Црна хроника
Еден загинат во несреќа на патот Кичево
Во вторник, во 14.25 минути случена е сообраќајна несреќа на магистралниот пат Кичево –Гостивар, кај село Колари, во која животот го загуби едно лице.
Патничко моторно возило „Мерцедес“ со охридски регистарски таблички излегувало од локалниот пат кој води во село Колари при што во него удрило патничко моторно возило „Ауди“ со кичевски регистарски таблички. При несреќата возачот на „Мерцедесот“, жител на село Колари, се здобил со тешки повреди. Упатен е во Медицинскиот центар Кичево, поради сериозноста на повредите од таму во Ургентниот центар во Скопје, но им подлегнал на повредите. Тројцата патници од возилото „Ауди“ се со лесни телесни повреди.
На лице место кај сообраќајната несреќа увид изврши јавен обвинител од Основното јавно обвинителство Кичево, заедно со увидна екипа од МВР. Во насока на расветлување на причините за случената несреќа, надлежниот обвинител издаде Наредби за вршење на обдукција на починатото лице, за технички преглед на моторните возила, како и за испитување на крвта на учесниците во несреќата со цел утврдување на евентуално присуство на алкохол.
Дејствијата на обвинителството ќе продолжат за да се утврдат фактите во предметот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.