Македонија
Заев му дава на Иванов неколку дена да се премисли, во спротивно ќе се бира претседател на Собрание
Ќе се остави простор Претседателот Ѓорге Иванов да се премисли и сепак да му го даде мандатот на лидерот на СДСМ Зоран Заев, кој достави до него потписи на 67 пратеници, услов поставен токму од Иванов, но сепак мандатот не му беше даден затоа што претседателот одлучи мандат да не дава „на човек кој преговара за туѓи платформи“.
„Не е разговарано за никаква платформа, со Ахмети разговаравме како да се вратат парите назад. Будалаштини се дека ќе бидат казнувани тие што не зборуваат албански јазик. Во моментов 33 општини се двојазични. Ги манипулираат луѓето дека се воведува двојазичност или дека парите ќе бидат двојазични. Такво нешто нема“, рече Заев.
Во синоќешното интервју во емисијата Отворено на Тв24Вести лидерот на СДСМ ги откри и идните чекори доколку Претседателот Иванов не ја преиначи одлуката и не му го даде мандатот.
„Јас верувам дека ако Иванов, а веќе и ден после неговата одлука стои на истиот став, односно не го дава мандатот, ќе создадеме такви причини преку чекорите коишто ги преземаме, за на крајот да ја промени одлуката. Верувам дека тоа така треба да се движи и тоа така го најавуваме и ќе направиме се тоа да се случи, ден побрзо“, рече Заев.
Заев е убеден дека избори во овој момент ѝ одговараат единствено на СДСМ. „Не ѝ одговараат на Македонија, на ВМРО, на ДУИ а ниту, пак, на малите партии“.
Заев, во интервјуто, ги демантираше наводите дека со ДУИ планирале одложување на локалните избори.
Тој е уверен дека СДСМ „и тоа како“ ќе ги добие локалните избори, но во моментов смета дека не се решение и нови парламентарни избори, зашто „само ќе се повторува истото, а земјата ќе губи“.
„Јас лично сум против промена на Устав, промена на химна, знаме, грб. Со вадење на народ на улица ВМРО-ДПМНЕ сака да создаде заштита на бандитизмот, под превезот на себезаштита. Груевски ја навлекува Македонија во подлабока криза“, изјави Заев.
Според Заев, постои решение за излез од новонастанатата ситуација, и тоа со влегување во Собрание и избор на претседател на Собранието .
„Ве уверувам дека постои решение за оваа работа. Едно од решенијата е премногу очигледно. Парламентот може да избере претседател на Собранието и тука нема никаква допирна точка со Ѓорге Иванов или со било кој. 67 -те мандати барем гарантираат дека може да се избере со мнозинство гласови претседател на Собранието и тоа е еден од извесните чекори кои ќе доаѓаат. Тоа е во моите планови, во плановите на Ахмети и плановите на другите политички партии и беше дел од пакетот за кој што се разговара“, обелодени Заев.
Заев рече дека нема да открие повеќе детали затоа што претранспарентноста на СДСМ можела понекогаш да се злоупотреби за лоши работи.
„Тоа не е причина за да не бидеме транспарентни, само ве уверувам дека постојат решенија и лепеза од опции коишто можеме да ги преземеме како идни чекори за да не дозволиме некој поединец да држи во заложништво цела држава преку тоа па да расте потенцијал за недај боже лоши случувања помеѓу граѓаните. Постојат опции. Јас ја посакувам и треба да се случи опцијата којашто требаше досега да биде случена, Иванов да го даде мандатот“, рече Заев.
Тој нагласи дека треба да се случи избор на претседател на Собрание во најбрз можен рок, пратениците да се договорат за име за претседател на Собранието, за да побараат од претседавачот на Собранието да ја продолжи прекинатата седница, да се формира комисија за изборни именувања и да се избере претседател на Собрание.
За мандатот на Специјалното јавно обвинителство Заев вели дека „ако мандатот на СЈО не успееме да го продолжиме треба да знаат сите материјалите како докази се искористуваат, и дека ако нема СЈО тогаш ќе има јавно обвинителство. Секој ќе одговара ако доказите покажат криминални дела без разлика од која партија се, дали од СДСМ, ДУИ, ВМРО ДПМНЕ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Директорот на Фондот на ПИОСМ се сретна со шефот на Мисијата на Светска банка: во фокусот дигитализацијата на архивата
Дигитализацијата на архивата на Фондот на пензиското и инвалидското осигурување на Северна Македонија беше една од темите за кои стана збор при средбата на директорот на Фондот, Никола Мемов со Мисијата на Светска банка предводена од Зоран Анушиќ и Мануела Софија Станкулеску, а е дел од СИАП проектот и пензиската политика.
Беше речено дека во наредниот период ќе се интензивираат активностите за да може дигитализацијата на архивата да се реализира до средината на наредната 2026 година, бидејќи е од особена важност за обезбедување на квалитетна база на податоци за осигурениците и ќе придонесе во поефикасното работење на Фондот.
На состанокот стана збор и за статусот на актуарската единица која треба да се воспостави во наредниот период и активностите потребни за заживување на целиот процес.
Мемов, нагласи дека во најкус рок лицата кои имаат дел од потребните обуки ќе продолжат со истите и ќе бидат вклучени во процесот на работа во Фондот со цел правење на проекции и предвидувања за развојот на пензискиот систем во иднина.
Македонија
Царината заплени околу три илјади парчиња стока: облека со потпис на заштитени трговски марки, алкохол, електронски цигари, автоделови
На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока, меѓу која алкохолни пијалоци, електронски цигари, облека со потпис на заштитени трговски марки, и автоделови пронајдени во возила, автобуси и товарни моторни возила. Против сторителите се водат посебни постапки.
На граничен премин Блаце запленети се повеќе од 700 парчиња разна стока, меѓу која играчки, парфеми, козметика и мебел.
Вкупно 600 парчиња разна стока, во најголем дел играчки се пронајдени во фабрички шуплини на комбе, управуван од македонски државјанин.
Во друг случај откриени се вкупно 143 парчиња парфеми и козметика пронајдени под патосниците на задните седишта како и во багажниот простор на автомобил управуван од македонски државјанин.
Во товарно возило кое на влез во државата е пријавено како празно, царинските службеници открија вкупно три парчиња гарнитури мебел.
Царинските службеници на граничниот премин Табановце во текот на изминатите денови, во три одделни случаи запленија 26 шишиња алкохолни пијалоци, над 200 парчиња електронски цигари и уред за авто-дијагностика. Дополнително, мобилен царински тим откри и спречи обид за шверц на осум сета воздушни и водни пумпи со соларен панел, наменети за фонтани и аквариуми.
Во првиот случај, 26 шишиња алкохолни пијалоци со проценета вредност од околу 30 илјади денари биле пронајдени во автомобил со германски регистарски таблички, управуван од македонски државјанин. Лицето не ја пријавило стоката со цел да избегне плаќање царински давачки во износ од околу 7 илјади денари.
Во вториот случај, царинските инспектори пронашле 209 парчиња електронски цигари во две торби на патник кој патувал со автобус на релација Брисел – Скопје.
Третиот случај се однесува на уред за авто-дијагностика, откриен во автомобил со привремени германски таблички, управуван од македонски државјанин.
Во посебен случај, Службата за мобилен скенер при контрола на товарно моторно возило откри осум сета водни и воздушни пумпи со соларен панел.
На граничниот премин Богородица, при контрола на стока во транзит, мобилни тимови запленија 1.200 парчиња безжични контролери за Sony PlayStation и 650 парчиња облека со ознаки на заштитени трговски марки. Запленетата стока е одземена поради сомневање дека повредува права од интелектуална сопственост.
На граничниот премин Ново Село, царинските службеници запленија автоделови кои биле пронајдени во автомобил управуван од македонски државјанин. Стоката е запленета, а против сторителот е поведена соодветна постапка.
Македонија
Орце Ѓорѓиевски по дебатата со Мециновиќ: Скопјани сакаат дела и резултати
Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави порака со благодарност до граѓаните, истакнувајќи дека скопјани бараат човек кој ќе ги решава проблемите.
„Благодарам од срце за огромната поддршка! Се покажа дека скопјани бараат човек кој ќе ги решава проблемите, дека сакаат дела и резултати. Заедно ќе направиме многу за Скопје. Уште од првиот ден — работа, посветеност и одговорност кон граѓаните. Благодарам, Скопје!“, напиша Ѓорѓиевски на социјалните мрежи.
Двајцата кандидати, Ѓорѓиевски и Мециновиќ, ќе се соочат во вториот изборен круг на 2 ноември.
Царината заплени околу три илјади парчиња стока: облека со потпис на заштитени трговски марки, алкохол, електронски цигари, автоделови
На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...
Орце Ѓорѓиевски по дебатата со Мециновиќ: Скопјани сакаат дела и резултати
Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...
Мециновиќ по дебатата: Ова е генерациска борба на непривилегираните
Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...
Обвинение за смрт на работник: камион паднал во Вардар возејќи низ импровизирана патека, возачот останал заробен и починал
Основното јавно обвинителство Кавадарци поднесе Обвинителен акт против еден осомничен од Неготино за тешки дела против општата сигурност од член...
Кривична против поранешен директор, заменик-директор и вработени во Агенцијата за храна и ветеринарство за проневера во службата
СВР Скопје до ОЈО Скопје поднесе кривична пријава против З.А., поранешен директор на Агенцијата за храна и ветеринарство поради сомнение...
Орбан е пред голема дилема: Трамп или руска нафта
Унгарскиот премиер Виктор Орбан се наоѓа во незавидна позиција – притиснат помеѓу неговата зависност од руската нафта и притисокот од...
Зеленски даде наредба: Украина почнува да извезува оружје
Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство...
(Видео) Властите на Јамајка предупредуваат: Внимавајте се од крокодили
Јамајканските власти ги предупредија жителите за уште една опасност предизвикана од разорното уништување од ураганот Мелиса – крокодили кои можеби...
Северна Кореја лансира крстосувачки ракети: летаа два часа
Северна Кореја тестираше крстосувачки ракети море-земја западно од Корејскиот Полуостров, објави државната новинска агенција KCNA, токму во време кога американскиот...
(Видео) Страшниот ураган ја опустоши Јамајка: сега се движи кон Куба станувајќи сè посилен
Екстремнно моќниот ураган Мелиса се движи кон Куба откако ја опустоши Јамајка. Тоа е најсилната бура со која некогаш се...
Еден од министрите, секој ден плаче и праќа пораки по дипломатските претставништва да ми реагираат да престанам до избори да говорам за криминалов, вели Арсовска
Градоначалничката на Скопје, Данела Арсовска, преку објава на социјалните мрежи го повикува Ислам Абази од Основното јавно обвинителство за организиран...
(Видео) Илјадници пластични шишиња во Вардар, од Министерството за животна средина велат виновни се слабите комунални услуги
Министерството за животна средина и просторно планирање соопшти дека појавата на пластичен и друг амбалажен отпад во реката Вардар и...
Обвинителството побара притвор за директорот и за управителот на „Комунална хигиена“
Скопското обвинителство побара притвор за в.д. директорот на ЈП „Комунална хигиена“ – Скопје, Сабахудин Рустеми, и за еден управител за...
Голем е интересот за вакцинацијата против сезонскиот грип, од Здравство велат пријавени се повеќе од 70.000 граѓани
Министерството за здравство информира дека интересот за вакцинација против сезонскиот грип континуирано расте. Досега се пријавени над 70 илјади граѓани,...
Мицкоски: Енергетиката е поставена високо на државната агенда – не како техничко прашање, туку како национален приоритет
Енергетиката е поставена високо на државната агенда, не како техничко прашање, туку како национален приоритети државна стратегија, рече премиерот, Христијан...
Во Кавадарци со тесла го убил својот помлад брат на неговиот роденден поради расправија за имот
Обвинителството ги откри мотивите за грозоморното убиство што се случи летово во Кавадарци. Утврдено е дека 43-годишникот го убил својот...
(Видео) Јамајка се подготвува за најлошиот ураган во историјата
Три лица веќе загинаа на Јамајка, додека островот се подготвува за најсилната бура во светот оваа година, а можеби и...
Русија: Украина ја напаѓа Москва со беспилотни летала втора ноќ по ред
Украина ја нападна Москва со беспилотни летала втора ноќ по ред, соопштија денес руското Министерство за одбрана и градоначалникот на...
(Видео) Експлозија во австралиски рудник, двајца загинати
Две лица загинаа, а едно беше повредено денес во експлозија во од неодамна повторно отворен рудник во австралиската држава Нов...
Судијата му дозволи на убиецот на Чарли Кирк да носи обична облека на суд
22-годишниот маж обвинет за убиство на истакнатиот конзервативен активист Чарли Кирк може да се појави на суд во „цивилна облека“,...
