Забава
Подземна река со токсичен гас откриена во Мексико
Густата тропска шума на полуостровот Јукатан во Мексико, е преполна со дупки наречени „сеноти“, каде што варовникот се распаднал изложувајќи ги на отворено подземните води.
Една од најпознатите ткн. дупки во тој регион е „Ангелита“, која содржи подземна река што тече на околу 30 метри под површината. Оваа река, каде што солената вода се меша со слатката, е прекриена со дебел облак на водород сулфат, кој е смртоносен за човекот.
Се наоѓа во близина на Тулум, античкиот град на Маите, на источниот брег на полуостровот Јукатан, сенотата „Ангелита“ или мал ангел на површината изгледа сосема нормално.
Овој мирен базен со свежа вода, е опкружен со вегетација, но 30 метри надолу се наоѓа маглива река која тече самостојно.
Овој облак којшто е безбоен токсичен гас, кој има мирис на расипано јајце се протега на повеќе од три метри и тоа го прави нуркањето исклучително тешко.
Канадскиот снимател Мајк Кори во видеото кое го објавил на каналот „YouTube“, вели дека откако ќе се навлезе во облакот започнува нешто што наликува на „ноќно“ нуркање, но тој не советува употреба на батериски ламби.
„Имате само неколку минути над слојот пред повторно да почнете да се движите во нагорна линија. Тој е еден непријатен пејзаж, со скаменети дрва кои излегуваат надвор од облакот. Маите верувале дека сенотите биле портал на подземјето, и откако го посетив местото, можам да разберам зошо“.
Кори признава дека ова е најверојатно едно од најнапредните нуркања кои тој досега ги направил, и дека нуркачите ги фаќа паника кога ќе навлезат во магливиот слој и не можат да видат ништо.
Овој токсичен облак се појавил така што, „сенотите“ се исполнуваат со слатка и со солена вода, што предизвикува тонење на варовникот тоне, кој создава голем резервоар, каде што ново изложената слатка подземна вода се среќава со солената вода која се влева од океанот преку подземен канал.
„Исто како што се случува со маслото и водата, слатката вода ќе лебди над погустиот слој на солена вода, и таму каде што се мешаат ќе се формира слој на соленкаста вода наречена халоклин“, објаснува Џенифер Берглунг за „Discover Magazine“.
„Додека слатката и солената вода се бистри, халоклинот се појавува како замаглено дефинирано течно тело кои се бранува во внатрешноста на водата“, додава таа.
Овој слој делува како една бариера, ги спречува листовите од околната шума заедно со пластичните ќеси, конзерви и други отпадоци да потонат во погустата солена вода.
Заедно со остатоците, горниот слој на слатка вода содржи повеќе кислород од солената вода подолу и поддржува сосема различни форми на живот.
Кога голем дел од вегетацијата и органската материја ќе навлезат во дупката, гнилежот и разложувањето може да предизвикаат дебел облак на водород сулфат, како што може да се види во сенотата. крај/мф/на
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Осум знаци дека вашата свекрва навистина многу ве сака
Понекогаш можеме да создадеме погрешна перцепција за мајката на нашиот сопруг и ова е главната причина зошто таа не се чувствува слободна да ни ја покаже својата љубов.
Дали некогаш сте се запрашале зошто односот помеѓу свекрва и снаа е толку комплициран? Мајките се посебни и незаменливи, а нивната огромна љубов понекогаш може да ја премине границата и да ја вознемири снаата.
Свекрвите се жени полни со животно искуство. Откако нивните деца ќе создадат свои семејства, мајките сакаат да ги водат со своите совети, што може да ги вознемири снаите, кои чувствуваат дека им ги наметнуваат своите мислења.
Важно е секоја жена да се вклопи во семејството на својот сопруг, а почитта е основа на таков однос. Прочитајте подолу за знаци дека вашата свекрва всушност ве сака и дека е време и вие да ја вратите љубовта во иста мера.
1. Таа сака подобро да ве запознае
Ако вашата свекрва веќе неколку пати ви спомнала дека би сакала почесто да ја посетувате, тоа не мора да значи дека сака да ве контролира, туку да ве запознае подобро. Ако ве праша за вашата работа, хобија, интереси и однос со нејзиниот син, таа само сака да се увери дека двајцата сте среќни.
2. Таа не секогаш мисли дека нејзиното дете е во право
Ситуацијата во која вашата свекрва се вклучува во расправија со вашиот сопруг односно нејзиниот син може да биде исклучително иритирачка. Ова е една од ситуациите каде што повеќето жени реагираат и ѝ објаснуваат на својата свекрва дека преминала граница. Сепак, таа, како жена, всушност ве разбира многу добро и чувствува одговорност да му објасни на својот син дека греши.
3. Таа бара ваша помош во кујната
Ако сте организирале семеен собир и вашата свекрва постојано ве повикува да ѝ помогнете со нешто во кујната, тоа може да значи дека таа сака да му покаже на поширокото семејство дека вие две сте добро функционален тим и дека е горда на вашите способности.
4. Таа секогаш зборува добро за вас
Иако вие две сте сосема различни светови, таа често ги истакнува вашите квалитети. Таа е горда на вашата кариера и фактот дека добро ги одгледувате нејзините внуци. Ќе ве праша за рецептот и ќе ве пофали за вкусниот ручек што сте го зготвиле. Ако имате ваква свекрва, бидете сигурни дека таа многу ве сака и е среќна што сте избраничката на нејзиниот син.
5. Таа го почитува вашиот брак
Секоја мајка сака нејзиното дете да биде среќно. Сепак, таа разбира дека живеете со нејзиниот син и дека љубовната врска понекогаш може да биде комплицирана. Иако ѝ е тешко да прифати дека сега сте најважната жена во неговиот живот, таа се однесува кон вас со почит и здрава дистанца.
6. Таа се сеќава на важните датуми
Ако вашата свекрва ви испрати порака за вашиот роденден или годишнина од бракот и ви го подари токму тој цвет за кој некогаш зборувавте, тоа значи дека се грижи за вашите чувства и сака да ве развесели.
7. Таа е возбудена за вашата заедничка иднина
Ако вашата свекрва планира друштвени собири, зборува за проширување на вашето семејство, мајчинство и сите предизвици што ги носи бракот, тоа не мора да значи дека сака да ви го наметне својот начин на живот, туку сака да ве види во нејзиното семејство на долг рок. На почетокот иритирачки, овој вид комуникација може да значи дека таа се грижи за вас.
8. Таа не ве споредува со никого
Можеби вашата свекрва заработува повеќе од вас или волонтира во добротворна организација. Можеби нејзиниот друг син веќе има свои деца, а вие сè уште не сте подготвени да го направите тој чекор. Можеби сте одлучиле дека не сакате брак, туку понеконвенционална врска. Ако таа ве почитува точно такви какви што сте и никогаш не ви го наметнала своето мислење во животот, тогаш ја имате свекрвата што ја сакате.
фото: принтскрин
Забава
Чувствата за нив се ризик: овие хороскопски знаци никогаш нема да ви покажат дека ве сакаат
На прв поглед, тие изгледаат самоуверени и недопирливи, како ништо да не може да ги потресе. Но, зад таа резервирана надворешност лежи море од чувства што не сакаат лесно да ги покажат.
Наместо да признаат колку им е грижа, тие често избираат ладен тон и дистанца, убедувајќи се себеси дека така е побезбедно. Нивната студенило е само оклоп и дозволуваат само неколкумина да го пробијат.
Кои се овие хороскопски знаци?
Шкорпија
Шкорпиите сè чувствуваат длабоко и интензивно, но ретко го покажуваат. Кога чувствуваат дека можеби се повредени, стануваат ладни и дистанцирани, како ништо да не им е важно. Но, зад таа фасада лежи срце кое гори посветло отколку што некој може да замисли.
Јарец
Јарците сакаат да имаат контрола, а покажувањето чувства за нив значи ризикување со ранливост. Затоа тие често се преправаат дека се ладни додека водат битка помеѓу нивната желба за блискост и нивната потреба да останат безбедни. Нивната смиреност често крие лавина од емоции.
Девица
Девиците анализираат секоја ситница, дури и сопствените чувства, што ги прави претпазливи во изразувањето наклонетост. Кога се чувствуваат несигурно, се повлекуваат и изгледаат ладнокрвно, иако всушност само се обидуваат да најдат безбеден начин да покажат колку им е грижа.
Водолија
Водолијата ја сака слободата и не може да го поднесе чувството дека може да се изгуби во врска. Кога емоциите ќе ги преплават, тие претпочитаат да се однесуваат ладнокрвно и дистанцирано, иако чувствуваат силна поврзаност внатре. Нивната студенило е само привремен штит.
фото: принтскрин
Забава
(Фото) Таа го соблече градникот и се појави самоуверено
Популарната манекенка Емили Ратајковски покажа сè во јавноста – од нејзините откриени задници до голите гради, а за неодамнешното вечерно излегување во Њујорк, ги изненади сите со изборот на облека.
Таа присуствуваше на неодамнешното доделување на наградите Еми во Лос Анџелес, каде на црвениот тепих доминираа одела, а малку подоцна се држеше до тој моден тренд, појавувајќи се на настанот на Шопард во елегантен црн комплет.
Црното одело ја истакна нејзината фигура, иако не сме навикнати да ја гледаме во парчиња кои не се тесни за нејзиното тело, и детаљ што никому не му недостигаше – не носеше ништо под сакото со длабок крој и ги „ослободи“ градите.
Таа самоуверено го изнесе овој моден аутфит, а елегантната комбинација ја заокружи со црна чанта од лакирана кожа и црни сандали со ремени од Џанвито Роси. Носеше дијамантски обетки и скапа нараквица од Шопард, со дрес код од црна боја за накитот да се истакне.
За таа пригода, немаше лак за нокти на рацете или нозете, а избра и едноставна фризура.
Некои од фотографиите што ги користела за рекламирање на скапиот накит беа објавени на социјалните мрежи.
фото: принтскрин
(Фото) На Стење фатен патник со златен накит вреден 346 илјади денари
На граничниот премин Стење со Албанија, царинските службеници во соработка со гранична полиција спречија обид за криумчарење на златен накит...
Путин сака да го освои целиот Донбас; Зеленски: Подготвуваат две големи офанзиви на есен
Руските сили подготвуваат уште две големи офанзиви откако три кампањи веќе не успеаја оваа година, изјави украинскиот претседател Володимир Зеленски....
„Влен“: ДУИ партнер на Левицата, за власт ги гази Албанците
„ДУИ падна толку ниско што повеќе не се крие зад сцената, туку отворено се појавува како политички партнер на најалбанофобната...
Трамп: Посетата на Велика Британија е една од најголемите почести во мојот живот
Американскиот претседател Доналд Трамп изјави дека неговата посета на Велика Британија е „една од најголемите почести“ во неговиот живот, во...
(Видео) Тројца полицајци убиени, двајца ранети во Пенсилванија, осомничениот убиен
Тројца полицајци беа убиени, а двајца други беа сериозно ранети во Пенсилванија во престрелка со вооружен човек кој подоцна беше...
Шефот на руската војска: Напредуваме на сите фронтови
Руските сили напредуваат во речиси сите правци во конфликтните зони во Украина, изјави вчера началникот на рускиот Генералштаб Валериј Герасимов....
(Фото) Џиновска статуа на Трамп со биткоин поставена пред американскиот Капитол
Златна статуа висока 3,6 метри на претседателот Доналд Трамп која држи биткоин беше откриена вчера пред американскиот Капитол во Вашингтон....
„Тајмс“: Велика Британија ќе ја признае палестинската држава овој викенд
Велика Британија формално ќе признае палестинска држава овој викенд, објави „Тајмс“. Премиерот Кир Стармер предупреди во јули дека ќе преземе...
Остра расправа во Уставниот суд: ДИК правилно постапила, независните можат со два потписа да учествуваат на изборите
Правилникот на Државната изборна комисија кој дозволува учество на независните кандидати на изборите со само два потписа е основан и...
Ново обвинение за струшкиот градоначалник Рамиз Мерко за светлата во Црн Дрим
Основното јавно обвинителство Струга поднесе Обвинителен предлог против градоначалникот Рамиз Мерко, за злоупотреба на службена положба. „Осомничениот, во временскиот период...
Увидот во Трубарево отежнат поради затрупувањето на локацијата, се вршат и дополнителни мерења на загадувањето
Скопското обвинителство и увидни екипи на МВР денеска извршија увид на лице место по настанатиот пожар во Трубарево. Увидните дејствија,...
ВМРО-ДПМНЕ: Политичка омраза преку фотомонтажи за трагедијата во Кочани – осуда и пад на сите етички граници
ВМРО-ДПМНЕ со најостра осуда реагира на срамниот, злонамерен и монструозен обид за политичка злоупотреба на трагичните настани во Кочани преку...
„Влен“: ДУИ за власт е подготвена да ја продаде Струга на Левицата, но на 19 октомври Ќира ќе ја ослободи со гласот на граѓаните
„Најновиот скандал што кружи на терен и во јавноста е жив доказ дека ДУИ изгубила секаков вид политичка ориентација. Темниот...
(Видео) Фотографии од Трамп и Епштајн проектирани на замокот Виндзор, извршени апсења
Четири лица се уапсени откако слики од принцот Ендру, Доналд Трамп и осудениот сексуален престапник Џефри Епштајн беа проектирани на...
Катар: Нетанјаху нема да помине неказнето
Катар изјави дека кршењето на меѓународното право од страна на израелскиот премиер Бенјамин Нетанјаху „нема да остане неказнето“, објави Анадолија....
Медведев: Зоната забранета за летови над Украина би значело војна меѓу НАТО и Русија
Заменик-шефот на рускиот Совет за безбедност, Дмитриј Медведев, предупреди дека воведувањето зона на забрането летање над Украина и соборувањето на...
Лукашенко: Ние и Русите вежбаме лансирање нуклеарно оружје во Белорусија
Русија и Белорусија вежбаат лансирање на руско тактичко нуклеарно оружје како дел од заеднички воени вежби, изјави белорускиот лидер Александар...
(Фото) „Не умираме од несреќи, умираме од корупција“, „Шест месеци без правда за Кочани“: на плоштадот во Скопје одбележани шест месеци од трагедијата во „Пулс“
Вечерва во 20:16 часот, на плоштадот „Македонија“ во Скопје, со ѕвездено небо и молк, како симбол на солидарност и граѓанска...
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“,...
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
