Лага е дека фирмата Си Ен Џи системс не ги исполнува условите за добивање на тендерот за набавка на гас за Ј.П. Струмица – Гас во 2016 година.

Од Струмица гас појаснуваат дека таа фирма на на меѓународен повик за доставување најповолна понуда, во согласност со највисоки стандарди доставила најниска цена и истиот бил одобрен од бирото за јавни набавки затоа што е во согласност со критериумите и законот.

„Лага е дека граѓаните на општина Струмица наводно плаќале поскап гас. Вистината е дека само градот Струмица има реализирано проект за дистрибуција на природен гас.
Цената по којашто се набавува гасот е согласно Пазарот на CNG и во овој момент таа е уште пониска од цената врз основа на којашто е доделен распишаниот меѓународен тендер. Лага е дека фирмата не ги исполнува условите за добивање на тендерот“, се вели во демантот на Струмица гас.

Посочуваат дека пазарот на природен гас е либерализиран и не е возможно да се фаворизира одредена компанија, ако таа не е способна да реализира ваков тип на снабдување со природен гас.

Васил Пишев, (кој денеска до јавното обвинителство достави документи според кои фирмата незаконски го добила тендерот), да се извини во рок од три дена, во спротивно против него ќе биде покрената кривична пријава за лажно пријавување, велат од Струмица гас./крај/со/бб