Српскиот претседател Томислав Николиќ порача во саботата во интервју за Вечерње новости, дека Србија мора да биде подготвена да се соочи со барањата на Брисел кој приемот на земјата во Европската унија ќе го условува со признавањето на Косово и апелира за тоа прашање што поскоро да биде постигнат национален консензус.
 
 

Српскиот претседател Томислав Николиќ порача во саботата во интервју за Вечерње новости, дека Србија мора да биде подготвена да се соочи со барањата на Брисел кој приемот на земјата во Европската унија ќе го условува со признавањето на Косово и апелира за тоа прашање што поскоро да биде постигнат национален консензус.

„Апсолутно знам дека ќе се најдеме пред изборот: или Косово или Европа. Брисел ќе нé соочи со признавањето на (независноста) на Косово и на тоа мораме да бидеме подготвени. За тоа што поскоро треба да се постигне национален консензус и време е за тоа да разговараме со премиерот (Александар) Вучиќ“, вели во интервјуто српскиот претседател Томислав Николиќ.Поранешната јужна српска покраина Косово и Метохија со доминантно албанско население, по војната во 1999 година и воздушните удари на НАТО врз Србија, во 2008 година еднострано, со поддршка на САД и важните западни држави од Европската унија, прогласи независност. Белград, како и некои земји од Е, не ја признаваат независноста на Косово. Во текстот на Вечерње новости се потсетува и дека по неодамнешните разговори со комесарот за европската политика на соседство и преговори за проширување, Јопханес Хан, српскиот претседател Николиќ „прв јавно преговори“ дека на Србија „сепак, пред слаткиот бриселски морков ќе и’ биде сервирано горчливото косовска апче“. „Зборовите на Хан од Европската унија никој не ги демантираше. А тоа значи дека комесарот не говореше само од својата глава, туку очигледно го изнесе официјалниот став“, вели Николиќ.Српскиот претседател истакнува дека тој повеќе не би учествувал во власта која би ја признала независноста на Косово, оценувајќи дека таа негова одлука владата нужно не мора да ја следи, но дека тој лично „очекува дека би се раководела од својот Устав, интересите, расположението на граѓаните, честа и моралот“. „Не се сомневам дека владата би ја имала истата позиција во тој случај. Меѓу луѓето кои нешто значат во српската политика не гледам неден кој поради морковот би го признал Косово и би се одрекол од сите жртви кои нашите предци ги поднесоа поради Косово. Истовремено би се одрекле од сето она што нé прави Срби“, истакнува Николиќ.Српскиот претседател во истото интервју најавува дека ќе иницира директен контакт со рускиот претседател Владимир Путин по најавата дека Русија се откажува од проектот за изградба на гасоводот Јужен тек, оценувајќи дека „Русија е изолирана од големата западна машинерија“, како и дека „Европа и Русија денес се во кавга и ќе одат на исцрпување“. Во врска со препукувањата со Хрватска во врска со јавните истапи на хашкиот обвинет за воени злосторства Воислав Шешељ, во чијашто партија Српска народна партија (СРС) инаку претходно членуваа и сегашниот премиер Александар Вучиќ и претседателот Томислав Николиќ, вториот оценува дека „Хрватска е една земја пред, а друга по изборите“ и дека „за жал, таму резултатите уште зависат од ултранационалистите“. „Кога некој тука во кампања би рекол: ќе ги запреме Хрватите, со нив не можеме да живееме, тој не би го минал изборниот праг. А во Хрватска смета на победа оној којшто ќе каже: не им ја даваме на Србите кирилицата и да учат на својот јазик… Не се оддалечиле многу од војната“, вели српскиот претседател.Коментирајќи го фактот дека Шешељ по отпуштањето од Хаг го напаѓа повеќе него отколку Вучиќ, Николиќ му порачува на Шешељ дека „нема да му мине“ обидот да ги раскара и потсети дека Шешељ при доброволното заминување во Хаг му рече „Немој повеќе да ме слушаш, мене ќе ми биде изменета свеста во затворот“./крај/мф/сн

Извор: Макфакс