Белата куќа е против зголемувањето на воената поддршка на Русија за Сирија, а и покрај низата консултации со Москва за ситуацијата во оваа земја, САД сé уште не ги знаат нејзините вистински намери во оваа арапска земја, изјави во понеделникот, портпаролот Џошуа Ернест.

Изминатите седмици на релација Вашингтон – Москва беа изменети серија изјави во врска со наводното руско воено присуство во Сирија, при што руската страна соопшти дека ќе продолжи воено да го помага својот сојузник сирискиот претседател Башар ал-Асад во борбата против радикалната исламистичка група Исламска држава и ја повика меѓународната заедница заедно да дејствува, додека САД изјавија загриженост за можното зголемување на руското воено присуство на сириското боиште.

„Поддржувањето на Русија на власта на Асад е погубна. Можно е зголемувајќи ја воената помош за режимот на Асад. Русија само да ја влоши ситуацијата и да го продолжи периодот потребен за решение (на конфликтот во Сирија)“, изјави портпаролот на Белата куќа.

Според Ернест, САД се обидуваат да помогнат преку пронаоѓање политичко решени на проблемот. „Доколку се зголеми воената поддршка за режимот на Асад, тоа ќе го отежни пронаоѓањето политичко речени“, додаде.

Ернест инсистира дека „главната причина за појавувањето на Исламската држава е во лошото владеење на Башар ал-Асад“. Притоа изрази несогласување со оцените на Москва дека воздушните удари на меѓународната коалиција предводена од САД врз позициите на џихадистите во Сирија не донеле до позначителен напредок. „На територијата на Сирија од Исламската држава се ослободени илајди квадратни километри“, тврди Ернест.

Според различни процени, Исламската држава контролира територија којашто се протега на околу 90.000 квадратни километри во Сирија и во Ирак, на која објавија воспоставување свој „калифат“.

Ернест на редовниот брифинг со новинарите истакна и дека и покрај серијата директни контактни меѓу високите претставници во врска со сириското прашање, Вашингтон не ја знае намерата на Москва и повтори дека „САД сé уште се загрижени од зголемувањето на руското воено присуство во Сирија“. Потсети дека американските државни секретари за надворешни работи Џон Кери и за одбрана Ештон Картер директно контактираа со нивните руски колеги Сергеј Лавров, односно Сергеј Шојгу.

„И покрај тоа, намерите на Русија се нејасни“, додаде, и повтори дека САД и натаму сметаат дека сирискиот претседател Асад е нелегитимен и се противат на секаква негова поддршка од која и да е земја.

САД, како и нивните регионални сојузници сунитстките Турција, Саудиска Арабија и Катар, бараат заминување од власта на алавитот (шиит) Асад, додека Русија е децениски стратешки сојузник и повикува политички договор со опозицијата кој нема исклучиво да значи и негово отстранување од политиката.

Што се однесува до воената помош на Сирија, шефот на руската дипломатија Лавров изјави дека Москва ќе продолжува воено да го поддржува Асад против џихадистичките групации и повика меѓународната коалиција предводена од САД, доколку навистина сака да се справи со Исламската држава, да соработува со владата во Дамаск под покровителство на Советот за безбедност на ОН./крај/мф/сн

Извор: Reuters