Забава
Скандалозна Оскаровска церемонија: Месечева светлина најдобар филм, Ла Ла Ленд освои шест Оскари
Мјузиклот „Ла Ла Ленд“ освои шест Оскари на 89-та церемонија на доделувањето на наградите на Американската академија за филмска уметност и наука: за режија, фотографија, главна женска улога, музика, песна и сценографија. За најдобар филм е прогласен „Месечева светлина“ на Бери Џенкинс.
Речиси совршеното доделување на најпрестижните филмски награди ќе се памети по скандалот кога беше доделувана наградата за најдобар филм: Феј Данавеј која заедно со Ворен Бити ја доделуваше наградата погрешно прочита дека добитник е „Ла Ла Ленд“.
Екипата на овој филм излезе на сцената започна да ги држи своите говори кога продуцентот Џордан Хоровиц ги прекина и ги извести дека има грешка во доделувањето и дека најдобар филм е „Месечева светлина“.
Ворен Бити потоа дополни дека ја добил ковертата со името на Ема Стоун и филмот „Ла Ла Ленд“. Причина за скандалот е најверојатно таа што за секоj победник постојат по две коверти, а на Феј Данавај и Ворен Бити им била дадена онаа за најдобра женска главна улога, а не за најдобар филм.
Режисерот на „Месечевата светлина“, Бери Џенкинс, и екипата од овој филм најпрвин со неверување го испратија доделувањето, а потоа Џенкинс рече: „Ова не се случи дури ни во моите сништа. По ѓаволите со сништата!“.
https://www.youtube.com/watch?v=Lg8v1W7X7oM
Филмот „Месечева светлина“ освои три Оскари: за најдобар филм, за споредна машка улога (Махершала Али) и за адаптирано сценарио.
По две награди освоија филмовите „Манчестер на море“ (главна машка улога и оригинално сценарио) и „Рт на спасот“ (монтажа и звук).
Оскарот за режија му припадна на Демијен Шазел (32) со што стана најмладиот режисер во историјата кој ја освои престижната статуетка.
Актерските награди им припаднаа на Кејси Афлек (Манчестер на море) и Ема Стоун (Ла Ла Ленд) за најдобра машка односно женска улога, а Махершали Али (Месечева светлина) и Вајоли Дејвис (Огради) го освоија наградите за најдобра споредна машка односно женска улога.
Наградата за најдобар странски филм ја освои иранскиот „Трговецот“ на режисерот Асгара Фархади. Овој режисер е најпозната жртва на забраната за влез во САД на државјани од шест муслимански земји, на претседателот Трамп.
Домаќин на 89-то доделување на филмските награди Оскар беше Џими Кимел. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.