Македонија
Јолевски: Продолжуваат напорите за зголемување на стандардот на припадниците на АРМ
Министерот за одбрана Зоран Јолевски денеска ги обиколи позициите на Армијата на Република Македонија на јужната граница во делот на Гевгелија, каде воедно се вклучи и во 17. по ред акција „Ден на дрвото – засади ја својата иднина“.
Воедно, министерот Јолевски ги посети и сместувачките капацитети на Армијата во Богданци каде имаше и ручек со припадниците на АРМ.
„Денеска сум во посета на припадниците на Армијата кои даваат поддршка на полицијата во обезбедувањето на границата. Ние како Министерство и Влада го следиме развојот на состојбата со мигрантската криза, сето она што се случува во Европа, но и Грција и Турција, со цел соодветно да реагираме доколку се зголеми приливот на мигранти“, истакна министерот на караулата Гевгелија, локација која беше една од клучните во справувањето со мигрантската криза.
Министерот посочи дека во континуитет се реализираат средби со министри за одбрана, како и претставници на Високиот комесаријат за бегалци со што се следи состојбата. Ние имаме развиено стратегии и разни опции, додаде министерот, така што Македонија е безбедна.
Одговарајќи на новинарско прашање околу идните планови во однос на зголемувањето на стандардот на припадниците на АРМ, министерот Јолевски посочи дека тоа е континуирана цел на Министерството.
„Токму за припадниците на АРМ на јужната граница изнајмивме капацитет во Богданци, кој и целосно го реновиравме. Воедно продолжуваме со зголемување на стандардот на припадниците на АРМ со проектите како ’АРМ – мој вистински дом’, дневниците за ангажманот на границата редовно се исплаќаат, инвестираме во нивното образование и обука со што тие се стекнуваат со вештини и знаења кои ќе ги користат во иднина“, додаде министерот Јолевски.
Во однос на денешната акција за засадување, министерот Јолевски и градоначалникот на општина Гевгелија, Иван Франгов засадија дрвја, кои, како што рече министерот, претставуваат иднината на Република Македонија.
„Шумите се богатство за една држава и народ, тие влијаат на климата, земјоделството. Но, многу е важно што со една ваква прекрасна акција за која сум сигурен дека ќе продолжи и во иднина, ние создаваме нови навики и еден однос на младите лица кон шумите“, рече министерот.
Во текот на денешниот ден, на 60 локации низ Република Македонија ќе бидат засадени над 2,5 милиони садници. Во засадувањето, како и секоја година, активно се вклучуваат и припадници на Армијата на Република Македонија. Во досегашните акции пошумени се околу 13.000 хектари со над 35 милиони садници. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Со ВРЕДИ во Владата веќе нема вработувања за Албанците
„Јавните предупредувања за деалбанизација на државата, сега во пракса ги реализира оваа моноетничка власт во која се и губитниците на изборите или нарушувачите на албанскиот легитимитет. ВРЕДИ ги затвора очите и дозволува уништување на најважните достигнувања на Албанците последните две децении по ред, од војната во 2001 година“, соопшти ДУИ.
„Демократската Унија за Интеграција ја изразува својата загриженост во врска со последната одлука на Уставниот суд да започне постапка за оцена на уставноста на одредбите кои се однесуваат на „етничката припадност“ во контекст на вработувањето во јавниот сектор.
Оценуваме дека оваа одлука директно ги прекршува клучните одредби од нашиот Устав и ги загрозува темелите на нашето мултиетничко општество изградено со големи тешкотии.
Со оваа одлука се нарушува правичната застапеност на Албанците во државните институции, односно нема повеќе вработување за Албанците.
Поради тоа, ДУИ апелира за итно преиспитување на оваа одлука, со цел да се заштити интегритетот на уставниот поредок и да се обезбеди принципот на правична и соодветна застапеност да остане ефективен и применлив во пракса.
Ги уверуваме нашите сограѓани дека ќе останеме будни во заштитата на овој клучен уставен принцип. Само така можеме да обезбедиме безбедна, правична и еднаква иднина за сите граѓани на Република Северна Македонија“, се наведува во соопштението на ДУИ.
Македонија
Започнува судењето за двојното убиство на Вања и Панче
Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче Жежовски.
Судечкиот совет при Основниот кривичен суд Скопје донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и против првоосомничениот Љупчо Палевски.
За Палевски се чекаше екстрадиција од Турција, за двојното грабнување и убиството на малолетната Вања Ѓорчевска од Скопје и 74-годишниот Панче Жежовски од Велес.
Покрај Палевски, обвинети се и Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
Македонија
Николоски на бројни средби со министрите за транспорт од ЕУ, ќе го претстави планот за изградба на брза пруга на Коридор 10
Заменик претседателот на Владата и министер за транспорт Александар Николоски учествува на состанокот на министри за транспорт на земјите членки на Европската Унија.
Министерот Николоски вчеравечер оствари работна вечера со министрите за транспорт на Белгија, Малта, Грција, Германија и Кипар.
На средбата мнистрите разговара за развој на транспортниот сектор во регионот. Министерот Николоски ги претстави приоритетите на Македонија, со посебен фокус на изградба на брза пруга на Коридор 10 како и олеснување на транспорот и трговијата меѓу земјите од Западен Балкан. Нагласена беше важноста и од изградба на Коридор 8.
Во рамки на денешниот министерски собир, министерот Николоски ќе оствари работни средби и со министрот за транспорт на Италија, потоа со министерот на Унгарија и Австрија, како и со претставници на ЕУ каде ќе ги претстави проритетите на Македонија.
Состанокот на министри во Будимпешта е организиран од Унгарија во рамки на нејзиното претседателство со Европската Унија. Покрај министрите за транспорт од Унијата, на неформалниот состанок учествуваат и министрите за транспорт од земјите од Западен Балкан, од земјите од ЕФТА, Украина, Молдавија и Грузија, како и претставници на институциите на Европската Унија и транспортни организации.
На собирот на министри и денеска ќе се разговара за предизвиците на транспортниот сектор на ЕУ, подобрувањето на конкурентноста и поврзаноста меѓу ЕУ и соседните земји меѓу кои и земјите од Западен Блакан. Посебен фокус ќе биде железничкиот сектор, мерки и стратегии потребни за воспоставување на брза железничка мрежа.