Забава
Нов Зеланд во трка со времето за спас на стотици китови

Повеќе стотици граѓани на Нов Зеланд учествуваат во акцијата за спасување на китови кои се насукале на брегот на Фервел Сплит на Јужниот остров, пишува BBC.
Како што се наведува вкупно 416 китови се насукале, а досега угинале повеќе од 300, што досега не се случило на Нов Зеланд. Преживеаните китови граѓаните, кои направиле човечки синџир, ги „ладат и смируваат“.
Научниците не можат точно да ги објаснат причините, зошто толку многу китови се насукале на овој брег. BBC пишува дека некогаш се случува старите, болните или повредени китови да направат грешка во навигацијата и да влезат во плитка вода од која потоа не можат да излезат.
Исто така понекогаш се случува кит да се најде во таква ситуација, а потоа тој да испрати сигнал до останатите кои завршуваат на ист начин.
Властите на Јужниот остров соопштија дека во четвртокот вечерта ја добиле информацијата дека китовите се насукале на брегот, но бидејќи било опасно да се работи во темнината, операцијата за спасување ја стартувале во петокот, во раните утрински часови.
Невладините организиции за заштита на животните на Нов Зеланд објавија дека земјата има една од најголемите стапки на смртност, односно дека околу 300 китови и делфини секоја година завршуваат на плажите, а најмногу од тие случаеви се токму на Фервел Сплит.
Пред две години, во февруари 2015 година, околу 200 китови се насукале на истата локација, а угинале половина од нив. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.
Забава
(Видео) Трамп во кревет со сатаната: Новата епизода на South Park ја разлути Белата куќа

Култната анимирана серија South Park повторно предизвика бура во јавноста, откако фановите беа изненадени од појавата на сцена во која Доналд Трамп се појавува во кревет со сатаната.
Создателите на серијата, Треј Паркер и Мет Стоун, познати по својата безкомпромисна сатира, повторно ги поместија границите во првата епизода од 27. сезона. Епизодата започнува со навидум сериозна приказна за вториот мандат на Трамп и неговиот трговски конфликт со канадскиот премиер Марк Карни. Но, набрзо следи класичен пресврт карактеристичен за South Park.
Во сцена што стана вирална, Трамп завршува во кревет со сатаната.
Контроверзијата кулминира кога Трамп се обидува да го заведе сатаната, при што се открива исклучително мал пенис.
Иако продукцијата на епизодата наводно чинела 30 милиони долари, не е изненадување колку внимание е посветено на деталите. Оваа сума не ги вклучува можните судски трошоци, бидејќи Белата куќа остро реагираше.
Портпаролот Тејлор Роџерс изјави: „Оваа емисија одамна не е релевантна и се држи до неинспиративни идеи во очаен обид да привлече внимание.“
Но, Паркер и Стоун не се загрижени. На неодамнешниот Comic-Con тие јасно ставија до знаење дека немаат намера да попуштат под притисок.