Скопје
Градоначалникот Трајановски со отчет за 2016 – сообраќајот останува приоритет и оваа година
Градоначалникот на Град Скопје, Коце Трајановски во вторник одржа конференција за печатот на која даде отчет за реализираните проекти во 2016 година.
Според Трајановски, изминатата 2016 година беше успешна за Градот Скопје, година во која се реализирани голем број капитални проекти во сите 10 општини на територијата на Скопје.
„Во Општина Кисела Вода во 2016 година ја започнавме реконструкцијата и проширувањето на третата фаза на бул. Борис Трајковски, на потег од Стаклара до влезот на Пинтија, проект кој целосно ќе се реализира оваа година. Во 2016 година го започнавме и проектот за пробивање на бул. Србија до ул. Христо Татарчев, чија реализација ќе биде завршена оваа година. Во 2016 година ја реконструиравме улицата Народни Херои. За оваа 2017 година е предвидена изградба на улицата Есенинова, која ќе ги поврзе Кисела Вода и Аеродром“, рече Трајановски.
Понатаму појасни дека во општина Аеродром во 2016 година се започнати два капитални проекти кои се уште се реализираат, а тоа се изградбата на бул. АСНОМ и втората фаза од проектот за реконструкција и проширување бул. Трета македонска бригада.
„Во 2016 година го изградивме и паркот кај последната автобуска станица број 5, кој се простира на 100.000 квадратни метри и е најголемиот парк во Скопје по Градскиот парк. За 2017 година е предвидена реконструкција и проширување на ул. Васко Карангелевски“, истакна Трајановски.
Понатаму додаде дека во Гази Баба во 2016 година е изграден најголемиот кружен тек во Скопје, помеѓу улиците 16 Македонска бригада и Коце Металец.
„Го изградивме натпатникот на бул. Александар Македонски помеѓу населбите Инџиково и Хиподром, а ја завршивме и првата фаза од проектот за проширување на улица Маџари. Во 2017 година е предвидена реконструкција и проширување на бул. Александар Македонски од Агросервис до клучка Дијамант“, рече Трајановски.
„Во Општина Чаир во 2016 година ја започнавме реконструкцијата на бул. Христијан Тодоровски Карпош во делот на Чаир, на потегот од булеварот Џон Кенеди до улицата Рокомија, која ќе заврши оваа година. Во тек се градежните работи за изградба на атмосферска канализација на улиците Џон Кенеди и Кемал Ататурк. Во 2017 година ќе започне реализацијата на проектот за проширување на улицата Никола Карев“, подвлече Трајаносвки.
Скопскиот градоначалник се осврна и на активностите во Општина Бутел во 2016 година, каде започна изградбата на булеварот Христијан Тодоровски Карпош, на потегот од крстосницата со булеварот Босна и Херцеговина до улицата Натанаил Кучевишки (прва фаза), која ќе заврши оваа година.
„Минатава година ја завршивме изградбата на атмосферската канализација на улица Боца Иванова, додека за 2017 година е предвидена реконструкција на дел од улицата Александар Ударевски“, рече Трајановски.
Тој уште додаде дека во општина Шуто Оризари во 2016 година е завршен капиталниот проект за изградба на нов водоснабдителен систем во општината Шуто Оризари, додека за 2017 година ќе се изгради нова атмосферска канализација по должината на улицата Индира Ганди.
„Во општина Ѓорче Петров во 2016 година заврши пробивањето на бул. Партизански одреди од кружниот тек кај Порта Влае до кружниот тек кај црквата „Свети Петар и Павле“, со што овој булевар е изграден во целата негова предвидена должина. Во 2016 година се прошири и проби улицата Борис Сарафов, како и дел од улицата Ѓорче Петров“, истакна Трајановски.
Појасни дека во Општина Сарај во 2016 година целосно се реконструирани улицата број 5, како и главната улица во Шишево, а е започната и реконструкцијата на првиот дел од главната улица во Сарај, која ќе заврши оваа година. Плановите се во 2017 година да започне реконструкцијата на вториот дел од улица Сарај, како и главната улица во село Глумово.
„Во Општина Карпош во 2016 година ја започнавме изградбата на фекалниот колектор по должината на бул. Партизански одреди, на потег од ул. Московска до бул. 8 Септември, како и проширувањето на крстосницата помеѓу бул. Митрополит Теодосиј Гологанов и улицата Васил Чакаларов, чии реализации ќе завршат оваа година. Минатата година го изградивме и третиот дел од паркот Македонија, кој е лоциран спроти студентскиот дом Гоце Делчев. Во 2017 година ќе започне изградбата на кружниот тек на бул. 8 Септември кај Хубо Маркет“, рече Трајановски.
„Во Општина Центар во 2016 година ја започнавме првата фаза од проектот за реконстуркција и проширување на улицата Тодор Александров, која треба да заврши оваа година, додека за 2017 година е планиран почетокот на проширувањето на бул. Митрополит Теодосиј Гологанов од крстосницата со бул. Свети Климент Охридски до турбо кружната крстосница кај Католичката црква“, кажа градоначалникот Трајановски.
Покрај овие проекти, градоначалникот Трајановски се осврна и на инвестициите во преостанатите сфери, како што се образованието, екологијата, културата, спортот, социјалата и други области. /крај/со/ст
Copyright 2017 makfax. Сите права се задржани. Текстов не смее да се печати или емитува, во целина или во делови, без договор со makfax. Во спротивно makfax го задржува правото да го фактурира преземениот текст согласно својот ценовник и правила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Ѓорѓиевски: Расадник добива нова современа градинка
Расадник добива нова, современа детска градинка. Со одлична динамика се одвива изградбата на уште еден капитален објект за најмладите жители на Кисела Вода, велат од Општината.
Новата градинка ќе се простира на површина од 800 квадратни метри и ќе има капацитет за згрижување на 120 деца. Објектот ќе располага со вкупно шест занимални, од кои две се наменети за јасли. Со оваа инвестиција Општината продолжува со исполнување на целта за целосно затворање на листите на чекање за прием во детските градинки.
На почетокот на мандатот на градоначалникот Орце Ѓорѓиевски бројката на дечиња што чекаа место во градинка беше над 400. Сега, со изградбата и со отворањето нови објекти во населбите 11 Октомври, Потстаница и оваа во Расадник, Кисела Вода не само што обезбедува место за сите деца од општината туку отвора можност да прими и деца од соседни општини, соопшти Општината.
„Ова не е само инвестиција во инфраструктурата – ова е инвестиција во иднината. Обезбедуваме квалитетни услови за секое дете, но и големо олеснување за секој родител. Го исполнуваме ветувањето што го дадовме пред граѓаните – дека децата ќе бидат наш приоритет број еден. Благодарен сум им на Владата на Република Македонија, на премиерот Христијан Мицкоски, на Министерството за труд и социјална политика и на сите институции и луѓе што се вклучени во реализација на овој значаен проект“, изјави градоначалникот Орце Ѓорѓиевски.
Македонија
(Фото) Општина Илинден го пушти во употреба туристичкиот локалитет Бучинско Езеро
Општина Илинден го пушти во употреба новото спортско-рекреативно катче околу „Бучинското Езеро“ во населеното место Бучинци – целосно преуреден туристички локалитет што нуди простор за одмор, спорт, релаксација, рекреација и дружење на отворено.
Овој проект, кој произлегува од предизборната програма на градоначалникот Георгиевски и е дел од Стратешкиот план на Општина Илинден за 2022–2026 година, е целосно реализиран. Просторот околу езерото е партерно уреден и поплочен со нови бекатон плочки, изградени се пешачка патека долга 60 метри, како и платформа за прошетка и одмор. Исто така, тампониран е и пристапен пат од 100 метри. А за љубителите на риболовот е изработена специјална платформа за риболов, велат од Општината.
Местото е осветлено со нови енергетски ефикасни канделабри, поставени се урбани елементи како клупи за одмор и корпи за отпадоци, а централниот летниковец нуди пријатна сенка и простор за дружење и уживање. Сето ова, го прави „Бучинско езеро“ идеален простор за релаксација и рекреација во природните богатства на општина Илинден, се вели во соопштението на Општината.
„Со овој проект на жителите на општина Илинден, но и на сите граѓани од околината, им обезбедивме едно модерно, пристапно и функционално јавно место во кое ќе можат да уживаат и да го поминуваат слободното време. Ова не е само исполнето ветување, туку инвестиција во квалитетот на секојдневието на граѓаните од сите населени места во општина Илинден,“ изјави градоначалникот Георгиевски.
„Бучинско езеро“ е само уште еден од низата проекти што ја рефлектираат заложбата на Општина Илинден за развој, урбанизација и подобар животен стандард. Од сега, жителите на општината имаат ново омилено место за рекреација и уживање, токму во своето место на живеење, се додава во соопштението.
Македонија
Герасимовски со aнсамблот „Орце Николов“: Културата е наша трајна заложба – вложуваме во манифестации што ги поврзуваат сите генерации
Градоначалникот Горан Герасимовски, се сретна со претставници од Ансамблот на народни игри и песни „Орце Николов“, еден од најстарите и најзначајни носители на фолклорната традиција во државата. На средбата, се дискутираше за тековните културни активности во општината, за локалната поддршка за културниот развој и за можностите за продлабочување на соработката.
Ансамблот, оваа година одбележува 80 години од своето постоење и е еден од добитниците на Конкурсот за финансиска поддршка на културни проекти на Општина Центар. За проектот „80 години волшебен свет на фолклорот“, ансамблот доби финансиска поддршка во износ од 30.000 денари.
„Преку континуирана и зголемена поддршка на културата, покажуваме дека ја вреднуваме традицијата, уметноста и креативноста. Чест ми е што со Ансамлот имаме одлична соработка и што годинава на нивниот јубилеј ги поддржавме негувајќи го и пренесувајќи го фолклорот како дел од културното богатство на нашата држава. Вложуваме во културата преку низа културни манифестации што обединуваат и радуваат граѓани од сите возрасти – од најмали до највозрасни. За само неколку години го зголемивме буџетот за култура од 3 милиони денари во 2021 година на 13 милиони денари годинава. Тоа е доказ дека културата е и ќе остане наш приоритет“, рече Герасимовски.
Во рамки на средбата, Герасимовски доби плакета од страна на Ансамблот „Орце Николов“, како знак на благодарност за досегашната успешна и долгорочна соработка.
Нормализиран сообраќајот на патниот правец Маврово – Дебар
Од 15:05 часот сообраќајот на регионалниот пат Р-1202, Маврово – Дебар, кај местото викано „Ростушко анче“ е нормализиран, извести АМСМ....
(Видео) „Истрагата за Кочани се спроведува неселективно и во целост, а Филипче и ‘шарените’ знаат само да злоупотребуваат трагедии“, вели Манасиевски
„Истрагата за Кочани од страна на МВР е спроведена во целост и без поштедување кого било, како што тоа во...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
(Видео) „Фирмата и сопругата на Салтировски донатори на ВМРО-ДПМНЕ, ете зошто власта ги штити“, вели Кузеска
„Македонија се соочува со најголемата измама и обид за затскривање на вистината за најголемата трагедија која се случи во поновата...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Филипче за Мицкоски: Слаб говор, лоши пораки
Лидерот на СДСМ, Венко Филипче, оцени дека премиерот Христијан Мицкоски, на 35-годишнината од основањето на ВМРО-ДПМНЕ, имал слаб говор и...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
Истепал и влечел девојче по улица, кога дошла полицијата, се заканил дека ќе ги нападне со секира и тесла: предложен притвор за 23-годишен велешанец
Основното јавно обвинителство Велес поведе постапка и предложи определување мерка притвор за едно лице осомничено за кривично дело – Насилство...
(Видео) Ако Обвинителството не отвори постапка за Филипче за луксузниот џип, ќе докаже дека работи под негов диктат, вели Мицевски
„Ако ЈО не отвори постапка за Филипче за луксузниот џип, ќе докаже дека работи под негов диктат. Филипче добил луксузен...
Мицкоски очекува на 24 јуни Бугарите да го повлечат барањето пред македонскиот јазик и идентитет да стои „сегашен“: Ете им прилика на дело да го покажат она што го зборуваат
Премиерот Христијан Мицкоски нема голема верба во она што го зборуваат Бугарите за спорот околу идентитетот и јазикот оти од...
