Регион
Дачиќ: Сепак има нови услови од ЕУ за Србија
Кога се работи за отворањето на поглавјата во преговорите на Србија со Европската унија (ЕУ), постојат разлики меѓу јавно искажаниот став на ЕУ и дополнителните услови на некои членки, изјавил шефот на српската дипломатија Ивица Дачиќ, пренесуваат српските медиуми.
Според него, јавно искажаниот став на ЕУ е целосната примена на Бриселскиот договор, а дополнителните услови, кои не се споменати во тој договор, се поставуваат од некои земји членки на ЕУ.
„Многумина кои овие денови се трудат да ме демантираат не се целосно упатени во преговарачкиот процес“, рекол Дачиќ во вторникот по средбата со својот босански колега Игор Црнадак.
Дачиќ навел дека заедно со српскиот премиер Александар Вучиќ, на високата претставничка на ЕУ за надворешна политика и безбедност Федерика Могерини и кажале дека треба да се прецизира што е тоа што Србија не го направила, кога се работи за Бриселскиот договор.
„Не се исполнети точките поврзани со Заедницата на српските општини, а во корист на Србија би било тоа да се исполни. И ние се жалиме поради тоа што ова не е имлементирано“, објаснил Дачиќ.
Шефот на српската дипломатија исто така укажал на тоа дека дополнително се поставуваат 11-те точки кои беа усвоени од страна на германскиот парламент, што претставуваат услов Германија потврдно да одговори за отворање на некое од поглавјата.
Еден од примерите меѓу тие 11 точки е прашањето на мостот и Паркот на мирот во Косовска Митровица, а тоа нема никаква врска со Бриселскиот договор, рекол Дачиќ.
„Па како тогаш нема нови услови? Тогаш нека се каже дека тоа е нов услов“, истакнал српскиот министер за надворешни работи, додавајќи дека тоа не е ништо ниво, и дека било пракса веќе години наназад./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Русија: Резолуцијата за Сребреница е опасна за мировниот процес во Босна и Херцеговина
Високиот претставник за Босна и Херцеговина Кристијан Шмит го поздрави усвојувањето на резолуцијата со која Генералното собрание на ОН го прогласи 11 јули за Меѓународен ден на сеќавање на геноцидот извршен во Сребреница, додека руската амбасада во Сараево рече дека тоа е „пораз за Босна и Херцеговина“, бидејќи тоа би го комплицирало процесот на помирување.
„Од најголема важност е општеството да ги отфрли сите обиди за минимизирање на сериозноста на геноцидот во Сребреница. Резолуцијата мора да послужи како катализатор за лекување и разбирање, наместо да биде искористена за тесни политички цели. Тоа не е чин насочен против српскиот народ или Република Српска. Секој обид оваа резолуција да се стави во таков контекст е погрешен и злонамерен“, рече Шмит.
Амбасадата на Русија во Сараево со коментар во кој тврдат дека е опасно за мировниот процес во БиХ, но и за стабилноста на регионот, пренесуваат регионалните медиуми.
Тие го обвинуваат Западот дека ја „турка“ резолуцијата на ист начин на кој, според нив, Шмит е незаконски назначен за висок претставник во Босна и Херцеговина, што, како што тврдат, дополнително ги продлабочило поделбите во меѓународната заедница.
Регион
„Кога мислиш дека не можат да паднат пониско тие ќе те демантираат“Јованов: Ѓилас полуде од омраза кон Вучиќ
Народниот пратеник Миленко Јованов реагираше на изјавата на Драган Ѓилас, кој со потсмев изјави дека на балконот треба да се пречека претседателот Александар Вучиќ по резолуцијата за Сребреница во ОН, како и спортистите по нивните победи.
Јованов остро го прекори Ѓилас, наведувајќи дека опозиционерите ги полудува омразата кон претседателот на Србија.
Кад год помислиш да не могу да падну ниже, они те демантују. Од мржње према @avucic потпуно помахнитали…
Шта је то тачно за спрдњу, а у вези је са председниковим надљудским напорима да осујети идеју да нам се наметне жиг геноцидног народа? Шта је тачно спорно у томе да је у… pic.twitter.com/p54rCl06oA
— Миленко Јованов (@MilenkoJovanov) May 24, 2024
„Секогаш кога мислиш дека не можат да паднат подолу, тие те демантираат. Целосно полуден од омразата кон Александар Вучиќ. Што точно е ова потсмев и дали е поврзано со натчовечките напори на претседателот да ја осуети идејата да ни го наметне брендот на геноциден народ? Што точно е спорно во тоа што во дадените околности го постигна максимумот за оваа земја и народ и многу повеќе од што се надеваше некој? Не само во Србија. Што направи големиот опозициски лидер во оваа насока сите овие недели за својата земја? Кој во светот го покани? Кому ја објасни позицијата на својата земја и последиците од таквата одвратна шега во форма на германска резолуција? На никој. Наместо тоа, со денови се караше со Сава Манојловиќ, како некоја тетка“ напиша Јованов на социјалната мрежа Икс.
Драган Ѓилас се огласи на социјалната мрежа Икс за претседателот на Србија Александар Вучиќ и неговиот настап пред ОН во врска со резолуцијата.
„Балкон за Вучиќ! Кога тоа беше можно за кошаркарите, Ѓоковиќ, ватерполистите по нивните победи, тогаш време е да се организираме и за Вучиќ! – напиша Драган Ѓилас на Икс.
Регион
Брнабиќ за усвојувањето на резолуцијата: „Пирова победа и фаул на големите западни елити“
Претседателката на Собранието на Србија, Ана Брнабиќ оцени дека Резолуцијата на Генералното собрание на ОН за Сребреница претставува „пирова победа и фаул на големите западни сили“.
Во ОН членуваат 193 земји, а Резолуцијата за Меѓународниот ден на сеќавање на геноцидот во Сребреница беше усвоена вчера со 84 гласа „за“, 19 „против“ и 68 воздржани.
Брнабиќ за РТС изјави дека Србија покажала како се бори за своите интереси, светот и меѓународното право и не дозволила „ народот да биде жигосан“.
„Сето ова сега е многу свежо и една работа што ја научив од претседателот на Србија Александар Вучиќ е дека не треба да реагирате набрзина“, рече таа.
Вака таа одговори на прашањето за идните односи на официјален Белград со земјите од европскиот континент кои ја поддржаа Резолуцијата, на која Србија се противи.
„Сè што ќе кажам е доста емотивно, мене лично ќе ми биде исклучително тешко да продолжам да работам со земјите кои беа спонзори и коспонзори на таа резолуција“, рече таа.
Таа додаде дека „во секој момент“ ќе се чувствува многу поблиска со земјите кои гласаа против, воздржани или ја напуштија просторијата кога се гласаше за резолуцијата.
„Ние секако треба да продолжиме да работиме со нашите партнери, а тоа е во наш национален интерес и со земјите-членки на ЕУ“, рече таа.
Рече и дека „во секој момент“ секогаш ќе биде со земјите што беа со Србија во ОН и им се заблагодари на сите што ги поддржаа позициите на Белград.