Свет
Божикна елка од 30 метри поставена во Багдад
Во пресрет на божикните и новогодишните празници локалните власти одлучија да ја украсат ирачката престолнина Багдад со божикна елка висока 30 метри, поставена во забавниот пар аз-Завра во центарот на градот, а којашто е подарок од муслимански бизнисмен.
Јасер Саад, изјави за Associated Press дека иницијативата има цел „да се придружиме на нашите христијански браќа во нивното празнување и да помогнеме Ирачаните да заборават на нивната болка“, споменувајќи ја битката за вториот по големина град во земјата Мосул. Според него, реализацијата на оваа иницијатива со божикното дрво чини 24.000 американски долари.
Агенцијата забележува дека христијанската заедница во Ирак постојано се намалува од американската инвазија во 2003 година. Христијаните беа цел на погроми од исламските екстремисти во неколку наврати, а многумина ја напуштија земјата и поради подобри економски можности.
Од соборувањето на Садам Хусеин, кога ги имало 1,4 милиони христијани, во 2016 година ги имало 275.000, според организацијата ADF International. Според нивните процени, населението во Ирак во 2015 година изнесувало 32,6 милиони од кои 98 отсто се муслимани, 1 процент се христијани и 1 отсто се од други религиозни малцинства.
Илјадници преостанати христијани побегнаа и од Мосул и околните области откако во летото 2014 година беа заземени од Исламската држава. Екстремистите им наметнаа на христијаните да плаќаат посебни високи даноци или да преминат во исламот, а често им бил конфискуван имотот.
Неодамна, помали групи христијани се вратија во своите домови во населбите коишто ги ослободија ирачките владини групи, и започнаа да ги обновуваат руинираните и ограбени домови и древни цркви.
Како што пренесува во четвртокот телевизијата Al Sumaria, покрај божикната елка, багдадските власти ја украсиле по целата должина и улицата којашто води до паркот аз-Завра со празнични светилки и различни кукли и играчки. По улицата се поставен и мали елки и убаво осветлената традиционална санка на Дедо Мраза со подароци и ирвасите кои ја влечат.
Од властите на Багдад изјавиле дека иницијативата има цел на сите Ирачани да им се доближи вистинската празнична атмосфера и убаво да се одбележат наближувачките божикни и новогодишни празници. Притоа истакнуваат дека главната божикна „убавица“, чијашто височина заедно со постаментот надминува 30 метри, годинава е најголемата во Ирак.
Освен тоа, жителите на Багдад ги очекува уште едно изненадување од градските власти. Имено, најавен е голем огномет кој ќе започне истовремено во неколку градски квартови.
Сиве овие подготовки за претстојните настани треба да покажат дека и покрај исклучително тешката безбедносна ситуација, постојаните смртоносни терористички напади и борбите со ултрарадикалната сунитска организација Исламска држава во поголемиот дела од земјата, Ирачаните не заборавила како да уживаат во животот.
Сите градски служби во Багдад се подготвуваат за прилив луѓе во парковите и шеталиштата, а кои покрај украсувањето, како што уверуваат властите, ќе бидат и максимално обезбедувани.
Минатата година во споменатиот багдадски парк, исто така, беше поставена гигантска божикна елка за којашто властите велат дека била највисоката во регионот на Блискиот исток./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.