Црна хроника
Оштетен штаб на ВМРО-ДПМНЕ во Кавадарци, запалени билборди од ДУИ
Во екот на изборната кампања за предвремените парламентарни избори, во петокот оштетен е штаб па политичката партија ВМРО-ДПМНЕ, во кавадарци, а запалени се билборди на кои бил поставен политички материјал на партијата ДУИ.
Имено, во петокот околу 12,30 часот во Куманово на крстосницата од ул.„11-ти Октомври“ и ул.„11-ти Ноември“, како и на ул.„ЈНА“ од страна на непознат сторител било извршено оштетување на два билборди на кои бил поставен материјал од ДУИ. СВР-Куманово превзема мерки за пронаоѓање на сторителите.
Истиот ден, околу 14,25 часот телефонски во полицијата „Ѓорче Петров“ било пријавено дека на раскрсницата од ул.„Ѓорче Петров“ со ул.„Кузман Шапкарев“, од страна на непознат сторител оштетени, делумно изгорени, биле двa билбордa со фотографии на претставници на ДУИ. Се работи на целосно расчистување на случајот.
Во петокот ноќта пак, од 23 до 23.45 часот во Кавадарци на ул.„Моша Пијаде“, од страна на непознати сторители било извршено оштетување на штаб на политичката партија ВМРО-ДПМНЕ, при што биле скршени стаклата од прозорот на задната страна на објектот.
Увид на местото на настанот извршила увидна екипа од полициската станица-Кавадарци. Се работи на целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.