Македонија
Судовите одредуваат минимална отштета за неоснован притвор

Судовите се штедливи кон граѓаните кои ги тужат затоа што биле неосновано притворени и добиваат минимална отштета која во просек изнесува од 40 до 50 евра за ден, а дури и кога ќе добијат компензација, отштетата ја бараат по присилен пат, преку извршители, покажува најновото истражување на Невладината организација „Сведок“.
„Се работи за средства кои се одлеваат од државниот буџет. Граѓаните имаат право да знаат за што се одлеваат парите од буџетот, а државата има обврска да го обезбеди тоа како податок. Очигледно дека тие податоци не се јавно достапни, па од тука придонесот е да откриеме кои се придонесите кои бесправно се притворени ги добиваат. Официјалната статистика има сериозен недостаток во она што значи притвор. Се води од 90 дена, тие се над 150 граѓани, а има и притвор близу 600 дена по што бил ослободен“, вели Гордана Бужаровска која е дел од истражувачкиот тим.
Постапките понекогаш траат повеќе години, па не можеме да бидеме сигурни колку граѓани биле неосновано во притвор.
„Во изминатите пет години околку 10 милиони денари се одлеани од буџетот, а кога станува збор за надоместок на штета, бројката е околу 21 милион за надомест, но во неа не се влезени трошоците за извршители бидејќи државата не е спремна да ги извршува доброволно туку граѓаните надоместокот го наплаќаат преку извршители“, вели Неда Здравева, дел од истражувачкиот тим.
За начинот на кои се даваат парие за лицата кои биле неосновано во притвор се пожалија и судиите. Тие велат, првостепениот суд е виновен за таа „тарифа“ која не ја менуваат во зависност од секој случај.
„Овие предмети спаѓаат во едни од најтешките предмети за еден граѓански судија и од емотивен карактер. Имам судено неколку предмети каде што многу долго траел притворот. Се согласувам дека во образложението на пресудата треба да стои секој поединечен критериум, особено согласно најновите измени на законот за облигационите односи која е направена за личните права. Од аспект на судија ќе ви кажам, став на повисоките судови е дека правно-релевантен страв има ако бидеш физички повреден“, рече судијката Антоанета Димовска.
Порнашената судијка Виолета Дума кажа дека нејзиното разрешување било неосновано, а за тоа потврдил и судот во Стразбур.
„Имам право да поднесам тужба за надомест на штета, но знаејќи ги пресудите кои ги носат нашите судови во делот на граѓанскиот суд, се сомневам дали да поднесам такво барање затоа што или тоа уште еднаш ќе ме повреди, па подобро би било да не барам отштета“, рече Дума./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фон дер Лајен по посетата на Македонија: Топката е во Вашиот двор, ЕУ е подготвена

Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен чекор пред отворањето на преговорите е јасен, а тоа е да ги направите уставните измени. Топката е во Вашиот двор. ЕУ е подготвена, напиша претседателката на Европската Комисија на X по средбите со државниот врв во земјава.
We remain fully behind North Macedonia on its EU path.
You can count on us.
The next and only step before the opening of the negotiations is clear.
You need to make the agreed constitutional change.
The ball is in your court. The EU is ready. pic.twitter.com/s890meaZLP
— Ursula von der Leyen (@vonderleyen) October 15, 2025
Фон дер Лајен додаде дека ЕУ ја приближува нашата земја кон нив.
„Во меѓувреме, ја приближуваме вашата земја до нас. За тоа се работи во Планот за раст! Отвораме антена за фабрика за вештачка интелигенција во Скопје. Ве вклучуваме во Единствената платежна зона на Европа. И исплаќаме 16 милиони евра благодарение на реформите што ги направивте“.
In the meantime, we’re moving your country closer to us.
That’s what the Growth Plan is all about!
We’re opening an AI Factory antenna in Skopje.
We’re including you in Europe’s Single Payment Area.
And we’re disbursing 16 million euros thanks to the reforms you have made. pic.twitter.com/YhpaV89vtZ
— Ursula von der Leyen (@vonderleyen) October 15, 2025
Македонија
Османи: Од Брисел очекуваат новата Влада да обезбеди уставни измени

Кандидатот за градоначалник на Општина Чаир, Бујар Османи, вечерва на собирот во Чаир откри дека добил директна порака од висок претставник на Европската Унија, со која, како што рече, се потврдува поддршката од Брисел за европскиот пат на државата и очекувањето дека новата влада ќе ги спроведе уставните измени веднаш по изборите во октомври.
„Денес во нашата земја е претседателката на Европската комисија, која излезе со многу јасна порака за нашата држава. Еден важен пријател од Брисел денес ме извести, и со одговорност го кажувам ова пред вас, ми рече: прашај го Али Ахмети и лидерите на НАИ дали можат да се обврзат пред Брисел дека веднаш по октомври, кога ќе се формира новата влада, ќе се обврзе за уставните измени“, рече Османи.
Тој додаде дека веќе ја презел обврската пред Брисел, бидејќи, како што нагласи, Али Ахмети и Националната алијанса за интеграции отсекогаш биле двигатели на европските процеси во државата.
„Светот разбра дека оваа ситуација е неодржлива, и само со едно излегување на гласање на 19-ти октомври ќе постигнеме многу победи: ќе го ослободиме Чаир од канџите на корупцијата, ќе го освоиме градот Скопје, ќе ја урнеме најантиевропската и најантиалбанска влада што ја имала оваа држава, но и ќе ја урнеме мицковистичката идеја што сака повторно да воспостави моноетничка доминација овде“, порача Османи.
Македонија
Османи призна дека направил грешка за поддршка на старата структура

Кандидатот за градоначалник на Општина Чаир, Бујар Османи, вечерва на собирот во Чаир упати порака до граѓаните, нагласувајќи дека по две децении неправда, корупција и злоупотреби дојде време општината конечно да се ослободи од кликата која го држеше Чаир во заложништво.
„Чаир дваесет години го држеа во заложништво група луѓе што им ги украдоа соништата на своите жителите, ја злоупотребија нашата доверба и профитираа од вашето разочарување и чувството дека можеби не може подобро. Но, од денес кажуваме крај, и на разочарувањето, и на стравот и ја започнуваме промената на Чаир“, изјави Османи.
Тој истакна дека овие избори не се обични, туку пресудни и претставуваат борба помеѓу народот и група луѓе кои две децении го уништувале општествениот, економскиот и урбаниот живот на Чаир.
„Ова е борба помеѓу граѓаните на Чаир од едната страна и една клика, група луѓе што владееле и го ограбувале Чаир дваесет години. И сакам да кажам дека народот ќе победи, ние ќе победиме, затоа што самите го слушаме тоа, на секоја улица и во секој агол на Чаир. Очекувањата на луѓето што бараат промена, повиците за ослободување, гласовите што бараат да се скинат синџирите на корупцијата, хаосот и узурпацијата“, порача Османи.
Тој зборуваше и за одговорноста на сите што во минатото ја поддржувале старата структура, вклучително и тој самиот, и нагласи дека денес со храброст ја признава грешката.
„Свесен сум дека некои од вас ја изгубиле довербата во политиката. Велат: ‘вие ни ги донесовте тие, сите сте исти’. И ако имам некоја слабост, ако имам чувство на совест, одговорност и вина во оваа изборна кампања, тоа е што им верувавме и ја баравме вашата доверба за нив. И имам храброст тоа да го признам како грешка“, рече Османи.
Тој нагласи дека вистинската разлика помеѓу него и неговиот противкандидат, Изет Меџити од ВЛЕН, е во тоа што тој и неговото семејство живеат во Чаир, заедно со сите негови жители, делат исти проблеми и ја чувствуваат истата борба.
„Јас живеам овде, моите деца живеат овде, ги делам тешкотиите заедно со вас. А тој што го уништи Чаир дваесет години, избега од Чаир. Избега и ни остави само ѓубре, корупција и дивоградби“, истакна Османи, испраќајќи силна порака за почеток на ново време за општината.