓе, според процените на хуманитарните организации.
Од CNMH истакнуваат дека присилното исчезнување е една од „најстрашните“ методи со коишто политичките режии и вооружените групи се користеле за да ја наметнат својата власт. „Тој облик на насилство поттикнува голем страв, носи долготрајно патење, влијае врз животот на семејствата низ неколку поколенија и парализира цели заедници и општества“, се нагласува во извештајот.
Во најдолгиот вооружен судир на западната хемисфера кој трае 52 години и во кој учествуваат паравоени милиции, повеќе од триесет герилски групи и војската, загинале најмалку 260.000 луѓе а 6,9 милиони се раселени, несметајќи ги исчезнатите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Русин и Германец снимале голи деца со мобилни телефони во камп на Истра

Полицијата на Истра во саботата уапси двајца мажи, еден Русин и еден Германец, кои тајно снимале голи деца во туристички камп. Двајцата беа однесени во полициската единица за притвор под сомнение за кривично дело експлоатација на деца за порнографија и беа обвинети за кривично дело.
Како што соопшти полицијата денес, во саботата, околу 12.45 часот, обезбедувач во туристички објект во областа Ровињ пронашол 56-годишен руски државјанин како тајно снима голи деца со својот мобилен телефон и го притворил додека не пристигнала полицијата.
Истиот ден околу 14.40 часот обезбедувач во истиот камп пронашол и 52-годишен германски државјанин како тајно снима голи деца со својот мобилен телефон и исто така го притворил додека не пристигнала полицијата.
Врз основа на налог од надлежниот суд полицијата ги претресе сместувачките единици, мобилните телефони со придружните мемориски картички што ги користеле осомничените и пронајде инкриминирачки материјал. Осомничените беа предадени на полициската единица за притвор во Истра вчера попладне со кривични пријави.
Свет
Сестрата на Ким го отфрла дијалогот со Сеул: „Ако се надеваат дека ќе ја свртат ситуацијата со неколку слатки зборови, нема полоша грешка од тоа“

Пјонгјанг нема причина да го продолжи дипломатскиот дијалог со Сеул, изјави денес сестрата на севернокорејскиот лидер Ким Џонг-ун и покрај изразената желба на новиот јужнокорејски претседател Ли Џе Мјунг да ја смири ситуацијата, објави севернокорејската агенција КЦНА.
„Уште еднаш го разјаснуваме официјалниот став, а тоа е дека, без оглед на политиката што ја усвојува Сеул или каков предлог е даден, ние не сме заинтересирани за тоа и нема причина за средба со Република Кореја или за каков било разговор со неа“, рече Ким Џо Џонг, која е исклучително влијателна личност во севернокорејската дипломатија.
Сестрата на Ким Џонг-ун зборуваше за неповратната некомпатибилност меѓу двете земји, кои технички сè уште се во војна. Нивниот конфликт заврши во 1953 година со примирје, но не и со мировен договор.
Нејзината изјава доаѓа откога јужнокорејскиот претседател Ли Џе-мјунг, кој дојде на власт на почетокот на јуни, вети дека ќе стапи во контакт со Пјонгјанг тврдејќи дека „без разлика каква е цената, мирот е подобар од војната“.
Сеул оттогаш престана да емитува антисевернокорејска пропаганда преку звучници по должината на границата. Набргу потоа Северна Кореја престана да емитува вознемирувачки звуци, што ги вознемируваа жителите на југот во близина на границата дење и ноќе.
Сепак, ова ублажување на тензиите не значи дека Јужна Кореја може да верува во дипломатско ублажување на притисокот, предупреди Ким Џо Џонг. Ако Сеул се надеваше дека ќе ја сврти ситуацијата „со неколку слатки зборови, нема полоша грешка од тоа“, додаде таа.
Новиот претседател на Јужна Кореја изјави дека сака прекуграничен дијалог, без предуслови.
Фото: принтскрин
Свет
(Видео) Неидентификуван дрон влезе во воздушниот простор на Литванија

Неидентификуван дрон влезе во литванскиот воздушен простор утрово, најверојатно од правец на Белорусија, објави литванската јавна телевизија ЛРТ.
„Според добиените извештаи, дронот е забележан на висина од речиси 200 метри и последен пат е виден во близина на Вилнус. Не е јасно за каков дрон станува збор, ќе ги ажурираме информациите“, изјави Дариус Бута, претставник на литванскиот Национален центар за управување со кризи.
🇱🇹 UAV from Belarus has again flown into Lithuania, spotted near the capital Vilnius, — LRT. pic.twitter.com/LE5CjMIFSz
— MAKS 25 🇺🇦👀 (@Maks_NAFO_FELLA) July 28, 2025
Литванските власти објавија дека сите надлежни служби работат на лоцирање на можното место на кое се урна дронот и ги предупредија жителите да не се приближуваат кон дронот под никакви околности.
„Денес, времето е поволно за метеоролошки балони, кои шверцерите ги користат за транспорт на својата стока. Сè уште не можеме да прецизираме за каков вид предмет или предмети станува збор“, нагласи литванскиот министер за одбрана, Довиле Сакалиене.
Министерот исто така истакна дека претстојните воени вежби во Белорусија ја зголемуваат веројатноста за инциденти, дури и ненамерни. Во вежбите „Запад 2025“, кои се очекуваат кон средината на септември, ќе учествуваат приближно 13.000 војници и се меѓу најголемите заеднички вежби организирани од Русија и од Белорусија.
Белорусија, според написите во медиумите, е важен сојузник на Русија за време на војната во Украина. Руските сили ја користеа белоруската територија како појдовна точка за инвазија. Украинската разузнавачка агенција неодамна предупреди дека Минск ги засили своите хибридни операции со насочување на нелегални мигранти кон границите на Европската Унија.
Руски беспилотни летала залутаа на територијата на Полска, Молдавија и Романија за време на претходните напади врз Украина. Покрај тоа, руски беспилотен авион со бојна глава се урна во Латвија во септември минатата година, пишуваат медиумите.
Фото: принтскрин