Малезиските експерти во текот на обдукцијата на Ким Џонг-нам, полубратот ан севернокорејскиот диктатор Ким Џонг-ун, кој почина по напад на 13-ти февруари на меѓународниот аеродром во малезиската престолнина Куала Лумпур, не се најдени знаци на срцев удар, како ниту траги инјектирање или други видливи повреди, пишува во вторникот јапонската новинска агенција Kyodo повикувајќи се на портпаролот на министерството за здравство на Малезија.

Според малезиското министерство за здравство останува сé уште непозната. Во изјавата се истакнува, исто така, дека досега од роднините на Ким Џонг-нам не е добиено барање за предавање на телото. Инаку телот на го бараше и Северна Кореја, но на Пјонгјанг му беше порачано дека тоа ќе биде предадено на најблиските роднини.

Ким Џонг-нам по скандалот кога во 2001 година беше фатен како во придружба на две жени и дете со лажни пасоши сака да влезе во Јапонија, живеше на кинеската територија во Макао, под заштита на властите во Пекинг.

Претходно во вторникот беше објавено дека Ким Хан-сол, синот на починатиот Ким Џонг-нам, допатувал во престолнината на Малезија и ја посетил силно обезбедуваната болница во којашто се чуваше телото на неговиот татко. Специјалните полициски сили беа ангажирани на одделот за патологија на кој беше телото на мртвиот Ким Џонг-нам, бидејќи малезиските власти не сакаа да ја извршат обдукцијата без телото да биде идентификувано од некој член од семејството, пишува малезискиот дневен весник The Star.

Снимките што ги објави јапонската телевизија NHK покажуваат дека обезбедувањето на болницата при пристигнувањето на синот на покојниот било нагло зголемено со дополнителни 30 до 40 припадници на специјалните полициски сили вооружени со автоматско оружје.

Малезиското министерство за здравство на 14-ти февруари ја потврди смртта на Кон Џонг-нам, кој по нападот на две жени, се пожалил дека му има силна главоболка откако непознато лице го испрскало со некаква течност по лицето, и починал на пат за болницата. Според друга верзија, неидентификувана жена на неговото лице ставила крпа натопена во некаква течност, а јужнокорејските медиуми пишуваа за напад со затруени игли. Ниедна од досега изнесените верзии не е официјално потврдена.

Јужнокорејски и американски функционери тврдат дека е нападнат од севернокорејски агенти, и дека во нападот е користен отров со брзо делување.

Тројца од четворица државјани на Северна Кореја за кои малезиските власти се сомневаат дека се поврзани со нападот, наводно одлетале од Џакарта во Дубаи истата вечер кога е извршен смртоносниот напад. Тие се идентификувани како Ри Џае-нам, Хонг Сонг-хак и Ри Џи-хјон, соопшти портпаролот на индонезискиот оддел за имиграција за Reuters. Во неделата беше објавено дека е осомничен и четврти маж, но за него деталите не се објавени.

Малезиската полиција во неделата соопшти дека четворица Севернокорејци осомничени за убиството одлетале од Малезија по нападот од 13-ти февруари. Малезискиот дневен весник The Star објави дека тие требало да се вратат во Пјонгјанг, преку Џакарта, Дубаи и Владивосток.

Според малезиските медиуми, полицијата во петокот вечерта по локално време во главниот град Куала Лумпур уапсила маж кој наводно е поврзан со убиството на Ким Џонг-нам, кој е на 47-годишна возраст. Во моментот на апсењето кај него е пронајден пасош на Северна Кореја, а сега се проверува неговата валидност. Се истакнува дека во пасошот на приведениот маж имало штембили дека повеќепати престојувал во Малезија. Полицијата прецизира во соопштение дека осомничениот е идентификуван како Ри Џонг-чол, роден на 6-ти мај 1970 година. „Осомничениот е вмешан во убиството на северноорејскиот маж“, беше наведено во соопштението.

Покрај тоа, весникот China Press пишува дека полицијата распространила до сите полициски станици фотографии на четворица мажи, осомничени за убиството, по кои е распишана потерница.

Претходно беше објавено дека полицијата уапсила две жени за убиството на Ким Џонг-нам, кој некогаш беше сметан за можен лидер на Северна Кореја, 29-годишна државјанка на Виетнам и 25-годишна државјанка на Индонезија, а потоа и 26-годишен државјанин на Малезија, кој бил во врска со Индонезијката./крај/мф/сн