Скопје
Анкета на SkopjeInfo.mk: Градоначалниците на Аеродром, Карпош и Центар најуспешни

Веб порталот SkopjeInfo.mk трета година по ред ја спроведе анкетата за најуспешен градоначалник во Скопје, според која победник е градоначалникот на општина Аеродром Ивица Коневски.
Од вкупниот број на гласови Коневски освои 27 проценти од гласовите, односно 3.710 гласови. На второто место со 2.540 гласови се најде градоначалникот на општина Карпош, Стевчо Јакимовски, додека градоначалникот на Општина Центар Андреј Жерновски е на трето место со 2.256 гласови.
Понатаму, според резултатите од анкетата на ранг листата се наоѓаат градоначалниците на Чаир и Кисела Вода, а речиси незабележителен број гласови освоија градоначалниците на Сарај, Бутел, Ѓорче Петров и Гази Баба.
Во овој период на анкетата гласаа вкупно 14.109 читатели.
„Интересно е што вакви слични резултатите имавме и во претходните години. На најуспешниот градоначалник му честитам за победата, а на останатите им порачуваме дека ваквите резултати се причина посериозно да пристапат на реализација на ветените проекти, повеќе да работат, но и да бидат потранспарентни и отчетни пред граѓаните“, вели Берта Китинска, новинар во Скопје Инфо. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Пуштени во употреба спортските игралишта во училиштето Гоце Делчев во општина Илинден

Со одржување на спортски натпревари во фудбал и кошарка беа пуштени во употреба спортските игралишта за фудбал, ракомет и кошарка во ООУ Гоце Делчев, во Илинден, кои во изминатиот период беа целосно реконструирани, извести општина Илинден.
Градоначалникот на општина Илинден, Александар Георгиевски присуствуваше на свеченото пуштање во употреба на игралиштата и истакна дека учениците од ова училиште добија комплетно реконструиран и убаво уреден спортски простор, наменет за квалитетно и безбедно одржување на часовите по физичко и здравствено образование.
„Во рамки на реконструкцијата поставена е заштитна ограда и метални столбови за осветлување. На игралиштето за мал фудбал, ракомет и одбојка поставени се нови голови, вештачка трева, а на игралиштето за кошарка нови табли и обрачи за кош, додека подот е поплочен со гумирана подлога. Исто така во рамки на спортските терени поставени се клупи, корпи за отпадоци, просторот е партерно уреден, со што овие спортски игралишта добија комплетно нов лик.
Средствата за реализација на овој проект се целосно обезбедени од Буџетот на општина Илинден, а во наредниот период ќе се продолжи со изградба на нови и реконструкција на постоечките спортски терени и во останатите населени места, со цел да се добие уреден простор, но и безбеден за рекреација и забава на жителите во Општината“, се додава во соопштението.
Македонија
Без вода дел од Центар

Од ЈП Водовод и канализација Скопје известуваат дека денеска поради уличен водоводен дефект од ф 150мм на улицата Самоилова бр.50 во Центар, со прекинато водоснабдување ќе бидат корисниците од улицата Самоилова, улицата Јоаким Крчовски и улицата Банатска.
Водоснабдувањето ќе биде прекинато од 08:40 часот до завршување со санирање на дефектот.
Македонија
Дел од Карпош и Аеродром денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.30 часот, корисниците од улицата Франце Прешерн, општина Карпош;
– во периодот од 09.00 до 13.00 часот, корисниците од улиците Симеон Кавраков, Петар Ацев и Анастас Митрев, општина Аеродром.