Свет
NYT: Помошникот на Трамп од украински пратеник добил план за укинувањето на санкциите за Русија

Предлози за нормализирање на односите меѓу Украина и Русија, како и укинување на антируските санкции, му биле презентирани на почетокот од февруари на Мајкл Флин, сега веќе поранешниот советник за национална безбедност на американскиот претседател Доналд Трамп, пишува во неделата весникот The New York Times.
Како што тврди весникот, главната улога во разработувањето на споменатиот план ја одиграл украинскиот пратеник Андреј Артеменко. За доставувањето до Мајкл Флин на документот, во којшто особено биле укажани податоци за вклученост на украинскиот претседател Петро Порошенко во корупција, Артемено наводно се договарал со претприемачот Феликс Сетер, кој од претходно имал деловни врски со Трамп, како и со неговиот правен консултант Мајкл Коен. Наводно, тој лично му ги доставил предлозите на Флин.
Една седмица пред Флин да поднесе оставка на должноста помошник за национална безбедност, во неговиот кабинет бил доставен запечатен предлог за тоа како претседателот Доналд Трамп би можел да ги укине санкциите против Русија, пишува The New York Times.
Претседателот Трамп ја прифати оставката на Флин на 13-ти февруари. Тогаш пензионираниот безбедносен генерал Мајкл Флин, советник за национална безбедност на американскиот претседател Доналд Трамп, замина само по четири дена на должноста, бидејќи се откриени неговите разговори со Руси.
Сега се знае дека Федералното биро за истраги (FBI) и Агенцијата за национална безбедност (NSA), активно ги прислушувале телефонските повици и ги читале СМС-пораките коишто му се испраќани на рускиот амбасадор во Вашингтон, Сергеј Кислјак, од страна на Флин.
Флин во тој период не беше државен функционер, нему демократски претседател Барак Обама во 2014 година му даде отказ од функцијата директор на воената Одбранбена разузнавачка агенција (DIA) по поплаките околу неговиот начин на раководење.
Не е утврдено дали Мајкл Флин и рускиот амбасадор Сереј Кислјак, кој подоцна присуствуваше на инаугурацијата на Доналд Трамп на 20-ти јануари, расправале за споменатите санкции. Американскиот закон од XVIII век, познат како „Логан Акт“, им забранува на неовластени американски граѓани да преговараат со странски влади кои се во спор или судир со САД. За споменатите телефонски разговори први извести колумнистот на Тhe Washington Post, Дејвид Игнатиус.
Во овој случај постоеле три серии меѓу комуникации меѓу Флин и Кислјак, од кои барем една е текстуална порака. Првата била на 18-ти декември, а последната на 30-ти декември, ден откако се наметнати санкциите против личности кои рускиот амбасадор ги познава, всушност според Американците шпиони коишто се претставувале како дипломати.
Потоа, тука е политичкиот контекст: САД сакале да знаат поради што Русија одлучила дека нема да донесе противмерки за санкциите, кои се насочени и кон девет личности и двете разузнавачки организации, пишуваше во својот осврт на овој случај претходно седмицава американскиот магазин Foreign Policy./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нетанјаху: Германија го наградува тероризмот на Хамас

Израелскиот премиер, Бенјамин Нетанјаху, денес му рече на германскиот канцелар Фридрих Мерц дека е разочаран од неговата одлука да воведе ембарго за извоз на оружје за Израел, оценувајќи дека оваа одлука ќе ја награди палестинската милитантна група Хамас.
„Наместо да ја поддржува праведната војна на Израел против Хамас, кој го изврши најстрашниот напад врз еврејскиот народ од Холокаустот, Германија го наградува тероризмот на Хамас со воведување ембарго за извоз на оружје за Израел“, рече Нетанјаху, соопшти неговиот кабинет, објави The Times of Israel.
Нетанјаху, исто така, изјави „дека целта на Израел не е да ја преземе Газа, туку да ја ослободи Газа од Хамас“.
Свет
Германија го запира извозот на оружје во Израел

Германскиот канцелар Фридрих Мерц објави дека неговата влада ќе го запре целиот извоз на оружје и воена опрема во Израел што може да се користи во Појасот Газа, како одговор на планот на Израел да го заземе градот Газа и следствено целата енклава.
„Германија нема да одобри извоз на воена опрема во Израел до понатамошно известување доколку постои можност таа да се користи во Газа“, рече Мерц во изјава дадена неколку моменти по објавувањето на израелските планови.
Тој нагласи дека е „сè потешко да се разбере“ како воената стратегија на Израел може да придонесе за постигнување на легитимни цели.
„Во овие околности, германската влада нема да одобри извоз на воена опрема што може да се користи во Појасот Газа“, додаде канцеларот.
Германија традиционално е еден од најголемите извозници на оружје во Израел и еден од неговите најблиски сојузници. Според Стокхолмскиот меѓународен институт за истражување на мирот (SIPRI), САД биле најголемиот снабдувач на воена опрема за Израел од 2020 до 2024 година, додека Германија била втора на листата.
Сепак, и покрај поддршката, во последните месеци новиот канцелар Мерц дава сè порезервирани изјави во светлината на катастрофалната ситуација во Газа предизвикана од Израел, па затоа оваа одлука не е толку неочекувана.
Фото: ЕПА
Свет
ОН: Планот на Израел за преземање на Газа мора веднаш да се запре

Планот на израелската влада за воено заземање на Газа ќе предизвика повеќе смртни случаи и страдања и мора веднаш да се запре, изјави шефот на Советот за човекови права на ОН, Фолкер Турк.
„Планот е во спротивност со пресудата на Меѓународниот суд на правдата дека Израел мора што поскоро да ја прекине окупацијата за да постигне решение за две држави и да го оствари правото на самоопределување на Палестинците“, вели Турк во соопштението.
Безбедносниот кабинет на Израел рано утрово одобри план за преземање на контролата врз градот Газа, додека земјата ги проширува своите воени операции и покрај растечките критики дома и во странство за разорната, речиси двегодишна војна.
„Врз основа на сè што видовме досега, понатамошната ескалација ќе резултира со поголемо присилно раселување, повеќе убиства, повеќе страдања, бесмислено уништување и криминал“, предупреди Турк.
„Наместо да ја ескалира војната, израелската влада треба да направи сè што може за да ги спаси животите на цивилите во Газа, дозволувајќи влез на хуманитарна помош. Палестинските вооружени групи треба веднаш и безусловно да ги ослободат заложниците“, додаде тој.
Фото: ЕПА