Црна хроника
Тројца тешко повредени во сообраќајка кај Дебар
Три лица се тешко повредени во сообраќајната незгода што синоќа во 18.30 часот се случи на регионалниот пат Струга-Дебар во близина на „Здружение на возачи“.
Поради сериозноста на здобиените телесни повреди, во болница „Св. Еразмо“ во Охрид префрлени се: Б.И.(34) од Струга како и Б.С.(38) и Н.С.(36) двајцата од струшкото село Лабуништа.
Тие по укажаната медицинска нега се задржани на понатамошно лекување.
Во сообраќајната незгода учествувале две патнички моторни возила со струшки регистарски ознаки „Мерцедес“, управувано од сега повредениот Б.И. и „Ауди“ управувано од Б.С. во кое, како сопатник била и сега тешко повредената Н.С.
Незгодата е случена во момент кога возачот на возило марка „Мерцедес“, движејќи се од правец на Дебар кон Струга, во близина на „Здружение на возачи“, не држејќи страна на движење, изгубил контрола врз движењето на возилото, преминал на спротивната-лева коловозна лента и директно удрил во предниот дел од автомобилот „Ауди“ кое се движело од спротивен правец.
По овластување на Јавниот обвинител, на местото на сообраќајната незгода, увид извршија полициски екипи од полициската станица за безбедност во сообраќајот од Струга. Притоа, полициски службеник вршеше физичко регулирање и наизменично пропуштање на возилата по регионалниот пат поради што немаше застој во сообраќајот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.