Возило на Брза помош од Радовиш удрило во камион додека пренесувало пациент, двегодишно детенце.

Во сообраќајката што се случила во вторникот вечерта околу 22 часот на патот Радовиш-Штип кај местото Дамјан, тешко повреден е возачот на амбулантното возило, додека полесно повреден е возачот на камионот и двајца сопатници од возилото на Брза помош. Детенцето минало без видливи повреди.Сообраќајката се случила кога амбулантното возило марка „пежо“ од засега непознати причини удрило во задниот десен дел од камионот марка „МАН“, по што товарното возило преминало на левата страна од коловозот. Четириесетгодишниот возач на патничкото возило М.Ј.се здобил со фрактура, додека двајцата сопатници, триесетгодишниот К.С. и триесет ичетиригодишниот М.С. се здобиле со полесни повреди. Со телесни повреди поминал и педесет и етиригодишниот возач на камионот Б.Т.Извршен е увид на ,лице место и се утврдуваат причините за несреќата.Во текот на вторникот се случиле уште две сообраќајни несреќи во кои две лица се тешко повредени.Едната сообраќајка се случила во вторникот околу 8 часот кај Пробиштип кога , четириесетгодишен возач на „голф“ изгубил контрола и преминал на левата лента на коловозот, по што се здобил со тешки повреди.Во ургентниот центар во Скопје завршила и триесет и седумгодишна велешанка која управувала мотоцикл. Несреќата се случила во вторникот околу 19 часот, на улица „Благој Ѓорев“ во Велес. Автомобил „опел корса“ удрил во жената, па поради тешките повреди од велешката болница била пренесна во Скопје./крај/мф/ффс