Свет
Путин го поканил Обама во секое време да ја посети Русија
Рускиот претседател Владимир Путин во кусиот разговор со американскиот колега по должност Барак Обама, на маргините од самитот на Организацијата за економска соработка на Азија и Пацифик (APEC) му се заблагодарил за годините заедничка работа и го поканил да ја посети Русија.
Ова го изјавил рускиот претседател Владимир Путин на прашање на новинарите за темата на разговорот од неколку минути на минување со Барак Обама во Лима.
„Забележавме дека и покрај фактот што дијалогот меѓу нас не беше едноставен, беше сложено може да се каже да се соработува меѓусебно, но јас и претседателот Обама истакнавме дека ние секогаш со уважување се однесувавме кон позициите на другиот“, рекол Путин за разговорот со американскиот колега, пренесува агенцијата ТАСС.
„Му се заблагодарив за годините заедничка работа и реков дека во секое време, доколку смета за можно и ја има потребната желба, ние ќе бидеме среќни да го видиме во Русија“, истакнал за новинарите Путин.
Претходно агенциите објавија дека Путин и Обама накусо разговарале на маргините од самитот на APEC. Од нивните опкружувања беше соопштено дека двајцата челници разговарале за ситуациите во Сирија и во Украина. Било договорено да продолжат контактите на ниво на шефови на дипломатиите на Русија и на САД поради решавањето на сириската криза намалувањето на нивото на насилства во земјата и патењето на сирискиот народ. Според извор на AFP, Обама, исто така, го повикал Путин на почитувањето на обврските на Русија предвидени со договорите од Минска и ја нагласил доследноста на САД и партнерите на почитување на суверенитетот на Украина.
Односите меѓу Русија и САД се на најниското ниво од крајот на идеолошката блоковска Студена војна поради спротивставените ставови во врска со кризите во Сирија и Украина.
Ова беше прва средба меѓу Путин и Обама по изборот на Доналд Трамп на американските претседателски избори на 8-ми ноември. За Барак Обама самитот во Перу беше последниот како американски претседател и веројатно неговата последна посета на странска земја. На 20-ти јануари 2017 година, официјално неговата должност во Белата куќа треба да ја преземе Трамп./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.
Свет
Се запали магацин за парфеми во Турција, загинаа шест лица
Најмалку шест лица загинаа, а две се повредени во пожар што утрово избувна во магацин за парфеми во градот Диловаси, во северозападниот дел на Турција.
Според снимките што ги емитуваше турскиот канал НТВ, изгореле два ката од зградата во која се наоѓале магацинот и работилницата за производство на парфеми.
Засега нема информации за тоа што го предизвикало пожарот.

