Македонија
ДУИ повикува на обединување на Албанците
Демократската Унија за Интеграција, (ДУИ), изборната кампања ја продолжи во Битола,каде лидерот Али Ахмети, во придружба на шефот на Централниот изборен штаб, Беким Незири и кандидати за пратеници од таа изборна единица, рече дека ДУИ ќе продолжи да се бори за доброто на граѓаните Албанци, каде и да живеат насекаде низ Македонија.
„Битолчани, апелирајте кај сите да бидеме што пообединети. Ние како Албанци, имавме советници во општина Битола, сега веќе немаме, затоа што ние како Албанци во Битола се расцепкавме во многу политички табори. Колку сме пообединети, толку ќе бидеме побитни. ДУИ, сака вие да се обедините. Иако на некого сте лут, треба да си простите меѓу себе. Треба смело да чекориме, да се приближиме меѓу себе. Нема битка што не се добива, ние сме заинтересирани тука да оствариме уште повисоки цели. Ние сме авангарда, ние ќе се ангажираме за вас од еден крај до друг крај, меѓутоа, апелираме да стоите што е можно поблиску еден до друг, со цел да бидете колку што е можно посилни во одлучувањето на општинско ниво,“ изјави претседателот на ДУИ и носител на Изборната листа во Изборната единица број 6, Али Ахмети.
Ахмети исто така рече дека изборите од 11 декември се многу значајни за ДУИ меѓутоа, и за сите Албанци.
„Овој мандат се преполови, меѓутоа, иако се случи така, ние како ДУИ сме постигнале многу. Јас сум горд што во текот на овој мандат се отворија над 2 илјади работни места, ги подржуваме сите странски инвеститори, затоа што само со нови работни места ние можеме да ја ублажиме социјалната благосостојба на Албанците, меѓутоа и на сите други во земјава,“ изјави Ахмети.
Шефот на Централниот изборен штаб, Беким Незири, ги потсети жителите на Битола дека Изборната единица број 5 каде припаѓа и Битола, е од особено значење за ДУИ. Незири исто така рече дека да бидеш Албанец во Тетово, во Гостивар, зошто не и во Скопје, во Чаир, е лесно, но да бидеш Албанец во Битола, да го сочуваш јазикот на предците е многу тешко и за ова ДУИ е благодарна.
„Нема сомнение дека ДУИ ќе победи, ова не го тврдиме ние туку го тврдат и нашите политички опоненти. Тоа што не интересира нас, што е предизвик на Централниот штаб, е ДУИ да постигне да се предизвика себеси, предизвикувајќи го резултатот од 2014 година. Сведоци сте дека во последно време се имаат појавено неколку политички субјекти кај Албанците неколку месеци пред изборите, и ова не е случајно. Во чија полза е расцепкувањето на албанските гласови? Ова сигурно оди во прилог на македонскиот политички блок. Секој раздор значи и ослабување на политичкиот субјект на Албанците. Сите Албанци треба да го поддржат лидерот на ДУИ, затоа што само на овој начин Албанците во нашата земја ќе имаат подобра иднина,“ изјави шефот на Централниот изборен штаб, Беким Незири.
Раководството на ДУИ, пред жителите на Битола се обврзаа дека ќе се грижат за сите албански населени места,опфаќајќи ја тука и Битола, затоа што ДУИ е благо што има победено непријатели, сите оние што пишуваа од црно поцрно за Албанците ./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска од Македонска Каменица: На 8 мај гласајте за силен СДСМ, сега е најважно да не се враќаме назад
„Ветувањата ги остваруваме, oвде од Македонска Каменица започнавме уште на почетокот на мандатот и веќе во 2018 година Владата на СДСМ обезбеди бенефициран стаж за рударите. Луѓето со најтешка и најпочитувана професија заслужуваат уште повеќе, социјалдемократите го ценат трудот на работникот, секогаш сме биле први во заштита на работничките права и во обезбедување на социјална правда, зашто човечкиот капитал е највреден. И сега остануваме на истите принципи, гарантираме уште повисоки плати и пензии, зашто еднаш веќе тоа го направивме“, рече носителката на листа во третата изборна единица, Сања Лукаревска.
Таа истакна дека СДСМ ќе продолжи со силна поддршка на домашната економија за побрз развој, за повеќе работни места, за повисоки плати и подобар стандард, со 180 милиони евра директна поддршка за домашните компании, 3,5 милијарди евра за капитални инвестиции, 1 милијарда и 350 милиони евра инвестиции за земјоделството, од кои 750 милиони евра директна финансиска поддршка.
„Ќе продолжиме со континуирана поддршка на земјоделците, но и на младите, на жените, од земјоделството да направат успешен бизнис за подобар стандард дома. За младите земјоделци што го превземаат земјоделското семејно стопанство грант од 20 000 евра. За жени земјоделки, за бизнис за преработка на примарното производство, финансиската поддршка се зголемува од 6 000 на 10 000 евра. Вложуваме во повеќе работни места и подобри плати, обезбедуваме по 200 евра во првите 12 месеци за секое прво вработување на млади до 26 години. Затоа на 8 мај гласајте за силен СДСМ, сега е најважно да не се враќаме назад, во сојуз со граѓаните да продолжиме да работиме за просперитетна, напредна и модерна држава за сите, за подобар живот дома“, рече Лукаревска.
Македонија
(Видео) Стојчевски: ЗНАМ ќе направи темелна промена во правосудниот систем, со кој правдата ќе биде столб на општеството и ќе нема место за корупцијата
Носителот на листата на кандидати за пратеници од ИЕ 2, Даниел Стојчевски од Движењето ЗНАМ – За наша Македонија, денеска одржа прес конференција на која се задржа на мерките од програмата „Проглас за достоинствена Македонија“ во однос на правдата и борбата со криминалот и корупцијата.
Стојчевски рече дека граѓаните сега имаат можност да направат избор со кој ќе видат дека има начин за да биде подобро, а изборите што се прават сега ќе ја одредат иднината на нацијата. Тој потенцира дека изборите овој пат не се само за тоа кој ќе управува, туку се за враќање на довербата во институциите, како и за создавање на Македонија која е посилна, почесна, и поправедна.
„Ние сме тука да предложиме конкретни решенија за трајни промени. Нашата програма, “Проглас за достоинствена Македонија”, се залага за темелна промена во правосудниот систем, каде што правдата е столб на општеството и каде за корупцијата нема место. Првата мерка е зголемувањето на казните за злоупотреба на службена положба и овластувања, со казна затвор од минимум 10 години. Ние сметаме дека казните треба да бидат строги за да се обесхрабри секој обид за корупција и злоупотреба.
Втората, ќе воведеме принцип на незастарување за делата на криминал и корупција. Престапите против државата и нејзините граѓани не треба и не смеат да бидат заборавени или игнорирани со текот на времето.
Третата, зајакнување на капацитетите и интегритетот на судскиот систем преку избор на судии и обвинители кои имаат докажано искуство и знаење, со минимално 10 години стаж и завршена Академија за судии и јавни обвинители.
Четвртата, укинување на доживотниот мандат на судиите и јавните обвинители и воведување на систем за реизбор на секои шест години. Со оваа мерка, тие ќе мора постојано да ја докажуваат својата компетентност и посветеност кон правдата.
Петтата, сите нотари и извршители ќе станат државни службеници, што ќе придонесе кон поголема контрола и стандардизација на нивната работа.
Шеста, зголемување на платите за администрацијата во правосудните органи за 30 проценти за да се овозможи најдобрите кадри да останат во нив“, рече Стојчевски.
Тој нагласи дека оваа битка е битка за сите нас, битка за почесна и праведна Македонија, без корупција и неправда. Според него секој од нас е дел од решението и треба здружено да се работи за иднина во која правдата не е само идеал, туку ќе биде реалност за секој граѓанин на земјата.
„Ние сме подготвени да дадеме „Максимум за Македонија“ и да застанеме рамо до рамо во борбата за подобра иднина, водени од љубовта кон нашата земја и желбата за подобрување на животот на секој еден нејзин граѓанин“, рече тој.
Запрашан кој е ставот на Движењето ЗНАМ во однос на коалициите за идната влада, и дали е Движењето е во преговори со ВМРО ДПМНЕ, Стојчевски одговори:
„Уште пред почетокот на кампањата Движењето ЗНАМ како политичка партија најави дека на изборите учествува за граѓаните, ќе работи за нив и ја бара нивната поддршка. Ние сме можеби единствената партија која не е во коалиција со ниту една политичка партија на овие избори. За нашите идни коалиции ќе одлучува раководството веднаш по изборите.“
Стојчевски беше прашан и каков е коментарот во однос на изјавата, односно ставот на ВМРО ДПМНЕ дека се надеваат дека не постои тројански коњ на власта во опозицијата, за што изјави:
„Вие гледате дека во изминатите денови, а особено по првиот круг на претседателските избори, каде што многумина беа изненадени од освоениот број на гласови што ги доби Движењето ЗНАМ – За наша Македонија, дека сме мета на напади од двете најголеми политички партии поради тоа што, претпоставувам, се загрижени поради бројот на освоени гласови. Ние сме политичка партија која работи во интерес на граѓаните и тоа го покажавме со нашето делување во изминатите неколку месеци“.
Стојчевски исто така пред новинарите рече дека врвен државен приоритет е да се избере Претседател на Македонија.
„Двиежењето ЗНАМ ги повикува сите граѓани масовно да излезат и да гласаат за Претседател наМакедонија по сопствено убедување. Истовремено ги повикуваме граѓаните масовно да го поддржат Движењето ЗНАМ и да гласаат за број седум“, рече на денешната прес конференција Даниел Стојчевски, носител на кандидатската листа за пратеници во ИЕ 2 од Движењето ЗНАМ – За наша Македонија.
Македонија
Меџити: Ако го прекршил законот, ќе одговара и Али Ахмети и секој од нас
„Законот е над сите нас, односно и над Али Ахмети. Ако згрешил кон законот, ако го прекршил законот, ќе одговара и Ахмети и секој од нас“. Ова денеска го изјави Изет Меџити, лидерот на Демократското движење, како одговор на изјавата на Али Ахмети, кој ја коментираше можноста ВЛЕН да го преземе раководството на МВР во идната влада.
Меџити рече дека имаат намера да преземат дикастери кои никогаш не ги воделе Албанците во последните 30 години.
„Нашата намера е да имаме застапеност во секторите за внатрешни работи итн., исто така некои сегменти од државата никогаш во овие 30 години не биле водени од Албанци, и ние ќе претендираме да се скрши мразот во овие ресори“, рече Мeџити.