Регион
Во Бар не пристигнало замрзнато месо од 1982 година
По информациите што се појавија во регионалните медиуми последниве денови, дека во пристаништето во Бар пристигнало замрзнато свинско месо старо повеќе од 30 години, Управата на царината на Црна Гора соопшти дека на контејнерскиот терминал таков товар не стигнал.
„Во Слободната царинска зона на контејнерскиот терминал се наоѓаат пратки кои се уредно пријавени на царинските и инспекциските служби, како и на операторот со приостаништето Бар“, се вели во соопштението.
Од Управата за инспекциски работи соопштено е дека ветеринарната управа во склад со информациите од медиумите, а во соработка со царинските служби, дополнително ја прегледала документацијата и идентификацијата на пратка од животинско потекло на Контејнерскиот терминал во пристаништето Бар.
„Притоа е констатирано дека не постојат никакви сомнителни пратки. Царината и инспекцијата не добиле официјална информација за пристигнување на пратка со месо од 1982 година“, се вели во соопштението.
Директорот на Агенцијата за храна и ветеринарство на Македонија, Зоран Поповски, врз основа на остварен телефонски контакт со црногорските ветеринарни власти, попладнево доби официјална потврда дека во Црна Гора, преку пристаништето во Бар, во изминатава недела, воопшто не е извршен увоз на свинско месо, за кое во одредени медиуми од регионов се шпекулираше дека е од резервите на НАТО и дека е постаро од триесеттина години.
Агенцијата за храна и ветеринарство пред добивање на официјалната потврда ги засили инспекциските контроли на граничните премини и во прометот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Регион
Почина мајката на осомничениот убиец на малата Данка
Во Злот денеска починала Светлана Драгичевиќ, мајката на Дејан Драгичевиќ ненадејно починала, осомничениот за убиството на малата Данка Илиќ, неофицијално дознава порталот Нова.рс.
Светлана во април го погреба својот син Далибор, кој беше осомничен дека го криел телото на малата Данка, а почина во полицијата на Бор на распит, поради што Секторот за внатрешна контрола (СУК) го истражува случајот.
Светлана даде изјава дека не знае ништо за убиството на малата Данка и доби статус на привилегиран сведок.
Дејан Драгичевиќ и Срѓан Јанковиќ се осомничени дека со автомобил го удриле девојчето, по што ја внеле во автомобил и се упатиле на непозната локација. Телото на девојчето сѐ уште не е пронајдено.
Тие се во притвор, како и таткото на Д.Д., кој е осомничен дека помогнал да се премести телото на девојчето од една на друга локација.
Обвинителството претходно соопшти дека Дејан Драгичевиќ го признал делото, додека Јанковиќ се бранел молчејќи.
Регион
Српските медиуми: Вучиќ и Орбан планираат посета на премиерот на Словачка кој денес беше застрелан
Српскиот претседател Александар Вучиќ и унгарскиот премиер Виктор Орбан во следните денови ќе го посетат словачкиот премиер Роберт Фицо, кон којшто денес беше пукано, дознава „Еуроњуз Србија“, а веста ја пренесоа и неколку други српски медиуми.
Вучиќ денеска веднаш по објавувањето на веста реагираше на социјалната мрежа „Икс“.
„Шокиран сум од атентатот на Роберт Фицо, голем пријател на Србија и мој лично. Драг пријателе, се молам за тебе и за твоето здравје“, напиша Вучиќ.
Премиерот Роберт Фицо беше застрелан по состанокот на владата, на околу 150 километри североисточно од Братислава. Атентатот се случил кога Фицо отишол меѓу насобраниот народ. Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница во Братислава, каде лекарите се борат за неговиот живот.
Напаѓачот е уапсен на лице место.