Регион
Лајчак: ЕУ не смее да ги демотивира земјите кандидати
Шефот на словачката дипломатија, Мирослав Лајчак ја предупреди Европската унија (ЕУ) дека не смее да ги демотивира земјите кандидати преку разни изјави и дека кредибилетот на процесот на проширувањето на Унијата зависи од тоа дали двете страни ги почитуваат договорените правила.
„Тоа значи дека правилата не се менуваат за време на пристапниот процес кој мора да биде реален и достапен. Гледано од тој агол, некои пораки од Брисел кон земјите кои тежнеат кон членство и не се баш мотивирачки“, изјавил Лајчак во интервју за словачката агенција TASR.
Лајчак објаснил дека ова се однесува на изјави како онаа на шефот на Европската комисија (ЕК), Жан-Клод Јункер дека нема да има ново проширување на време на петгодишниот мандат на оваа Комисија.
„Секој кој детално го познава процесот знае дека за време на оваа ЕК тоа ниту технички не е возможно. Но, тоа може да се каже и поинаку“, рекол Лајчак.
Шефот на словачката дипломатија потсетил дека политиката на проширувањето е клучна за самата Унија и дека е успешна, пофалувајќи ги кандидатските земји и западен Балкан, односно дека тие се доста реални, знаат дека треба да ги сработат своите домаши задачи бидејќи евроинтеграциите се нивната стратешка одлука.
„Сигурни се дека нас ќе нè убедат преку конкретни резултати на реформи и воведување на европски стандарди. Слушнав изјава уште од првиот ден по минувањето на тие пет години ќе се направи сè за некој од нив да влезе во Унијата. Ми се чини дека тоа е доста реален пристап“, рекол Лајчак.
Според словачкиот министер, Словачка за време на своето претседавање со Унијата, во второто полугодие од 2016-та година ќе му го посвети потребното внимание на процесот на проширувањето, а ова ќе се однесува пред сè на западниот Балкан./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ поле, е една од оние кои ги преживеаја драматичните поплави во Босна и Херцеговина. Приказната за борбата за нејзиниот и животот на нејзината ќерка Асја ја замрзнува крвта во вените, пренесува„Ал Џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не можат да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави кои го зафатија Бутуровиќ поле.
Лејла, нејзината ќерка, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан Лејла и нејзината ќерка раскажале што им се случило.
„Мене ме однесе водата. Се вртев во круг и така земав во воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во глава, но некако стигнав до неа, цела беше помодрена од студот“.
Ќерката на Лејла Асја се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да глЕДАМ. Потоа поминавме низ шумата. Дождот удри уште посилно, беше студено, па беше страшно“, опишува таа.
Регион
Во поплавите во Босна загина поранешен фудбалер, го пронашле гушнат со сопругата
Меѓу жртвите во поплавите во Босна и Херцеговина е и еден поранешен фудбалер – Јасмин Чилиќ кој до пред извесно време настапувал за нисколигашот Клис од Бутуровиќ Поле.
Неговото безживотно тело било пронајдено во прегратка со сопругата, која исто така го загубила животот.
„ФК Клис изразува сочувство до семејствата, пријателите и познаниците на сите жртви. Во Бутуровиќ Поље меѓу жртвите и исчезнатите има наши долгогодишни навивачи, додека поплавата во Јабланица му стави крај на животот на поранешниот фудбалер на ФК Клис, Јасмин Чилиќ“, се вели во објавата на овој босански клуб.
Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост и сите спортски настани во оваа земја минатиот викенд беа одложени.
Регион
Два земјотреса во Грција: првиот удар 4,6 степени, а вториот 4,9
Два силни земјотреса утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил на островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.