Повеќе од 300 илјади млади во Јужна Кореја и ширум светот во средата маршираа за мир, одбележувајќи ја третата годишнина од Декларацијата за светски мир, покрената од страна на јужнокорејската  невладина организација „Небеска култура, светски мир“ (HWPL) и нејзиниот претседател Ман Хи Ли на 25-ти мај 2013-та година.

Централната манифестација се одржа во главниот град на Јужна Кореја, Сеул, а мировни маршови се одржаа и низ повеќе градови ширум светот, меѓу кои и Сиднеј, Њујорк, Манија, Шангај, Кејп Таун и Оукленд. Годинава во фокусот на бројните манифестации беше ставено давањето на поддршка за глобалната мировна кампања „Озакони го мирот“, покрената со цел да се обезбеди меѓународен закон кој ќе биде компатибилен со Декларацијата за мир и ставање крај на војните, документ кој беше презентиран пред нецели два месеца од страна на Меѓународниот правен комитет за мир на HWPL.

„Одбележувајќи ја третата годишнина, во овој момент нашето семејство на мир мора да биде фокусирано на ова место. Она што треба да им го оставиме на идните генерации и општото добро за целото човештво – а тоа е мирот. Не постои поголемо наследство од мирот и тоа не може да биде постигнато само од едно лице. Сите мораме да бидеме гласници на мирот“, порача претседателот на HWPL и светски познат хуманист, Ман Хи Ли во своеото поздравно обраќање.

Според јужнокорејската организација „Меѓународна младинска група за мир“ (IPYG), која заедно со HWPL е организатор на глобалниот настан, годинава истовремено во 52 различни земји се одржуваат повеќе од 100 мировни маршови.

„Оваа година точно 105 мировни маршови се одржуваат во 52 земји. Сите млади кои учествуваат на настанот знаат дека треба да поседуваме одредени квалитети, првата е да имаме целосна верба во она што го правиме, втората е да имаме лидер на кого му веруваме, а третата се нашите пријатели со кои заедно одиме по овој пат“, порача директорот на IPYG, Ду Хуен Ким.

Според HWPL, досегашната поддршка за Декларацијата за мир и ставање крај на војните изнесува преку половина милион потписи, а до крајот на годината се очекува оваа бројка да достигне два милионa потписи.

„Ова е едно движење кое ги обединува сите различни култури. Собраните потписи кои доаѓаат од овие култури се симбол за обединувањето на различните земји за една цел, а тоа е мирот“, изјави Џошуа Мјуз, студент на Универзитетот во Мисисипи и учесник во мировниот марш.

Еден од хумантираните аспекти на овогодинешниот глобален настан е и собирањето на средства за оние кои беа погодени од катастрофалните земјотреси кои минатиот месец се случија во Еквадор. „Сакам да изразам благодарност до HWPL за мировниот марш и покажувањето на солидарност за мојата земја. Сигурен сум дека овие активност на љубов и мир ќе станат порака за надеж за народот на Еквадор“, порача заменикот амбасадор на Еквадор во Јужна Кореја, Жорге Иказа.

Мировното движење на HWPL, пак, од минатиот месец е активно и во Македонија преку  формираниот Комитет за заложби за мир, кој во четврток ќе го одржи своето второ заседание, како знак за поддршка и придонес за воспоставената Декларација за мир и ставање на  крај на војните./крај/мф/бс