Свет
Властите очекуваат 350.000 демонстранти на инаугурацијата на Трамп
Повеќе од 35 илјади демонстранти се очекуваат следната седмица на инаугурацијата на новиот американски претседател Доналд Трамп, пишува изданието Politico повикувајќи се на Националната служба за паркови којашто го контролира пристапот до Националната алеја во близина на Белата куќа и Капитол Хил каде што на 20-ти јануари ќе се одржи церемонијата.
„Службата за паркови регистрирала барања за Националната алеја од најмалку 28 групи и очекува над 350 илјади луѓе, како што покажува внатрешниот список на ресорот. Вообичаено за инаугурациите доаѓаат по пет до шест барања“, пишува Politico.
Сапак, како што забележува, станува збор за непотврдени бројки, кои ги доставиле самите организатори. На пример, една од групите организатор на протест на жени најавила 200.000 учесници.
Претходно во четвртокот агенцијата Reuters објави дека стотици активисти се закануваат дека ќе се обидат да ја прекинат инаугурацијата на избраниот американски претседател Доналд Трамп, којашто ќе се одржи на 20-ти јануари во Вашингтон.
Станува збор за активистите на граѓанското здружение DisruptJ20, коешто ги координира плановите за своите акции со редица други организации, вклучително и движењето за правата на црнците Black Lives Matter, пишува Reuters.
„Сакаме да ја блокираме инаугурацијата. Сакаме во градот и целата држава да настане метеж“, го цитира агенцијата претставникот на DisruptJ20, Дејвид Торнстон.
Според него, мобилизирани се околу 300 активисти со цел на денот на инаугурацијата на новиот американски претседател да ги блокираат 12-те контролни пунктови, кои ќе бидат поставени околу Капитол Хил и по должината на рутата на парадата по авенијата Пенсилванија.
Како што дознава Reuters, властите во Вашингтон им издале одобрување за спроведување протестен собир на 20-ти јануари на 27 различни групи и организации. Тоа е четири пати повеќе отколку во текот на инаугурациите на претходниците на Доналд Трамп на должноста шеф на државата.
Веднаш по изненадувачката победа на Доналд Трамп на американските претседателски избори на 8-и ноември, се чинеше дека на претседателската инаугурација нема да има многу луѓе, забележува Politico. Особено бидејќи демократите, кои беа сигурни во победата на нивната кандидатка Хилари Клинтон, масовно ги откажуваа резервациите во хотелите во Вашингтон кои ги направија. Сега, пак, повеќето големи хотели ги распродале речици целосно капацитетите на републиканците, како и на учесници на најавените протести.
По изборот на Трамп во повеќето големи американски градови беа организирани улични протести од разни граѓански здружени кои траеја неколку дена. Републиканецот за нив ги обвини невладини организации финансирани од институциите на Демократската партија а активистите ги нарече „платени демонстранти“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.