Црна хроника
Осомничен за двојното убиство во хотел „Император“ екстрадиран од Албанија
Осомничен за двојното убиство во Охрид коешто се случи во хотелот „Император“, во понеделникот бил екстрадиран од Албанија каде што се наоѓал во екстрадиционен притвор од февруари оваа година кога беше уапен.
Триесет иедногодишниот охриѓанец бил преземен во понеделникот од албанските власти на граничниот премин „Ќафасан“ и спроведен во Истражниот затвор во Скопје. Охриѓанецот е осомничен дека на 21-ви август минатата година убил двајца сограѓани на летната тераса во хотелот „Император“ којшто се наоѓа на улица „15-ти корупс“ во Охрид.Во пукањето беа повредени педесет ишестгодишниот Васил Р. и триесет иосумгодишниот Ромео Ѓ., кои со итна медицинска помош беа однесени во Општата болница во Охрид, каде им подлегнаа на повредите.Осомничениот и еден од убиените, Ромео, почнале да се расправаат и да се туркаат, по што осомничениот извадил пиштол, за којшто немал дозвола, и испукал еден куршум кон Ромео и го погодил во рамото.Повредениот се обидел да избега кон рецепцијата на хотелот, но бил погоден со уште два куршума. Во близина на рецепцијата, осомничениот бил пресретна од другиот сега убиен, Васил, во кого испукал еден куршум во градниот кош.Осомничениот заедно со неговиот пријател со кого биле во хотелот, веднаш избегале со автомобил. На пресекот на улиците „7-ми Ноември“ и „Васил Главинов“ осомничениот излегол од возилото и избегал. Неговиот пријател веднаш по убиството беше приведен и против него беше поднесена кривична пријава, а против сега екстрадираниот, беше распишана меѓународна потерница./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден Грк, со „опел“ удрил во две возила во Дојран
Вчера во 21.55 часот во Полициската станица Гевгелија било пријавено дека на ул.„Маршал Тито“ во село Сретеново, општина Стар Дојран, патничко возило „опел“ со грчки национални ознаки, управувано од грчкиот државјанин Р.Н.(70), удрило во паркирано патничко возило „шкода“ со кумановски регистарски ознаки и во патничко возило „опел“ со грчки национални ознаки, управувано од грчкиот државјанин А.Л.(61).
Во несреќата со тешки телесни повреди се здобил возачот Р.Н., констатирани во Медицински центар Гевгелија. Увид на местото извршила екипа на Полициската станица Гевгелија.
Црна хроника
Судир на два автомобили и камион со приколка на автопатот „Пријателство“, тешко повредено едно лице
Во 17.40 часот во СВР Куманово било пријавено дека на автопатот „Пријателство“, во насока кон Куманово, атар на с.Романовце, кумановско, патничко возило „бмв“ со велешки регистарски ознаки, управувано од Г.Г.(35) од Велес, удрило во патничко возило „ланд ровер“ со скопски регистарски ознаки, паркирано од М.Џ.(33) од Скопје, кое пак по инерција удрило во товарно возило „ивеко“ и приколка со битолски регистарски ознаки, паркирано од Т.П.(47) од Прилеп.
Во несреќата со тешки телесни повреди се здобил М.Џ., констатирани во Општата болница Куманово. Извршен бил увид од увидна екипа од СВР Куманово.
Црна хроника
Србин кршел на скопскиот аеродром, полиција го уапсила
Вчера во 05.00 часот на Граничниот премин Меѓународен аеродром Скопје, полициски службеници го лишиле од слобода Д.С.(43) од Република Србија, затоа што во терминалната зграда го оштетил стаклото на заштитната врата.
Тој бил предаден на полициски службеници од Полициското одделение Петровец за понатамошна постапка.