Македонија
Почнува судењето за „Тврдина“ прв случај на СЈО
![](https://makfax.com.mk/wp-content/uploads/2016/11/osnoven20sud20kameri20policija-11.jpg)
За понеделник, 28 ноември, закажано е рочиште за предметот од случајот „Тврдина“, во кој Специјалното јавно обвинителство сомничи седум лица за кривичното дело фалсификување на службена исправа и уништување на документација од Управат на безбедност и контраразузнавање.
„Судечкиот судија кај кого беше распореден обвинителниот предлог на Обвинителството за гонење на кривични дела поврзани и кои произлегуваат од незаконското следење на комуникациите (СЈО) против седум лица осомничени за кривичното дело „Фалсификување на службена исправа…, по добивање на предлогот, оформи предмет и закажа рочиште за 28.11.2016 година во 11:30 часот за кога се испратени покани до странките во постапката заедно со примерок од обвинителниот предлог“, соопшти Киривчниот суд на почетокот од месецов.
Веднаш по поднесување на обвинителниот предлог, СЈО поднесе и барање за изземање на надлежниот судија, која во јавноста стана позната од нелегално прислушуваните разговори како „сваровски судија“, но тоа беше одбиено од претседателот на судот, а подоцна и од Апелација.
Во случајот осомничени се седуммина припадници на Управата за безбедност и контраразузнавање, меѓу кои и Горан Грујовски, поранешен началник на петтата управа на тајната полиција.
Уништените документи требаше на Специјалното јавно обвинителство да му помогнат да утврди кој прислушувал и на кој начин го правел тоа./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево и потопло со мала до умерена локална облачност
![](https://makfax.com.mk/wp-content/uploads/2023/08/reka-leto-1.jpg)
Времето денеска ќе биде сончево и потопло со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец. Минималната температура ќе биде во интервал од 9 до 18, а максималната ќе достигне од 27 до 34 степени. UV=8
Во Скопје сончево и топло со мала до умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 32 степена.
Следува период на претежно сончево и многу топло време, со пораст на дневната температура која од недела насекаде ќе биде над 30 степени. Во почетокот на следната седмица во попладневните часови ќе има услови за изолирана појава на нестабилност.
Скопје
Дел од Центар денеска без вода
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека поради изведување на водоводен приклучок од Ф-80 мм на улицата Дебарца бр.63, со прекинато водоснабдување ќе бидат корисниците на дел од улицата Дебарца, дел од улицата Дане Крапчев и улицата Славка Недиќ во општина Центар.
Прекинот на водоснабдувањето ќе биде од 09:00 часот до завршување со активностите.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
![](https://makfax.com.mk/wp-content/uploads/2024/07/449630277_122162759648197509_1806381321720411464_n.jpg)
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.