Политика
Внатрешна иницијатива за модернизација и демократизација на ВМРО-ДПМНЕ
Согласно определбата, Република Македонија да се развива како парламентарна демократија, неопходно и потребно е политичките партии да бидат моделирани и функционални како демократски партии.
Платформата за демократизација на ВМРО ДПМНЕ нуди решенија преку кои нашата партија ќе се реформира во пример за демократизирана партија во Република Македонија. Почитувани сопартијци, размислувајте трезвено, кој и кон што не води… Нашата партија, ВМРО ДПМНЕ е партијата која што се бореше и се избори за независна држава. Нашата партија се залагаше за македонска полиција и македонска армија, наши македонски пари.
Нашата партија е демохристијанска, а начелата на ВМРО се чесност, правичност, интегритет, демократија. Членуваме во бројни меѓународни организации, а бевме почитувани од сите сестрински партии. Не подржуваа додека можеа… Но, после вчерашниот говор на Претседателот Иванов, влеговме во графата на „недемократска партија“.
Нашите сестрински партии се од држави кои се членки на ЕУ, наши докажани пријатели па неприфатливо е ВМРО ДПМНЕ да води анти НАТО и анти ЕУ политики. Постои опасност целата партија да биде осудена и прогласена за недемократска. Ние сме чесни демократи, и најголемиот дел од нас, до денес го подржувавме раководството, иако бевме свесни дека работите не се како што треба. Дадовме максимум на изборите, со надеж дека состојбите ќе се подобрат после нив. Постои опасност нашата партија да биде изолирана и екскомуницирана, да биде исклучена од сите меѓународни сестрински и пријателски организации и форуми. Да биде обележана и стигматизирана од сите.
Со фактот дека нашето раководство ја прифати платформата и започна преговори со ДУИ, а Претседателот Иванов го даде мандатот за формирање на влада, кога не беше постигнат договор само заради темата СЈО, стана јасно дека сме биле изманипулирани. Станува јасно, дека раководството се грижи единствено за себе, и воопшто не им е важна иднината на партијата. Нашата партија е украдена и злоупотребена, а со тоа и нашите чест и углед. Не заслужуваме да бидеме поистоветувани со тие луѓе. Зошто еден ден да се срамиме затоа што сме учествувале во овој циркус? Погледнете се меѓу себе и одговорете си – кој од раководството е избран од вас? Кој лично ја заслужи вашата доверба да ве води? Никој!
– Поставени ви се претседателите на ОК по однапред диктиран модел, на фиктивни конкурси. Од горе ви ги бираат кандидатите за градоначаници, од горе ви ги поставуваат кандидатите за пратеници, сами се бираат во ЦК и ИК. Си работеа во затворен круг, а нас нè залажуваа со разни „нови бранови“. Нас, лојалните членови нè користат како барикади и топовско месо… Кажете кој од нив го избравте вие? Не гледате ли дека најголем дел од напрчената „партиска елита“ во чесна постапка не би поминала на избори ниту во КИМ.
Со вчерашното обраќање на Претседателот Иванов ги видовме последиците од султанскиот модел на управување. Ваквиот себичен однос кон партијата и кон државата, води директно токму кон тоа од кое божем ја браниме татковината – меѓусебно изолирање и затварање на населението во кантони, табори по етничка основа, федерализација и конечно растурање на Република Македонија. Зарем ќе прифатиме токму ние, членовите на ВМРО-ДПМНЕ, кои живеевме со идејата за силна и напредна, обединета и Европска Македонија, да бидеме одговорни за нејзиното уништување? Секој проблем има решение, но некои решенија создаваат нови, уште поголеми проблеми. Затоа треба да се биде мудар кога се одлучува за иднината на Македонија.
Ако сите ние, чесните членови, заедно и сплотени, сите заеднички се ислушаме меѓусебно и ги донесеме вистинските одлуки врз база на наш меѓусебен договор, ќе ги спасиме и државата и партијата. Повторно ВМРО ДПМНЕ ќе биде нашата гордост! Со реформирана партија, прифатена и подржана од целиот свет, од сите наши сестрински партии, а црпејќи ја силата од сите нас, од вистинските искрени членови, ќе продолжиме да бидеме најсилен фактор на политичката сцена во Македонија! И ќе бидеме почитувани а не омразени, проколнувани и плукани од нашите соседи и пријатели. Побргу да го заборавиме ова криминално зло што ја снајде партијата, оваа несреќа за Македонија! За потоа да тргнеме заедно, посилни од кога било! Да тргнеме во нови изборни победи, победи за Македонија. Да живее Република Македонија! Да живее ВМРО ДПМНЕ! (пренесено интегрално)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.